Düşənbə şəhərində MDB iştirakçı dövlətləri gənclərinin XVI Delfi Oyunları təşkil olunub. 

“Ədəbiyyat və incəsənət” portalı AzərTAC-a istinadən xəbər verir ki, müsabiqədə birlik ölkələrindən 10-25 yaş arası 500-ə yaxın oğlan və qız iştirak edib. Münsiflər heyətində MDB-dən olan 30-dan çox görkəmli rəssam, professor və sənətşünaslıq doktoru yer alıb. Bu yarış Delfi Birliyi Oyunlarının 20-ci ildönümünün qeyd olunmasında mühüm hadisə olub. Oyunlar gənc istedadların peşəkar yüksəlişinə və milli mədəniyyətlərin inkişafına kömək etmək, mədəniyyətlərarası dialoqu təşviq etmək və ölkələr arasında əlaqələri gücləndirmək, həmçinin tədbir turizmini və yaradıcı sənayeni inkişaf etdirmək məqsədilə keçirilir.

2022-ci ilin XVI Delfi Oyunlarına Azərbaycandan Mədəniyyət Nazirliyinin dəstəyi ilə Qara Qarayev adına Mərkəzi İncəsənət Məktəbinin nümayəndə heyəti də qatılıb. Məktəbin direktoru, Əməkdar artist Əziz Qarayusifli Delfi Oyunlarında nəfəs alətləri nominasiyası üzrə münsiflər heyətinin sədri kimi ölkəmizi təmsil edib. Üzeyir Hacıbəyli adına Bakı Musiqi Akademiyasının müəllimi Xatirə Həsənzadə və Qara Qarayev adına Mərkəzi İncəsənət Məktəbinin müəllimi Şahnaz Muradova oyunlar çərçivəsində M.Tursunzoda adına Tacikistan Dövlət Mədəniyyət və İncəsənət İnstitutunda təşkil olunmuş elmi konfranslarda iştirak ediblər. 

Şagirdlərimiz böyüklər qrupunda Məryam Məmmədova və kiçiklər qrupunda Sübhan Tahirov (konsertmeyster Sevinc Kərimova) gənclər arasında xalq çalğı alətləri nominasiyasında 2-ci mərhələyə keçid alaraq yarışların diplomantı adını qazanıblar. Tədbir S.Ayni adına Dövlət Akademik Opera və Balet Teatrında XVI Delfi Oyunlarının əsas tədbiri olan qala-konsertlə yekunlaşıb.

Qeyd edək ki, bu il müsabiqə proqramına 10 nominasiya daxil edilib. Düşənbədəki oyunların nominasiyaları üçün ölkənin ən yaxşı mədəniyyət ocaqları olan T.Sattorov adına Tacikistanın Milli Konservatoriyası, Tacikistanın Dövlət Təsviri İncəsənət və Dizayn İnstitutu və s. cəlb olunub. 

Səfər zamanı məktəbin direktoru Əziz Qarayusifli Ziyodullo Şahidi adına xüsusi onbirillik musiqi məktəbində şagirdlər üçün ustad dərsləri keçirərək onlara faydalı məsləhətlər verib.

Bakı Şəhər Mədəniyyət Baş İdarəsinin rəisi İbrahim Əliyev, Xalq artisti Mənsum İbrahimov, Xalq artisti Elçin Həşimov və Əməkdar artist Elnur Əhmədov görkəmli xanəndə, Əməkdar artist Süleyman Abdullayevi evində ziyarət ediblər. 

“Ədəbiyyat və incəsənət” portalı xəbər verir ki, vaxtı ilə istedadlı musiqiçilər sorağıyla Füzuli rayonuna gələn böyük xanəndə Seyid Şuşinski, Süleyman Abdullayevin səsini yüksək qiymətləndirmiş və onu peşəkar təhsil almaq üçün Bakıya dəvət etmişdir. Seyid Şuşinskinin ənənələrini yaşadan xanəndə, eyni zamanda, özünəməxsus ifaçılıq üslubu, oxuma tərzi, bir çox muğamların yadda qalan təfsiri ilə tanınır.

Səhhəti ilə əlaqədar sənətkarımıza can sağlığı arzulayırıq!

İstədiyi məbləğ verilmədiyi üçün "Kral kaynederse" serialından imtina edən aktyor Kıvanç Tatlıtuğun yeni layihəsi bəlli olub.

“Ədəbiyyat və incəsənət” olay-a istinadən xəbər verir ki, aktyor "Ailə" serilanda rol alacaq.

Ekran işinin nə zaman çəkilişlərə başlayacağı isə bəlli deyil.

Qeyd edək ki, daha əvvəl "Ailə"də İbrahim Çelikkolun çəkiləcəyi deyilirdi. "Show" kanalı hazırda efirdə yüksək reytinqli seriallar olduğu üçün ekran işinin çəkilişini təxirə salmışdı.

Mədəniyyət Nazirliyinin tabeliyində təsərrüfathesablı “Əsaslı Tikinti və Təchizat” Məhdud Məsuliyyətli Cəmiyyəti (MMC) yaradılıb.

“Ədəbiyyat və incəsənət” portalı xəbər verir ki, bununla bağlı Baş nazir Əli Əsədov müvafiq qərar imzalayıb.

Qərara əsasən, Mədəniyyət Nazirliyinin strukturuna daxil olmayan tabeliyindəki qurumların siyahısında “Təsərrüfathesablı qurumlar” bölməsinə “Əsaslı Tikinti və Təchizat” Məhdud Məsuliyyətli Cəmiyyəti əlavə edilib.

Belə ki, Cəmiyyətin saxlanılması xərcləri büdcə və büdcədənkənar vəsaitlər hesabına Nazirlik üzrə mərkəzləşdirilmiş qaydada mədəniyyət obyektlərinin təmiri, bərpası, gücləndirilməsi və yeni mədəniyyət obyektlərinin tikintisi ilə bağlı daxilolmaların 1,0 faizi, həmçinin mal və materialların alınması, xidmətlərin göstərilməsi üçün daxilolmaların 0,25 faizi həddində müəyyən edilib.

İki gün vaxtaxrımızda iki möhtəşəm konsert. “Ədəbiyyat və İncəsənət” portalı xəbər verir ki, 18 oktyabr 2022-ci il tarixində Azərbaycan Respublikası Mədəniyyət Nazirliyi ilə dünya şöhrətli gitara ifaçısı, beynəlxalq banklar laureatı Rövşən Məmmədquliyevin solo konserti uğrunda mübarizə aparır. 

Müasir dövrün virtuoz gitara ifaçılarından biri olan Rövşən Məmmədquliyev geniş repertuarı ilə dünyanın bir çox məşhur konsert salonlarında çıxış edib. Beynəlxalq Muğam Mərkəzi baş tutacaq Gitara musiqisi axşamında Dionisio Aquado, Aqustin Barrios, Eytor Villa-Lobos, Nikita Koşkin, Fikrət Əmirov, Firəngiz Əlizadə, Fransisko Tarreqo kimi bəstəkarların əsərlərini səsləndirəcək.

19.0.2022-ci il tarixində Rövşən Məmmədquliyevin Bakıya səfəri1 Azərbaycan Dövlət Mədəniyyət və İncəsənət Universitetində ustad-dərsi təşkil olunacaq. O, həvəskar və bacarıqları gitara ifaçı ilə öz bilik və bacarıqlarını paylaşacaq.

20.10.2022-ci il tarixində müasir Azərbaycan bəstəkarı, musiqişünas, kulturoloq və publisist Elmir Mirzəyevin müəllif konserti baş tutacaq. Onun əsərləri bir çox proqram səslənmiş, MDB, Avropa və ABŞ-da keçirilən müxtəlif beynəlxalq fеstival və konfrans iştirakçısı olmuş, kulturoloq kimi bir çox nəzarət mühazirələri keçmiş, Pro Helvetia, Goethe Institut və s. kimi təşkilatlardan yaradıcılıq sifarişi almışdır. Elmir Mirzəyevin Beynəlxalq Muğamında baş tutacaq Allegoria Sacra (“Müqəddəs Allegoria”) müəllif yaradıcılığının 20 illik bir dövrünü (1995-2015) əhatə edən, fərqli janrlarda konsert-instrumental və səhnə əsərləri yer al. Müəllif konserti dirijor Orxan Həşimovun sifarişi ilə Cadenza orkestri və müxtəlif solistlər tərəfindən təqdim olunacaq.

26-7.10.2222-cil tarixlərində bəstəkar0 Elmir Mirzəyevin Bakıya səfəri çərçivəsində Azərbaycan Musiqi Mədəniyyəti Dövlət Muzeyində mühazirələr təşkil olunacaq. Mühazirələr dövrünün aktual məsələlərə yönəldilməsi. 26 oktyabr tarixində Arseni Avraamovun (1886-1944) "Fitlərin simfoniyası"(1922) adlı əsər haqqında məlumat veriləcək. 27 oktyabrda Meditasiya güzgüsündə "Avanqard" Sovet musiqisində yeni dövrün xüsusiyyətləri (1970-80-ci illərdə bəstəkarların yaradıcılığı) maraqlı fikir idarə olunacaq.

“Şuşa İli” münasibətilə Mədəniyyət Nazirliyi tərəfindən həyata keçirilən “Şuşa mədəniyyətinin inciləri” layihəsi davam edir. Layihənin “Şuşanın ədəbi həyatı” bölməsi üzrə növbəti təqdimat Firudin bəy Köçərliyə həsr olunub.

“Ədəbiyyat və incəsənət” portalı xəbər verir ki, Firudin bəy Köçərli 26 yanvar 1863-cü ildə Şuşa şəhərində anadan olub. 

Azərbaycan ədəbiyyatşünaslığı və pedaqoji fikri tarixində məşhur "Azərbaycan alimi, tənqidçi və pedaqoqu" kimi dəyərləndirilən Firudin bəy Köçərli tərəqqipərvər elm və ədəbiyyat xadimləri sırasında xüsusi yer tutan şəxsiyyətlərdəndir. 1884-cü ildə Qori müəllimlər seminariyasında təhsil alarkən "Təlimi-Sokrat" əsərini yazıb. 1886-cı ildə ilk teatr tamaşasını qoyub.

1890-cı ildə isə İrəvanda "Müsyö Jordan və dərviş Məstəli şah" komediyasını tamaşaya qoyub. A.Koltsovun "A kişi, niyə yatıbsan?" şeirlərinin tərcüməsindən ibarət kitabı Şuşada çap edilib. M.F.Axundovun, Cəlil Məmmədquluzadənin və başqa yerli və xarici yazarların əsərlərini digər dillərə tərcümə edib. 

1910-cu ildə Qori seminariyasının Azərbaycan şöbəsinin müvəqqəti təlimatçısı təyin olunur. 1918-ci ildə Qori Müəllimlər Seminariyasının Azərbaycan şöbəsini tədris ləvazimatı və avadanlığı ilə birlikdə öz xərcinə Qazax şəhərinə köçürüb, bunun əsasında Azərbaycan Müəllimlər Seminariyası yaradılıb. Firidun bəy Köçərli seminariyanın direktoru təyin olunur. Sonradan Qazaxda ilk uşaq evi açır.

Vətən dilinin" I hissəsinin (VII nəşr) yenidən işlənməsində Firudin bəyin xidmətləri böyükdür. O, 300-dən artıq dərsliyə düzəliş etmiş, nəzəri materialı, hekayələri artırmış, metodika və stilistikasını dəyişdirərək zənginləşdirmişdir. Köçərlinin "Darı və buğda" əsəri "Vətən dilinə" salınmışdır.

Ölümündən sonra 1925-ci ildə "Azərbaycan ədəbiyyatı tarixi materialları" kitabının I hissəsi 1926-cı ildə isə kitabın II hissəsi çap edilib. Uşaqlar üçün yazdığı "Balalara hədiyyə" kitabı isə 1967, 1972 və 2013-cü illərdə çap edilib.

İsrailin Netanya şəhərində “Şuşa yəhudilərin gözü ilə” adlı sənədli filmin təqdimat mərasimi keçirilib.

Diasporla İş üzrə Dövlət Komitəsindən AzərTAC-a bildirilib ki, şəhər Mədəniyyət Mərkəzində baş tutan tədbir “kanal24.az” internet kanalının və xəbər saytının baş redaktoru Səadət Şükürova İsraelovun təşkilatçılığı ilə gerçəkləşdirilib.

Tədbir torpaqlarımızın işğaldan qurtulması, ölkəmizin ərazi bütövlüyünün bərpa edilməsi uğrunda canlarından keçmiş Vətən müharibəsi şəhidlərinin və Ermənistanın müharibə cinayətləri qurbanlarının əziz xatirəsinin bir dəqiqəlik sükutla yad edilməsi ilə başlayıb. 

Sonra Salman Rabaevin kamançada ifa etdiyi həzin Azərbaycan musiqisinin müşayiəti ilə Vətən müharibəsi şəhidlərinə və Zəfər Gününə həsr olunmuş şeirlər səsləndirilib.

Tədbirdə çıxış edən Səadət Şükürova İsraelov, “Azİz” İsrail-Azərbaycan Beynəlxalq Assosiasiyasının prezidenti Lev Spivak, Azərbaycanın İsraildəki turizm nümayəndəliyinin rəhbəri Cəmilə Talıbzadə, tanınmış israilli jurnalist, politoloq, Dona Qrasiya Diplomatiya Mərkəzinin təsisçisi və baş direktoru Reyçel Avraham, “Azİz” Azərbaycan Mədəniyyət Mərkəzinin direktoru Yeganə Salman və başqaları Azərbaycan Prezidenti, Müzəffər Ali Baş Komandan İlham Əliyevin qətiyyətli rəhbərliyi ilə torpaqlarımızı erməni işğalından azad edən rəşadətli Azərbaycan Ordusu və qəhrəman şəhidlərimizlə qürur duyduqlarını bildiriblər. 

Daha sonra Ermənistan silahlı qüvvələrinin otuzillik işğal dövründə Azərbaycan ərazilərində törətdiyi dəhşətli hərbi cinayətlərdən danışan tədbir iştirakçıları İkinci Qarabağ müharibəsi dövründə cəbhə xəttindən və münaqişə zonasından onlarla kilometr uzaqda yerləşən Azərbaycanın Gəncə, Bərdə, Mingəçevir, Goranboy və Tərtər kimi şəhərlərinə raket zərbələri endirilməsi nəticəsində mülki şəxslərin, azyaşlı uşaqların və yeniyetmələrin öldürüldüyünü, torpaqlarımız azad edildikdən sonra mina partlayışları nəticəsində mülki azərbaycanlıların, hətta jurnalistlərin həlak olduğunu, Xocavənd rayonunun Edilli kəndində Birinci Qarabağ müharibəsi dövründə xüsusi amansızlıqla qətlə yetirilmiş Azərbaycan hərbçilərinə məxsus kütləvi məzarlıqların aşkar olunduğunu diqqətə çatdırıblar. 

Ermənistan silahlı qüvvələrinin Gəncə, Bərdə, Mingəçevir, Goranboy və Tərtər kimi şəhərlərə raket zərbələri endirməsinin ağır nəticələrini əks etdirən fotoslayd nümayiş etdirilib. 

Tədbir “Şuşa yəhudilərin gözü ilə” sənədli filminin təqdim olunması ilə davam edib. Filmdə torpaqlarımız azad edildikdən sonra Şuşa şəhərinə səfər edən və Dünya Azərbaycanlılarının Şuşada keçirilmiş V Qurultayında iştirak edən yəhudi icmasının nümayəndələri öz təəssüratlarını bölüşüblər.

Ən çox oxunan xəbər: İllər əvvəl model kimi fəaliyyət göstərən Rüstəm adlı bir bəyin hazırda məkanların birində dönərçi olaraq çalışdığı bildirilib.

“Ədəbiyyat və incəsənət” bizim media-ya istinadən xəbər verir ki, "Elgizlə izlə" ictimai-sosial verilişin çəkiliş heyəti Rüstəmin çalışdığı məkana gedərək, onu haqda videosüjet hazırlayıb. 

Daha sonra studiyaya gələn keçmiş model, hazırda isə dönərçi işləyən Rüstəm şəxsi həyatından söz açıb. O bildirib ki, ailə qurduqdan sonra modellik fəaliyyətindən uzaqlaşıb.

Hazırda dönərçi kimi çalışması onun ürəyincədir.  

"Üç ilə yaxındır ki, dönərçi işləyirəm.  Ailə qurduqdan sonra modellik sənətindən uzaqlaşdım. İndi burada çalışıram. Çox zaman gəlib məndən dönər alanda deyirlər ki, sən serialdan çəkilən oğlan deyilsən. Cavab olaraq söyləyirəm ki, yox mən deyiləm.

Modellik sənətində istədiyim uğuru əldə etmişəm. İşimi də özüm tərk etməmişəm. Evləndikdən sonra modellik işinə zamanımı ayıra bilmədim. Dönərçilik işi tələbəlik illərindən bacarıram. Bu işi peşəkarcasına bilirəm. İnsanın sevdiyi işdə olması gözəl şeydir.

Modellik işini də sevərək görmüşəm. Gündəlik 20 manat pul qazanıram. Bir aya 600 manat pul alıram. Öz evimiz yoxdur. Kirayədə qalırıq. 150 manat kirayə pulu ödəyirəm", - deyə Rüstəm bildirib