Super User
Bakıda Rusiya kinosu nümayişləri tam dolu salonlarda keçirilib
Ən çox tamaşaçı isə prodüsser Lina Arifulinanın "Qırmızı papaq" ailə fantaziya filmi topladı
Anna Dityakina - Roskinonun əməkdaşı “Ədəbiyyat və incəsənət” portalı üçün Bakıda keçirilən Rusiya kinosu günlərinin tam təfərrüatını verərək həm də tədbirin əhəmiyyətini vurğulayıb.
Azərbaycan Rusiya Kinosu günlərini hərarətlə qarşıladı: mayın 3 günü ərzində Bakıda beş Rus filminin nümayişi tam anşlaqla keçirildi. Rus Film Festivalı markası altında keçirilən tədbir Rusiya Mədəniyyət Nazirliyinin dəstəyi ilə ROSKİNO tərəfindən təşkil edilmişdi. CinemaPlus Azerbaijan Cinema kinoteatrında tamaşaçılar "Qırmızı papaq" ailə fantaziyasını, "Dalğalar" dramını, "Liberiya: xəzinə ovçuları" macəra filmini və "Qar Kraliçası: Defrost" və "Koşey-gəlin oğrusu" cizgi filmlərini gördülər.
Bakıda baxış üzrə lider "Qırmızı papaq" filmi oldu, əsas qəhrəman - böyümək ərəfəsində olarkən mənşəyinin sirrini açdığı məşhur Şarl Perro nağılının personajı idi. Filminyaradıcılarınınfikrincə, "Qırmızı papağ"ı yeninəsilyeniyetmələr üçünyeniformatdagöstərmək çoxvacibidi. Baş prodüservə rejissorampluasındaməşhurteleviziyavə musiqiprodüseriLinaArifulina ("Ulduzlarfabriki", "STSsuperulduzuyandırır", "MusiqiMəktəbi" və digərlayihələr) çıxış edirdi. Filmindigər rejissorları isə AlexanderBarşakvə ArtemAksenenkodur..
Lina Arifulina, Baş prodüser, rejissor söyləyir: "Qırmızı papaq personajından mif, əfsanə kimi istifadə etmək bizim üçün asan idi, çünki bu, hər kəsə tanış olan nağıldır. Buhekayəniözinterpretasiyamızdaşərhetmək, xüsusəndə Qırmızı papağınatasınınkimolduğunuayırdetməkmaraqlı idi – bu, filmin əsasintriqasıdır. Fantaziya janrı öz alleqoriyası, xüsusi effektləri ilə dəlicəsinə maraqlıdır. Bu gün film istehsalının texnoloji imkanları genişlənir və izləyiciyə daha maraqlı bir məhsul göstərmək mümkündür. Planlarımızda ailə kinosu janrında başqa filmlərimiz də var. Beləliklə, "Dişli Dayə"adlı bir layihə hazırlayırıq. Bu, "Canavar və yeddi uşaq"folklor nağılının yenidən qurulmasıdır. Standart süjeti çox maraqlı bir şəkildə dəyişdiririk: canavar vegeterian olur, uşaqların anasına aşiq olur, hər şey yaxşı sonluqla başa çatır."
Qırmızı papaq rolunu oynayan on yeddi yaşlı Taisiya Kalinina deyir: "Rolumu yaratmaqda sərbəstliyim var idi, çünki burada qəhrəman nağıldan tanıdığımız Qırmızı papaq deyil, başqa bir qəhrəmandır, mənim kimi bir gəncdir. Bu, sadəcə kiminsə kimdənsə qaçdığı bir hekayə deyil, böyüməkdə olan bir insan haqqında bir filmdir. Film boyu qorxularından imtina etdiyi, itkini qəbul etdiyi və əziz tutduğu şeyləri qoruduğu kimi dəyişikliklər ritmini qorumalı oldum."
Canavar sürüsünün başında dayanan Vestarı canlandıran məşhur aktyor Aleksey Serebryakov isə söyləyir: "Bütün ailə üçün maraqlı, keyfiyyətli və həqiqətən zövqoxşayan bir film yaratmaq günümüzdə nadir hal hesab edilir. Bizim filmimiz məhz belədir. Mən canavar sürüsünün lideri Vestarı oynamaq təklifi alanda həyəcanlandım, çünki fehtezi janrı aktyordan kadrda xüsusi varlıq tərzini tələb edir. Məncə, qorxuların öhdəsindən gəlmək, ailə dəyərləri və düzgün seçim etməyin nə qədər vacib olduğu barədə çox parlaq bir hekayəmiz alındı."
Eləcə də Rus kinosu günləri çərçivəsində "Dalğalar" dramı da tamaşaçıların böyük marağına səbəb oldu, onun prodüseri Bakı əsilli, Avropa Kino Akademiyasının üzvü Səbinə Yeremeyeva idi. (Səbinə xanımla müsahibəni mərasimin açılışında portalımız sizlərin diqqətinə çatdırmışdı – red.)
Rus Film Festivalı brendi altında Azərbaycanda rus kinosu günləri artıq üçüncü ildir ki, keçirilir. MDB ölkələrində bu cür tədbirlər mədəni dialoqun vacib hissəsidir: son illərdə Rusiya və MDB kinematoqrafçıları arasında əməkdaşlığın inkişafı yeni səviyyəyə çatıb, yeni birgə layihələr ortaya çıxır. Yaxın aylarda Rusiya filmlərinin Tacikistan, Qırğızıstan, Özbəkistan, Belarus kimi MDB ölkələrində, eləcə də Asiya, Latın Amerikası və Yaxın Şərq ölkələrində nümayişi planlaşdırılır.
“Ədəbiyyat və incəsənət”
(31.05.2023)
Niyazinin mənzil-muzeyində növbəti konsert
Mayın 30-da Azərbaycan Musiqi Mədəniyyəti Dövlət Muzeyinin filialı olan Niyazinin mənzil-muzeyində “Heydər Əliyev İli” çərçivəsində Üzeyir Hacıbəyli adına Bakı Musiqi Akademiyasının təşkilatçılığı ilə Azərbaycan xalqının Ümummilli Lideri Heydər Əliyevin anadan olmasının 100 illiyinə həsr olunmuş növbəti tədbir keçirilib.
Bu tədbir-konsertdə akademiyanın Metodika və xüsusi pedaqoji hazırlıq kafedrasının “Musiqi müəllimliyi” şöbəsinin tələbələrinin ifalarında Azərbaycan, Qərbi Avropa və rus bəstəkarlarının əsərlərindən ibarət rəngarəng musiqi proqramı təqdim olunub.
“Ədəbiyyat və incəsənət”
(31.05.2023)
70 yaş hələ nədir ki?!
Şair Elbrus Qəmginin yubiley tədbiri keçirilib
Dünən -may ayının 30-da Azərbaycan Yazıçılar Birliyinin "Natəvan" klubunda Azərbaycan Yazıçılar Birliyinin və “Qazax" Xeyriyyə İctimai Birliyinin üzvü, şair Elbrus Qəmginin 70 illik yubiley tədbiri keçirilib. Yubiley tədbiri "Qazax" Xeyriyyə İctimai Birliyinin və AYB-nin birgə təşkilatçılığı ilə baş tutub.
“Ədəbiyyat və incəsənət” portalı xəbər verir ki, Azərbaycan Ədəbiyyat Fondunun Baş direktoru Varisin apardığı yubiley tədbirində ilk olaraq "Qazax" Xeyriyyə İctimai Birliyi İdarə heyətinin sədri, professor İlham Pirməmmədov çıxış edib, şairin ədəbiyyatın və sözün keşiyində layiqincə durmasını dilə gətirib. İlham Pirməmmədov Elbrus Qəmginə
“Qazax" Xeyriyyə İctimai Birliyinin Fəxri Diplomunu təqdim edib.
Daha sonra ədəbiyyatşünas, tənqidçi, “Elbrus Qəmginin poeziyası” kitabının müəllifi Vaqif İsaqoğlu, Azərbaycan Dövlət Mədəniyyət və İncəsənət Universitetinin dosenti, filologiya üzrə fəlsəfə doktoru Dürdanə Vəkilova, filologiya üzrə fəlsəfə doktoru Mirheydər Abbasov, şairlər Yusif Nəğməkar, Vəli Xramçaylı, Rəfail İncəyurd, Rəşid Vəkil, Hacı Zaməddin Ziyadoğlu, Rüzgar Cəbiyev, Alim Aslanoğlu, Məmməd Vəkilov, şəhid leytenant Teymur Abbasovun anası Başxanım Abbasova, “Qazax" Xeyriyyə İctimai Birliyinin mətbuat katibi Səbinə Yusif və digərləri çıxış ediblər, Elbrus Qəmgin poeziyasının məziyyətlərindən söz açıblar.
Xatırladaq ki, Elbrus Qəmgin əslən Qazax rayonunun Yuxarı Salahlı kəndindəndir. İxtisasca filoloqdur. İndiyə kimi 16 kitabı çıxıb. Klassik poeziyamızın qəzəl, qəsidə, təcnis, bayatı, qoşma, gəraylı, müxəmməs kimi nümunələrini yaradıb, ayrıca satiraları, təmsilləri, poemaları, Səməd Vurğuna həsr etdiyi dram əsəri var.
Sonda tədbir iştirakçıları ailə fotosu çəkdiriblər.
“Ədəbiyyat və incəsənət”
(31.05.2023)
Xalq yazıçısı Natiq Rəsulzadənin yaradıcılıq gecəsi keçiriləcək
İyunun 3-də Bakıdakı Rus Evində Xalq yazıçısı Natiq Rəsulzadənin yaradıcılıq gecəsi keçiriləcək.
Bu barədə Rusiya İnformasiya-Mədəniyyət Mərkəzi məlumat yayıb.
Natiq Rəsulzadə A. M. Qorki adına Ədəbiyyat İnstitutunun məzunudur, 30-dan çox kitabın, çoxsaylı povest və hekayələrin müəllifidir. O, SSRİ Dövlət Teleradio mükafatı, Ümumittifaq N. Ostrovski adına mükafatı laureatı, Azərbaycan Yazıçılar Birliyinin və Azərbaycan Kinematoqrafçılar İttifaqının üzvü, Azərbaycanın Xalq yazıçısı, Azərbaycanın Əməkdar incəsənət xadimi, "Şöhrət" ordeni kavaleridir. Onun əsərləri rus, macar, bolqar, polyak və digər dillərdə nəşr olunub, N. Rəsulzadənin əsərləri əsasında 15 film çəkilib.
Görüş ustad dərsi formatında keçiriləcək.
“Ədəbiyyat və incəsənət”
(31.05.2023)
Azərbaycan mətbəxinin şah əsəri olan dolma beynəlxalq festivalda birinci yerə layiq görülüb
Daşkəndin Mərkəzi Parkında Özbəkistan Xarici İşlər Nazirliyinin təşkilatçılığı ilə keçirilən “Xalqların mədəni ənənələri və mətbəxi” adlı beynəlxalq festivalda Azərbaycan yüksək səviyyədə təmsil olunub.
AzərTAC xəbər verir ki, Özbəkistandakı müxtəlif ölkələrin səfirləri, diplomatları, beynəlxalq təşkilatların nümayəndələri, mədəniyyət mərkəzləri, ictimaiyyət təmsilçiləri, yerli azərbaycanlılar, jurnalistlər, həmçinin Daşkənd şəhər sakinlərinin iştirak etdiyi festivalın münsiflər heyəti tərəfindən Özbəkistandakı Heydər Əliyev Adına Azərbaycan Mədəniyyət Mərkəzinin təqdim etdiyi Azərbaycan milli təamı olan dolma ən dadlı yemək nominasiyasında birinci yerə layiq görülüb və xüsusi mükafatla təltif edilib.
Ölkəmizi bu tədbirdə təmsil edən Özbəkistandakı Heydər Əliyev adına Azərbaycan Mədəniyyət Mərkəzi Azərbaycan milli stendini təşkil edib.
Azərbaycan Mədəniyyət Mərkəzi beynəlxalq festivalda builki iştirakını Ümummilli Lider Heydər Əliyevin anadan olmasının 100 illiyinə həsr edib və bu məqsədlə Azərbaycan pavilionunun önündə Ulu Öndərə dair foto və nəşrlərdən ibarət xüsusi sərgi açılıb.
Azərbaycan üçün ayrılmış guşədə ölkəmizin bayrağı, Ümummilli Lider Heydər Əliyevin həyat və fəaliyyəti, Prezident İlham Əliyevin rəhbərliyi ilə ölkəmizin iqtisadi inkişafından bəhs edən kitablar, “Qarabağ həqiqətləri” seriyasından Heydər Əliyev Fondu tərəfindən rus və ingilis dillərində çap edilən nəşrlər, Azərbaycanın tarixi və mədəniyyəti ilə bağlı əsərlər nümayiş etdirilib. Festivalda Azərbaycan mədəniyyətinə dair suvenirlər, Qarabağın milli kişi və qadın geyimləri iştirakçıların diqqətini cəlb edib. Azərbaycan guşəsinə gələnlərə ölkəmizin mədəniyyəti, mətbəxinə dair müxtəlif məzmunlu kitab və jurnallar hədiyyə olunub. Qonaqlara plov, dolma, qutab, dovğa, kükü və şirniyyatlarımız təklif edilib.
Tədbirdə iştirak edən ölkələr öz xalqlarının mədəniyyətini, mahnı və rəqslərini, mətbəx nümunələrini nümayiş etdiriblər.
Festival çərçivəsində təşkil edilən konsertdə Özbəkistandakı Heydər Əliyev adına Azərbaycan Mədəniyyət Mərkəzinin rəqs ansamblının üzvləri milli rəqslərimizi ifa ediblər.
Qeyd edək ki, beynəlxalq festivalda satışı təşkil edilən milli təamlardan əldə olunan gəlirin Özbəkistanda fiziki qüsurlu uşaqlar üçün internat məktəblərinə hədiyyə olunması nəzərdə tutulub.
“Ədəbiyyat və incəsənət”
(31.05.2023)
“Dervish band” rok qrupu Sumqayıtda konsert proqramı ilə çıxış edib
Ümummilli Lider Heydər Əliyevin anadan olmasının 100 illiyinə həsr edilən silsilə tədbirlər çərçivəsində “Dervish band” rok qrupu Sumqayıt Dövlət Dram Teatrında konsert proqramı ilə çıxış edib.
Mədəniyyət Nazirliyi tərəfindən yaradıcı kollektivlərin bölgələrə təşkil olunan qastrol səfərləri proqramına uyğun olaraq keçirilir.
Konsert izləyicilər tərəfindən maraqla qarşılanıb.
“Ədəbiyyat və incəsənət”
(31.05.2023)
Beynəlxalq Türk Mədəniyyəti və İrsi Fondu ilə Macarıstan arasında əməkdaşlığın genişləndirilməsi müzakirə olunub
Beynəlxalq Türk Mədəniyyəti və İrsi Fondunun prezidenti Günay Əfəndiyeva Macarıstana səfəri çərçivəsində Xarici İşlər və Ticarət Nazirliyinin dövlət katibi, deputat Tamaş Menszer ilə görüşüb.
Bu barədə Beynəlxalq Türk Mədəniyyəti və İrsi Fondu məlumat yayıb.
Günay Əfəndiyeva Fond tərəfindən qədim Türk mədəniyyətinin təşviqi istiqamətində təşkil edilən tədbirlərdən, təşkilatın üzv və müşahidəçi dövlətlərini əhatə edən Türk irsinin qorunmasına yönəlmiş beynəlxalq layihələrdən bəhs edib. Fondun prezidenti Türk dövlətləri və təşkilatları arasında davam edən inteqrasiya proseslərinin vacibliyini xüsusi vurğulayıb. Günay Əfəndiyeva cari ilin yanvar ayında “Avropanın mədəniyyət paytaxtı” Vezsprem şəhərinə səfərini xatırlayaraq, bu il “Türk dünyasının mədəniyyət paytaxtı” Şuşa şəhəri və Vezsprem arasında imzalanmış Anlaşma Memorandumu ilə əlaqələrin gücləndirildiyinə toxunub.
Fondun rəhbəri həmçinin, təşkilatın müşahidəçi üzv dövləti olan Macarıstan ilə əməkdaşlıq çərçivəsində “Macar yazıçılarının antologiyası”nın hazırlanması, Bela Bartok, Mikloş Radnoti və digər görkəmli şəxsiyyətlərinin yaradıcılıqlarının təbliği sahəsində Fond tərəfindən həyata keçirilən layihələrdən danışıb.
Macarıstan Xarici İşlər və Ticarət Nazirliyinin dövlət katibi Tamaş Menszer Fondun fəaliyyətini yüksək qiymətləndirərək, Macarıstan musiqisinin və ədəbiyyatının dünya səviyyəsində təbliğ edilməsinə görə təşkilata minnətdarlığını bildirib və bu istiqamətdə daim dəstək göstərməyə hazır olduqlarını qeyd edib. Macarıstanı Türk dünyasının Avropaya qapısı adlandıran Tamaş Menszer, Türk dövlətləri ilə əməkdaşlığın önəmindən, “Avropanın mədəniyyət paytaxtı” Vezprem və “Türk dünyasının mədəniyyət paytaxtı” Şuşa arasında iş birliyindən söz açıb.
Görüşdə Fond və Macarıstan arasında əməkdaşlığın genişləndirilməsi, eləcə də digər qarşılıqlı maraq doğuran məsələlər ətrafında müzakirələr aparılıb.
“Ədəbiyyat və incəsənət”
(31.05.2023)
Stokholmda Əməkdar incəsənət xadimi Baba Vəziroğlu ilə görüş keçirilib
Stokholmda Əməkdar incəsənət xadimi, şair, dramaturq Baba Vəziroğlu ilə görüş keçirilib.
AzərTAC-ın xüsusi müxbiri xəbər verir ki, Azərbaycanın Müstəqillik Günü və Ulu Öndər Heydər Əliyevin anadan olmasının 100 illiyi çərçivəsində keçirilən tədbir, bu ölkədə fəaliyyət göstərən İsveç Azərbaycan Dərnəyi (SAF) diaspor təşkilatı və Stokholm beynəlxalq media qrup tərəfindən təşkil olunub.
Tədbirdə giriş sözü ilə çıxış edən SAF təşkilatının rəhbəri Sevda Dadaşova və Azərbaycanın İsveç Krallığındakı səfirliyinin müşaviri Cavanşir Məmmədov ölkəmizin azadlığı, ərazi bütövlüyü və inkişafı uğrunda apardığı mübarizə, bu mübarizədə əldə olunmuş uğurlar barəsində danışıblar. Ümummilli Lider Heydər Əliyevin Azərbaycanın yeni tarixi və inkişaf yolundakı danılmaz yeri barəsində ətraflı danışan natiqlər Prezident İlham Əliyevin bu siyasətin layiqli davamçısı olduğunu bildiriblər.
Daha sonra görüşdə, şair Baba Vəziroğlunun həyat və yaradıcılığı barədə məlumat verilib.
Ardınca çıxış edən Baba Vəziroğlu Stokholmda olmaqdan məmnunluğunu ifadə edərək, ölkəmizin tarixi, qət etdiyi uzun və keşməkeşli yol barədə fikirlərini bölüşüb. “Sən elə bir zirvəsən” şeirini oxuduqdan sonra, yaradıcılığı ilə bağlı fikirlərini bölüşən şair, həm də Heydər Əliyev fenomeninin Azərbaycan tarixindəki yeri barəsində ətraflı danışıb.
Görüş, diaspor nümayəndələri ilə fikir mübadiləsi, konsert proqramı və Stokholmda fəaliyyət göstərən “Qarabağ” rəqs qrupunun çıxışı ilə davam edilib.
“Ədəbiyyat və incəsənət”
(31.05.2023)
Mədəniyyət naziri Adil Kərimli Gəncədə vətəndaşları qəbul edəcək
Mərkəzi icra hakimiyyəti orqanları və digər idarəetmə qurumlarının rəhbərlərinin şəhər və rayonlarda vətəndaşların qəbulu cədvəlinə əsasən Azərbaycan Respublikasının mədəniyyət naziri Adil Kərimli tərəfindən 2023-cü il 9 iyun tarixində saat 10:00-da Gəncə şəhəri Heydər Əliyev Mərkəzində (Gəncə şəhəri, Nizami Gəncəvi prospekti 535) əsasən Gəncə, Naftalan şəhərlərindən, Goranboy, Samux, Kəlbəcər və Xocalı rayonlarından olan vətəndaşların qəbulu keçiriləcək.
Vətəndaşlar 05 iyun 2023-cü il tarixinə qədər nazirliyin Bu email ünvanı spambotlardan qorunur. Onu görmək üçün JavaScripti qoşmaq lazımdır. elektron poçt ünvanı, (012) 493-30-02 telefon nömrəsi vasitəsi ilə və “Whatsapp” xidmətinə (0 777 147 147) müraciət etməklə qəbula yazıla bilərlər.
“Ədəbiyyat və incəsənət”
(31.05.2023)
Mədəniyyət Nazirliyi yanında İctimai Şuraya seçkilərin təşkili məqsədilə sənədlərin qəbuluna başlanılıb
"İctimai iştirakçılıq haqqında” Azərbaycan Respublikasının 22 noyabr 2013-cü il tarixli 816-IVQ nömrəli Qanununa və Azərbaycan Respublikası Nazirlər Kabinetinin 30 may 2014-cü il tarixli 171 nömrəli Qərarı ilə təsdiq edilmiş “İctimai Şuranın vətəndaş cəmiyyəti institutları tərəfindən seçilməsinə dair Əsasnamə”yə uyğun olaraq fəaliyyət istiqamətləri üzrə hüquqi aktların qəbulunda, müvafiq fəaliyyət sahələrində ictimai nəzarətin təşkilində vətəndaş cəmiyyəti institutlarının iştirakını təmin etmək məqsədilə Mədəniyyət Nazirliyi yanında İctimai Şuranın formalaşdırılması üçün sənədlərin qəbuluna start verilir.
“Ədəbiyyat və incəsənət” portalı Mədəniyyət Nazirliyinə istinadən xəbər verir ki, İctimai Şuranın yaradılması Mədəniyyət Nazirliyinin fəaliyyətində şəffaflığın daha da artırılması, müvafiq sahədə ictimaiyyətlə qarşılıqlı fəaliyyətin gücləndirilməsini təmin etmək məqsədi daşıyır.
İctimai Şura mədəniyyət sahəsində müxtəlif məsələlərlə bağlı müzakirələr təşkil etmək, müvafiq sahədə dövlət siyasətinin həyata keçirilməsi ilə bağlı Mədəniyyət Nazirliyinə təkliflər vermək və qanunvericiliklə müəyyən edilmiş digər hüquqlara malik olan məşvərətçi qurum olaraq fəaliyyət göstərəcək.
İctimai Şura ictimai əsaslarla (ödənişsiz) fəaliyyət göstərəcək. Mədəniyyət sahəsində ixtisaslaşan hər bir Azərbaycan vətəndaşı İctimai Şuraya üzv seçilə bilər.
İctimai Şuraya seçkilərin təşkili məqsədilə Mədəniyyət Nazirliyinin dörd və mədəniyyət sahəsində ixtisaslaşmış vətəndaş cəmiyyəti institutlarının beş nümayəndəsindən ibarət Seçki komissiyası yaradılıb. Seçki komissiyası tərəfindən İctimai Şura üzvlərinin sayı, namizədlərin, seçicilərin qeydiyyatı və digər təşkilati məsələlər barədə qərar qəbul edilib.
İctimai Şuraya namizədlərin qeydiyyatı 25 iyun 2023-cü il, seçicilərin qeydiyyatı 6 iyul 2023-cü il tarixinədək davam edəcək. İctimai Şuraya üzvlüyə namizəd şəxslərə və seçicilərə dair tələblərlə nazirliyin rəsmi internet saytının "Elanlar" bölməsində tanış olmaq olar.
“Ədəbiyyat və incəsənət”
(31.05.2023)
