Super User
“Ucalardan uca bayrağım“- Məhəmməd Əmin Rəsulzadə barədə hekayətlər
Zahirə Cabir yazır
“Ədəbiyyat və incəsənət” portalı publisist Zahirə Cabirin Məhəmməd Əmin Rəsulzadə barədə hekayətlərinin dərcini yekunlaşdırır.
Hekayətlərin dərcində məqsəd - uşaqlara bu dahi şəxsiyyəti daha yaxından tanıtmaqdır.
Ucalardan uca bayrağım
Əgər boş vaxtın varsa, əlinin altında yaxşı bir kitabın yoxdursa və telefonda oynamaqdan, televizora baxmaqdan bezmisənsə, ən yaxşısı budur ki, hansısa muzeyə get. Nəinki gözəl vaxt keçirəcək, həm də bir çox maraqlı şeylər öyrənəcəksən. Əbəs yerə deyil ki, hər hansı bir şəhərin görməli yerləri arasında muzeylər, demək olar ki, birinci yeri tutur. Bakıda da çoxlu muzeylər var. Milli İncəsənət, Xalça, xatirə, tarix-diyarşünaslıq, ev muzeyləri... Belə muzeylərin niyə maraqlı olduğunu izah etməyə yəqin ki, ehtiyac yoxdur.
Mən də üz tutdum Milli Azərbaycan Tarix muzeyinə. Bu muzeydə heç vaxt olmamışdım. Muzeyin bələdçisi binanın 1895-1897-ci illərdə tikildiyini və Azərbaycan milyonçusu Hacı Zeynalabdin Tağıyevin mülkü olduğunu söylədi. Burada qədim dövrdən başlayaraq Azərbaycan tarixinin bütün mərhələlərinə dair qiymətli eksponatlar toplanmışdır. 300 mindən çox eksponatı olan muzeydə xalqımızın bir çox görkəmli şəxsiyyətlərinin təhsil almasına yardımçı olmuş Hacı Zeynalabdin Tağıyevin həyatı və fəaliyyətinə dair fotoşəkillər, tarixi sənədlər, ona məxsus qiymətli əşyalar da toplanmışdır.
Muzeyin Azərbaycan Demokratik Cümhuriyyətinə aid bölməsində diqqətimi çəkən Cümhuriyyət yaradıcısı Məhəmməd Əmin Rəsulzadənin həyat yoldaşı ilə birlikdə hazırladığı üçrəngli Azərbaycan bayrağı oldu. Muzeyin bələdçisi bildirdi ki, Türkiyədə mühacirətdə olan Məhəmməd Əmin Rəsulzadə öz həyat yoldaşı ilə birgə 1952-ci ildə 28 may günündə ipəkdən olan bu bayrağı öz əlləri ilə tikiblər. Mühacir Gülmirzə Bağırov bu bayrağı onun ölümündən sonra qoruyub saxlamış və Milli Azərbaycan Tarix Muzeyinə vermişdir. Bələdçinin söylədiyinə görə Məhəmməd Əmin hara gedərdisə bu bayraq daima onunla olardı. Dostları ona “bayraq adam” deyərdilər. Yadıma bayrağa olan sonsuz ehtiramını coşquyla ifadə edən Əhməd Cavadın bu sözləri düşdü:
Təmiz alnındakı tozu, torpağı,
Haqq üçün açdığın əllərinlə sil!
Qalxıb, bir də enməz elin bayrağı,
O sənin, o mənim əlimdədir, bil!
Anladım ki, Bayrağın dəyəri onun daşıdığı mənada və uğrunda canından keçən həqiqət yolçularının qanına boyanmasındadır. Hansısa coğrafi məkanın Vətən mərtəbəsinə ucalması isə o torpaqda boy atan oğulların o torpaq üçün haqq davasına könül verməsi, ömür verməsi ilə mümkündür. Vətən varsa, bayraq var, vətən yoxsa, bayraq - qonmağa yeri olmayan quş kimidir.
Ertəsi günü məktəbdə dostlarıma tarix muzeyinə getməyimdən, orada gördüklərimdən danışdım, təəssüratlarımı bölüşdüm. Hətta “bu sehirli aləm”dən ayrılarkən muzeyin “Rəy kitabı”na ürək sözlərimi yazmağımı da onlara dedim. Yazmışdım ki: “Bu gözəl muzeydə olduğu kimi hər kəs öz tarixini qorumalı və yaddaşında hifz etməlidir. Məhəmməd Əmin Rəsulzadənin öz əlləri ilə tikdiyi bayrağı bu muzeydə qoruduğunuz üçün Sizə təşəkkür edirəm”.
Dostlarım heyranlıqla mənə qulaq asıb mütləq gedib baxacaqlarını bildirdilər. Əlbəttə ki, atalar demişkən “Min eşitməkdənsə, bir dəfə görmək yaxşıdır”. Mən özlüyümdə çox sevinirdim. Elə bil ki, yeni bir dünya kəşf etmişdim. Tariximizin, mədəniyyətimizin, ədəbiyyatımızın zəngin olması ilə fəxr edirdim. Gözümün qarşısında isə Cümhuriyyət banisi Məhəmməd Əmin Rəsulzadənin öz əlləri ilə tikdiyi bayraq, onu qoynunda əzizləyərək saxlaması canlanırdı. Bir an içimdə özümü bayrağa bürünmüş hiss etdim.
“Ədəbiyyat və incəsənət”
(04.06.2024)
Şamaxıda növbəti dəfə Hava Şarları Festivalı keçiriləcək
İyunun 8-9-da - şənbə və bazar günlərində Şamaxıda növbəti Hava Şarları Festivalı (Balloon Festival) keçiriləcək.
Şamaxı Rayon İcra Hakimiyyətinin dəstəyi ilə “EZONE” şirkəti tərəfindən təşkil olunacaq Hava Şarları Festivalının əsas məqsədi ölkəmizin, o cümlədən festivalın keçirildiyi Şamaxı rayonunun turizm potensialına töhfə verməkdir.
“Ədəbiyyat və incəsənət” portalı xəbər verir ki, iyunun 8-i və 9-da səhər saatlarında (saat 05:00-08:00 aralığında) baş tutacaq uçuşlar zamanı Şamaxının Meysəri kəndi üzərindən səmaya müxtəlif rəng, forma və dizaynda hava şarları qalxacaq. Bu mənzərə izləyicilərə unudulmaz təəssüratlar vəd edir.
Hava şarlarında turistik uçuşlar hələ ki, həyata keçirilmir. Lakin yerli pilotların beynəlxalq mütəxəssislərlə birgə həyata keçirəcəyi nümayiş uçuşlarını Meysəri kəndi ərazisindən hər kəsin seyr etmək imkanı olacaq.
“iTicket.az” saytı vasitəsilə qeydiyyatdan keçən şəxslər isə Meysəri kəndindəki “Şirvan Şərabları” kompleksi ərazisində rəngarəng əyləncə və konsert proqramını da izləyə biləcəklər.
Xatırladaq ki, Şamaxıda ilk Hava Şarları Festivalı ötən ilin iyununda keçirilib. Festival ilk dəfədən böyük marağa səbəb olub.
Təqdim etdiyimiz fotolar da ilk festivaldandır.
“Ədəbiyyat və incəsənət”
(04.06.2024)
Tanınmış azərbaycanlı xoreoqraf Mais Nuriyevin İtaliyada möhtəşəm yaradıcılıq gecəsi keçirilib
İtaliyada fəaliyyət göstərən “Azəri” Azərbaycan Mədəniyyət Assosiasiyasının sədri, xoreoqraf, Milanda “Aida” və “Orizon” Rəqs Akademiyasının və Milan Konservatoriyasının professoru Mais Nuriyevin yaradıcılığına həsr olunmuş tədbir keçirilib. “Cinema Teatro Manzoni”də keçirilən gecədə Busto-Qarolfonun meri Sindako Suzanna Biondi, Diasporla İş üzrə Dövlət Komitəsinin əməkdaşları, Azərbaycan icmasının üzvləri, yerli ictimaiyyətin nümayəndələri, tanınmış teatr xadimləri iştirak ediblər.
Dövlət Komitəsindən AzərTAC-a bildirilib ki, tədbir çərçivəsində Mais Nuriyevin italyan tələbələrindən ibarət rəqs qrupunun Azərbaycan musiqisini ifa etmələri böyük maraq və sevinc hissi ilə qarşılanıb. Xoreoqrafın müxtəlif xarici ölkələrdə yaşayan tələbələri noyabr ayından etibarən ustadlarının yaradıcılıq gecəsinə hazırlaşıblar.
Busto-Qarolfonun meri Sindako Suzanna Biondi çıxış edərək tədbir iştirakçılarını salamlayıb və məşhur xoreoqraf Mais Nuriyevə öz ürək sözlərini çatdırıb.
Milanın məşhur opera teatrının keçmiş bədii rəhbəri Cüzeppe Karboni də diaspor fəalımız Mais Nuriyevi təbrik edərək, öz xoş arzularını bildirib.
Mais Nuriyevə həsr olunmuş “Azərbaycan! Qardaşım, Sağ ol!” əsərini müəllifin özü - Milan konservatoriyasının keçmiş professoru, tanınmış musiqiçi David Qualtierinin ifa etməsi böyük maraq və alqışlarla qarşılayıb.
Çıxışlarda dəfələrlə beynəlxalq müsabiqələrin münsiflər heyətinə iştirak edən Mais Nuriyevin Avropada Azərbaycan mədəniyyətini uğurla təmsil etməsi, müxtəlif xalqların rəqslərini səhnələşdirməsi barədə danışılıb, onun zəngin yaradıcılıq nümunələri nümayiş olunub. Rəqsin dili ilə danışan xoreoqrafın geniş yaradıcılığı vərəqlənib, beynəlxalq festivallarda İtaliya və Azərbaycanı uğurla təmsil etməsi təqdir olunub.
Daha sonra Mais Nuriyevin yaradıcılığına həsr olunmuş film göstərilib.
Tələbələri sonda Mais Nuriyevi səhnəyə dəvət edib, sürəkli alqışlarla ona öz təbriklərini çatdırıblar.
Qeyd edək ki, Azərbaycanın mədəni sərvəti olan xalq rəqsləri sənətinin beynəlxalq aləmdə təbliği, İtaliyada diaspor fəaliyyətinin daha da genişləndirilməsi istiqamətində çox əhəmiyyətli işlər görmüş Mais Nuriyev Azərbaycan Respublikasının Prezidenti İlham Əliyevin Sərəncamı ilə Azərbaycan Respublikasının “Əməkdar artisti” fəxri adına və "Heydər Əliyevin 100 illiyi (1923–2023)" yubiley medalına layiq görülüb, Diasporla İş üzrə Dövlət Komitəsi tərəfindən “Diaspor fəaliyyətində xidmətə görə” medalı ilə təltif olunub. İstedadlı xoreoqraf bu il San-Remo Beynəlxalq Rəqs Müsabiqəsinin münsiflər heyətində də yer alıb.
“Ədəbiyyat və incəsənət”
(04.06.2024)
Leyla Əliyevanın “Seçilmişlər” kitabı nəşr olunub
Tanınmış Azərbaycan şairi Leyla Əliyevanın seçmə şeirlərinin toplandığı “Seçilmişlər” kitabı işıq üzü görüb. Kitab Dövlət Tərcümə Mərkəzi nəşr edib.
“Ədəbiyyat və incəsənət” portalı çərkəzə istinadən xəbər verir ki, kitaba şairin Vətən, həyat, mərhəmət, ölüm, sevgi kimi əbədi mövzuları əhatə edən şeirləri daxil edilib. Müəllifin öz yaradıcılığı ilə bağlı dediyi “Çoxları mənim poeziyamı emosiyalarımla, əhvali-ruhiyyəmlə əlaqələndirir və sanırlar ki, şeirlərim çox kədərlidir. Əslində isə o şeirlərin əksəriyyəti məndən bəhs etmir. Onların çoxu ümumən insan ruhunun mənzərələrini, hal və həyəcanını ifadə edir. Elə bilirəm, şeirlər mənə İlahidən gəlir. Mən sətirləri eşidirəm...” fikirləri ilə açılan kitaba toplanan şeir silsilələri “Vətən”, “Həyat nədir, ölüm nə”, “Haradasan, dünyanın yaxşı adamı?”, “Mənə güc ver, İlahi!”, “Gedim bir az ağlayım”, “O biri həyatda dönərsən geri” kimi fəsillərdə təqdim olunur. Şeirlər Azərbaycan dilinə kifayət qədər yüksək peşəkarlıq, bədii texnika ilə tərcümə olunub, şairin üslub özünəməxsusluğu, poetik intonasiyası qorunub saxlanılıb.
Nəşrin “Ön söz”ünün müəllifi akademik Nizami Cəfərov, şeirlərin tərcümə müəllifləri Xalq yazıçısı Afaq Məsud, şair-tərcüməçi Salam Sarvan, redaktoru isə yazıçı-tərcüməçi Yaşar Əliyevdir.
“Ədəbiyyat və incəsənət”
(04.06.2024)
Vokalçıların Bülbül adına IX Beynəlxalq Müsabiqəsinin açılış mərasimi keçirilib
İyunun 3-də M.Maqomayev adına Azərbaycan Dövlət Akademik Filarmoniyasında Vokalçıların Bülbül adına IX Beynəlxalq Müsabiqəsinin açılış mərasimi keçirilib.
“Ədəbiyyat və incəsənət” portalı Azərbaycan Respublikası Mədəniyyət Nazirliyinə istinadən xəbər verir ki, nazirliyin və Bülbül Beynəlxalq Fondu tərəfindən keçirilən müsabiqədə 140 nəfərdən çox 18-36 yaş arasında vokalçı qələbə uğrunda yarışır.
Müsabiqənin iştirakçı coğrafiyası genişdir. Azərbaycanla yanaşı, Türkiyə, Rusiya, Qazaxıstan, Qırğızıstan, Cənubi Koreya, Makedoniya – ümumilikdə 25-dən çox ölkədən vokalçılar bir həftə ərzində Bülbül adına müsabiqənin mükafatları uğrunda öz məharətlərini göstərəcəklər.
Açılış mərasimindən əvvəl ənənəyə sadiq qalaraq müsabiqənin təşkilat komitəsinin üzvləri, Mədəniyyət Nazirliyinin təmsilçiləri, münsiflər heyətinin üzvləri və müsabiqə iştirakçıları böyük sənətkar, SSRİ-nin Xalq artisti Bülbülün (1897– 1961) abidəsinin önündə görüşüblər.
Beynəlxalq Bülbül Fondunun rəhbəri və müsabiqənin sədri, Xalq artisti, bəstəkar-müğənni Polad Bülbüloğlu hər kəsi salamlayaraq deyib: “Mən şadam ki, bu gün bir sıra ölkələrdən gənc vokalçılar Bakıya gəlir, burada böyük səhnəyə vəsiqə almaq istəyirlər. Mən çox minnətdaram ki, 1997-ci ildə Ulu öndər Heydər Əliyev bu müsabiqənin keçirilməsi barədə sərəncam imzaladı. Müsabiqə artıq doqquzuncu dəfədir keçirilir. VIII müsabiqənin qala-konserti və qaliblərə mükafatların təqdim edilməsi Bülbülün kiçik vətənində, Şuşada keçirilmişdi, bu il də ənənəmizə sadiq qalacağıq. Əsrlərdir ki, Şuşa “Qafqazın konservatoriyası” adlanır və Bülbül adına müsabiqə də bu adı doğruldur”.
Abidə önündə çıxış edən Bakı Musiqi Akademiyasının rektoru Xalq artisti, professor, ilk müsabiqədən bəri münsiflər heyətinin sədr müavini Fərhad Bədəlbəyli, münsiflər heyətinin yeni sədri, dünya şöhrətli vokalçı, Xalq artisti, Bülbül adına VI müsabiqədə I yerə layiq görülmüş Yusif Eyvazov iştirakçılara uğur arzulayıblar.
Sonra Azərbaycan Dövlət Akademik Filarmoniyasında müsabiqənin açılış mərasimi gerçəkləşib.
Polad Bülbüloğlu bu dəfə çıxışında münsiflər heyətinin bütün üzvlərini bir-bir salamladıqdan sonra Bülbül adına müsabiqədə indiyədək münsiflər heyətinə rəhbərlik etmiş dünya şöhrətli Rusiya vokalçılarının – İrina Arxipova, Yevgeni Nesterenko və Sergey Leyferkusun adlarını çəkib: “Bu gün dünyanın ən möhtəşəm opera səhnələrində çıxış edən və bu müsabiqədə uğurlar qazanmış azərbaycanlı vokalçılar var ki, artıq onlar özləri çıxış edənlərə qiymət vermək səviyyəsindədirlər”.
Mədəniyyət nazirinin müavini Murad Hüseynov vurğulayıb ki, bu müsabiqənin laureatı olmuş bir çox müğənni hazırda dünyanın böyük səhnələrində çıxış edir və bu sənətin yayılması üçün böyük işlər görürlər: “Budəfəki müsabiqədə çıxış edəcək musiqiçilər də gələcəkdə görkəmli musiqiçi və sənətkar olacaqlar. Bizim ürəyimizdə olduğu kimi, bu müsabiqə onların da qəlbində xüsusi yer tutacaq. Bugünkü tədbirimiz də əvvəlki müsabiqələr kimi mötəbər musiqi bayramıdır. Böyük xanəndə Bülbülün adı dünya musiqi mədəniyyəti tarixinə qızıl hərflərlə yazılıb. O, Azərbaycan milli vokal sənətinin inkişafı və təbliği istiqamətində çox işlər görüb, öz məktəbini yaradıb. Hər bir iştirakçıya yaradıcılıq nailiyyətləri arzulayıram. Əminəm ki, əvvəlki müsabiqələr kimi, bu müsabiqə də ölkəmizdə keçirilən möhtəşəm beynəlxalq musiqi layihələritək tarixə düşəcək”.
Münsiflər heyətinin sədri Xalq artisti Yusif Eyvazovun çıxışı isə müsabiqə təcrübəsi olan böyük həmkarın öz gənc ardıcıllarına psixoloji tövsiyəsi kimi yadda qalıb: “Müsabiqə mühüm hadisədir. İstəyirəm ki, bu gün burada iştirak edən gənc artistlər bilsinlər ki, əgər sənə müsabiqədə qalib gəlmək və ya növbəti tura keçmək nəsib olmayıbsa, bu, qətiyyən karyera qura bilməyəcəyin və ya qalib gələnlərdən daha zəif olduğun anlamına gəlməz. Sadəcə, səhnəyə çıxıb oxuduğun anda qalib olmaq üçün lazım olan səviyyədə və yüksəklikdə olmamısan. Ona görə də narahat olmayın, çalışmağa davam edin və ən əsası, səsinizlə münsiflər heyətini təəccübləndirməyə çalışın. Biz isə qalibləri və finalçıları obyektiv şəkildə seçəcəyik. Qoy bu müsabiqədə də bir “ulduz” doğulsun!”.
Açılışdan sonra müsabiqənin I tur dinləmələri başlayıb. İştirakçıların say çoxluğu nəzərə alınaraq proqramda birinci tura iki gün ayrılıb.
İyunun 5-də müsabiqənin ikinci turu keçiriləcək.
“Ədəbiyyat və incəsənət”
(06.04.2024)
Adil Kərimli vətəndaşları İmişlidə qəbul edəcək
Azərbaycan Respublikasının mədəniyyət naziri Adil Kərimli tərəfindən cari ilin aprel ayında nəzərdə tutulmuş Beyləqan, İmişli, Saatlı, Sabirabad rayonlarından olan vətəndaşların qəbulu 2024-cü il 7 iyun tarixində saat 10:00-da İmişli rayonu Heydər Əliyev Mərkəzində (Ünvan: İmişli şəhəri, 20 Yanvar küçəsi 2) keçiriləcək.
Bu barədə “Ədəbiyyat və incəsənət” portalı Mədəniyyət Nazirliyinə istinadən məlumat verir.
“Ədəbiyyat və incəsənət”
(04.06.2024)
Maqsud Məmmədovu nazirlik əməkdaşları evində ziyarət etdilər
Görkəmli baletmeyster, Azərbaycan balet sənətinin canlı əfsanəsi, Xalq artisti, Prezident təqaüdçüsü Maqsud Məmmədovun 95 yaşı tamam olub.
Bu münasibətlə mədəniyyət nazirinin müavini Murad Hüseynov və nazirliyin məsul əməkdaşları sənətkarı evində ziyarət ediblər.
“Ədəbiyyat və incəsənət” portalı Mədəniyyət Nazirliyinə istinadən xəbər verir ki, nazir müavini sənətkarı yubileyi münasibətilə təbrik edib, cansağlığı arzulayıb. Qeyd olunub ki, peşəkar təhsil almış ilk azərbaycanlı balet artisti olan Maqsud Məmmədov Azərbaycan Dövlət Akademik Opera və Balet Teatrında solist kimi fəaliyyətə başlayıb, qısa müddət ərzində özünü istedadlı, işgüzar, səhnəyə böyük məhəbbətlə bağlı, daim axtarışda olan sənətkar kimi göstərərək baletsevərlərin dərin rəğbətini qazanıb.
Bildirilib ki, Maqsud Məmmədovun Azərbaycan balet sənətinin inkişafındakı xidmətləri daim dövlət tərəfindən yüksək qiymətləndirilib. “Xalq artisti” (1970) fəxri adına, “Şöhrət” ordeni (2019) ilə təltif olunan sənətkar 2002-ci ildən Prezident təqaüdçüsüdür.
Sonra Xalq artistinə Mədəniyyət Nazirliyinin Fəxri diplomu təqdim olunub.
Qocaman sənətkar yaradıcılığına göstərilən diqqətə görə təşəkkürünü bildirib.
Qeyd edək ki, 1929-cu ildə Gəncədə dünyaya göz açan Maqsud Davud oğlu Məmmədov erkən yaşlarından rəqslə məşğul olmağa başlayıb. Bu sahəyə olan həvəsi onu Bakı Xoreoqrafiya Məktəbinə gətirir. Burada yüksək sənət göstəriciləri nəzərə alınaraq Moskva Xoreoqrafiya Məktəbinə göndərilib. Təhsilini başa vurduqdan sonra taleyini Azərbaycan Dövlət Akademik Opera və Balet Teatrına bağlayıb. Burada dünya klassiklərinin əsərlərindən mürəkkəb partiyaları – Ziqfrid (“Qu gölü”), Dezire (“Yatmış gözəl), Şelkunçik (“Şelkunçik”), Albert (“Jizel”), Bazil (“Don Kixot”), o cümlədən Azərbaycan bəstəkarlarının əsərlərindən parlaq obrazları – Polad (“Qız qalası”), Azad (“Gülşən”), Mənzər (“Yeddi gözəl”), Fərhad (“Məhəbbət əfsanəsi”), Lenni (“İldırımlı yollarla”) böyük uğurla canlandırıb.
Maqsud Məmmədov yaradıcılıq fəaliyyəti boyunca bir çox ölkələrdə – Misir, Yəmən, Əlcəzair, Türkiyə və İsveçdə çalışıb, milli xoreoqrafiya sənətimizin təbliğatçısına çevrilib.
Onun həyat yoldaşı, görkəmli balerina, Xalq artisti Rəfiqə Axundova (1931–2024) ilə birgə quruluş verdiyi Tofiq Bakıxanovun “Xəzər balladası”, Fərəc Qarayevin “Qobustan kölgələri”, “Kaleydoskop”, Rauf Hacıyevin “Azərbaycan süitası”, Nazim Əlivedibəyovun “Muğam”, Aqşin Əlizadənin “Babək” baletləri istedadlı baletmeysterə böyük şöhrət qazandırıb.
“Ədəbiyyat və incəsənət”
(04.06.2024)
“Tanı, Oxu, Tanıt" layihəsi Qubada
Azərbaycan Respublikasının Mədəniyyət Nazirliyinin dəstəyi ilə Dünya Gənc Türk Yazarlar Birliyinin gerçəkləşdirdiyi “Tanı, Oxu, Tanıt” ədəbiyyat könüllülüyünün təbliği layihəsi çərçivəsində ADPU-nun Quba filialınında tədbir keçirilib
“Ədəbiyyat və incəsənət” portalı xəbər verir ki, tədbirin moderatorluğunu filialın Heydər Əliyev lektoriyasının müdiri Nəhayət Şirinova edib.
Tədbirdə açılış nitqində dos.Yusif Alıyev ədəbiyyatın, sözün qüdrətindən bəhs edib, istedadlı gəncləri bu istiqamətdə hər zaman dəstəkləməyə hazır olduğunu, layihənin müqəddəs amala xidmət etdiyini bildirib. Sonra layihə və ədəbiyyat könüllülüyü haqqında geniş məruzələrlə Milli Məclisin Mədəniyyət komitəsinin eksperti, DGTYB -nin Məsləhət Şurasının başqanı Əkbər Qoşalı, DGTYB başqanı, şair-publisist İntiqam Yaşar, AYB-nin Quba bölməsinin sədri, şair Ramiz Qusarçaylı, Şəhid Miqdad Abduləlimovun anası Tünzalə Abduləlimova, Quba-Xaçmaz Regional Gənclər və İdman idarəsinin sektor müdiri Mənsur Ağayev, Ədəbiyyat və dillər kafedrasının baş müəllimi Eyvaz Şeydayev, gənc şairə Sərvinaz Sərvər çıxış edib, filialda keçirilən bu tipli tədbirlərin gənclər üçün əhəmiyyətini qeyd edib, həmçinin tələbələr ədəbi topluda yer alan şeirləri səsləndiriblər. Sonda layihəyə dəstək olan şəxslər (filialın direktoru dos.Yusif Alıyev, Quba-Xaçmaz Regional Gənclər və İdman idarəsinin müdiri Nəcəf Novruzov, şair Ramiz Qusarçaylı, filialın əməkdaşları p.f.d.Aysel Şeydayeva, Nəhayət Şirinova, Eyvaz Şeydayev, şeir deyən tələbələr) mükafatlandırılıb, iştirakçılara layihə çərçivəsində çap olunmuş kitablar və s. hədiyyə edilib. Xatirə fotosunun çəkilməsi ilə tədbirə yekun vurulub.
“Ədəbiyyat və incəsənət”
(03.06.2024)
Mükafatçıların müsabiqəyə təqdim etdikləri poeziya nümunələri - III. EL ROMAN
Bildiyiniz kimi, “Ulduz" aylıq ədəbiyyat dərgisi və Azərbaycan Ədəbiyyat Fondunun unudulmaz Xalq şairi Vaqif Səmədoğlunun 85 illik yubileyinə həsr edilmiş, 35 yaşa qədər qələm adamları arasında keçirdikləri poeziya müsabiqəsinin qalibləri artıq bəllidir.
I yer:
Cavid Qasımov;
II yer:
Rəşad Nağı Mustafa,
Allahşükür Ağa;
III yer:
Eminquey,
Seyidəli Sübhi,
El Roman
“Ədəbiyyat və incəsənə” portalı mükafatçıların poeziya nümunələrini təqdim edir:
III YER
El ROMAN
YARASALAR
Bir qoca dedi ki, hələ diriydi
Dünən gömüləndə o qız torpağa.
Gəldiyi yerlərə qayıtdı hər şey-
Adamlar torpağa, kağız torpağa...
Göyərsə göylərdə bir ağ göyərçin,
Bu işə göylər də gülərdi, gərçi...
Sonra da darıxıb bu boz şəhərçün
Gəlib bulaşardı o toz-torpağa.
İstəsən, küləyə çevrilərəm
Və
Saçların tərəfə çevrilərəm,
Gəl.
Sən kimin olmusan min illər əvvəl?
Adını oxudum cam kasalardan...
Deyən olmadımı vaxtı dayandır?
Tanrıyam, bilmirəm, yerin hayandır...
Mağara ağzında cığara yandır,
Məni də bir dəfə yada sal orda...
Mağara?!
Görəsən, nəyin nəsidir?
Mağara – dağların əsnəməsidir,
Tərsinə asılmış quş qəfəsidir,
Belə eşitmişəm yarasalardan...
Bir qoca dedi ki, hələ diriydi
Dünən gömüləndə o qız torpağa.
Sonra...
Gəldiyi yerlərə qayıtdı hər şey-
Adamlar torpağa, kağız torpağa...
YUXU
Bir gün dərdiyin çiçək səni içinə çəksə,
Sevdiyin həmin adam deyəcək ki, çiçəksən...
Həmin gecə yuxuda özünü görəcəksən-
Dodaqların qırmızı, saçın uzun, laap uzun...
Çöldə eşidəcəksən çirkinliyin səsini,
Evdə atan yeyəcək tikənin yekəsini.
İçində hiss edəndə təklik təhlükəsini
Səndən soruşacaqlar, kimin qızısan, qızım?
Getmək istəyəcəksən, yolun tən yarısında,
Ətirini, donunu, onu unutmasan da,
O gün unudacaqsan bir kitabı masanda,
Bir də açılmayacaq otağının qapısı...
Bir az qocalacaqsan, bir az əsəcək dizin,
Bir az huşun itəcək, bir az əlinin duzu.
Yollara baxacaqsan, belə laap uzun-uzun...
Öləndə belə ölür qadınların yarısı...
Bir də açılmayacaq otağının qapısı...
Öləndə belə ölür qadınların yarısı...
Saçın uzun, laap uzun, dodaqların qırmızı...
Üzüntün tanış gəlir, kimin qızısan, qızım?
* * *
Qaliblərin mükafatlandırılması və təqdimat günü ilə bağlı əlavə məlumat veriləcək.
Təşkilati dəstək: "Kəpəz hospital";
İnformasiya dəstəyi: "Ədəbiyyat və İncəsənət" portalı.
“Ədəbiyyat və incəsənət”
(03.06.2024)
Три концепции Алиева, чтобы спасти мир
Адем Исмаил Бакуви, политолог и общественный деятель, специально для haqqin.az
Деятельность азербайджанского президента Ильхама Алиева на международной арене, как по отстаиванию территориальной целостности, так и в вопросах генерирования и совершенствования методологии функционирования международных организаций, была настолько эффективной, что даже несмотря на состояние войны с Арменией, Азербайджан был единогласно избран председателем Движения неприсоединения на период с 2019 по 2022 годы, а впоследствии 120 государств-членов этой организации, выразив полное доверие компетенции Азербайджана в качестве страны-председателя, продлили этот статус до 2024 года.
Уникальная многоплановость мероприятий, проведенных на международной арене поражает воображение даже опытнейших дипломатов. Впечатляет глубокое понимание ситуации, а также удивительная проницательность, с которыми Ильхам Алиев реагировал на то, как ведущие международные организации мира - Генеральная Ассамблея ООН, Организация исламского сотрудничества, Движение неприсоединения, Совет Европы, Европарламент и ОБСЕ, принимая постановления и резолюции, призывавшие к деоккупации азербайджанских земель и выводу армянских войск , не могли при этом преодолеть декларативный характер этих решений, демонстрируя политику двойных стандартов в подходах к урегулированию идентичных этнополитических конфликтов.
Алиевское видение Совбеза ООН
Ильхам Алиев, практически, в одиночку сражался с лидерами мирового сообщества, добиваясь реализации искомой заданной миссии международных организаций.
Так, выступая в сентябре 2020 года перед делегатами 75-й сессии Генеральной Ассамблеи ООН, президент Алиев предельно ясно и аргументировано сформулировал историческую необходимость задействования международных механизмов, способных не декларативно, а в реальности, обеспечить выполнение резолюций Совбеза по деоккупации суверенных территорий Азербайджана. В частности, глава азербайджанского государства предложил реформировать Совет Безопасности ООН и включить в его состав постоянных представителей исламских и неприсоединившихся государств.
Впервые Ильхам Алиев озвучил эту идею в ходе переговоров с президентом Египта Абдул-Фаттахом ас-Сиси, состоявшихся 28 января 2023 года в Баку. «Одно постоянное место (в Совбезе ООН – авт.) должно быть отведено членам Организации исламского сотрудничества, и ОИС должна выдвигать своего кандидата на основе консультаций, - подчеркнул глава государства. - Еще одно место постоянного члена должно быть отведено Движению неприсоединения, и это место должна получить страна, которая в нем председательствует».
При этом Ильхам Алиев констатировал, что подобная реформа «была бы справедливой», поскольку имела все шансы сформировать более безопасный и стабильный мир. Несколько раньше, в ноябре 2022 года, Ильхам Алиев в ходе визита в Сербию, призвал мировое сообщество задуматься над степенью эффективности деятельности международных организаций.
На примере бесчисленных попыток урегулировать карабахский конфликт, Ильхам Алиев прямо подчеркивал что ведущие международные организации мира на протяжении многих лет принимали «важные и справедливые решения и резолюции» по поводу ситуации с Арменией и Азербайджаном, что, однако, не помогло найти выход.
В этом контексте президентом Азербайджана были выделены четыре резолюции Совбеза, в которых декларировалась необходимость «незамедлительного, безоговорочного и полного вывода армянских вооружённых сил с территорий Азербайджана». Не без горькой иронии Ильхам Алиев подчеркнул, что в некоторых случаях решения Совбеза ООН выполняются за несколько дней, порой даже за несколько часов, но в случае с Азербайджаном их исполнения не удавалось добиться в течение 27 (!!) лет.
Анализ ситуации, проделанный президентом Азербайджана, раскрыл основу предлагаемых им реформ. Они заключались в тщательной проработке мировым сообществом предложений реформирования международных организаций, способной повысить коэффициент полезного действия.
«В противном случае, - подчеркивал глава государства, - процесс имплементации решений вновь будет подвергаться всевозможным коллизиям, в основном, субъективного характера». Последовательно указывая на деформации в деятельности ООН и других международных организаций, Алиев в течение последних лет неоднократно подчёркивал чёткое и своевременное выполнение Азербайджаном в одностороннем порядке решений Совбеза, в то время, как Армения их откровенно и цинично игнорировала.
Алиевская «модель неприсоединения»
Особого внимания заслуживает деятельность Ильхама Алиева, осуществленная в рамках международного сообщества по борьбе с пандемией COVID-19. Председательствуя в Движении неприсоединения, Азербайджан выдвинул идею проведения специальной сессии Генеральной Ассамблеи ООН, посвященной вопросам глобальной борьбы с пандемией.
В целом же, противостояние Азербайджана, как лидера Движения неприсоединения, проявлениям «вакцинного национализма» во время пандемии, напористость и инициативность президента Алиева в осуществлении глобальных мер в борьбе с пандемией, а также оказание конкретной финансовой и гуманитарной помощи более чем 80 странам, проиллюстрировало приверженность Азербайджана общечеловеческим ценностям. Впрочем, на этом Ильхам Алиев не остановился.
В 2021 году на встрече в Белграде он предложил провести саммит государств-членов Движения неприсоединения и совместно выработать на нем позицию в отношении постковидного периода. В частности, Ильхам Алиев предложил поддержать постпандемическое восстановления Африки и малых островных развивающихся государств. По мнению независимых наблюдателей, за годы, в течение которых Азербайджан председательствовал в Движении неприсоединения, был достигнут ощутимый прогресс.
Меридианы деятельности ДН расширилась, став глобальной политической силой, имеющей сегодня решающий голос в мире. Под председательством Азербайджана, Движение неприсоединения преподало миру урок справедливости, объективного, непредвзятого подхода к решению как глобальных, так и региональных проблем. Причем всё это происходило на фоне оказания интенсивной гуманитарной помощи, объектом которой стали 90 стран мира. Более того, азербайджанское Агентство помощи международному развитию реализовало в разных странах проекты по сокращению безработицы, развитию науки, искусства, здравоохранения и, по рационального использования водных ресурсов, грантовых программ и других.
А с 2018 года Азербайджан стал представлять гражданам стран-участниц Движения неприсоединения стипендии с полным финансированием для получения образования в вузах республики. Поддержав институциональное развитие Движения неприсоединения, Азербайджан инициировал также создание Парламентской сети ДН, первое заседание которой состоялось в Баку в июне 2022 года.
В условиях, когда в мире свирепствует деформация норм международного права, когда предаются анафеме нормы общественной морали, когда в урегулировании этнополитических, сепаратистских и территориальных проблем господствуют дуализм и двойные стандарты, Азербайджан, даже находясь в состоянии военного конфликта с Арменией, является примером внутреннего согласия, а также позитивной моделью общественно-политической и экономической стабильности.
Алиевское представление о «зеленом мироустройстве»
И еще одна концепция Алиева, раскрывающая новый профиль страны, о котором нельзя не сказать: Азербайджан постепенно обретает имидж государства, активно действующего в вопросах охраны природы и экологии нашей планеты. Не случайно Баку избран местом проведения климатического саммита ООН COP29, то есть, мировым центром обсуждения глобальных экологических, климатических и демографических проблем.
Закономерна в этой связи позиция советника Amnesty International по климатической политике Энн Харрисон, заявившей: «Эта сессия может помочь взять курс на успешное проведение в Азербайджане климатического саммита COP29, положив в его основу права человека, в том числе, через определение чёткого пути к полному, скорейшему, справедливому и получающему финансирование процессу поэтапного отказа от ископаемого топлива… Саммит COP29 должен сфокусировать внимание на существенном увеличении масштаба задач климатического финансирования, особенно, для стран, на долю которых исторически приходятся крупнейшие выбросы парниковых газов».
Таким образом, три концепции Алиева внесли и продолжают вносить ощутимый вклад не только в обновление устаревшего, а местами осыпающегося фасада мировой системы дипломатии и межгосударственных отношений, в деятельность ведущих международных организаций и учреждений, но и в становление нового справедливого миропорядка, который и покончит с войной миров и цивилизаций.
“Ədəbiyyat və incəsənət”
(03.06.2024)
