Müstəqil Azərbaycan sayca 31-ci Novruz bayramını qeyd etdi. 10 günlük tətil də lap yerinə düşdü, daha şövqlə bayram keçirdik, yaxşıca istirahət etdik. Bu arada tək Azərbaycanda deyil, dünyanın dörd bir guşəsində soydaşlarımız Novruz bayramını qeyd etdilər. 

“Ədəbiyyat və incəsənət” portalının əməkdaşları xarici ölkələrdə keçirilən Novruz şənlikləri barədə Mədəniyyət Nazirliyinin, Diasporla iş üzrə Dövlət Komitəsinin, xarici ölkələrdəki səfirliklərimizin, habelə sosial şəbəkə istifadəçilərinin məlumatlarını izləyərək ən maraqlı və kütləvi 10 şənliyin reytinqini hazırlayıb. Reytinqi təqdim edirik.

6-cı yer. Rusiya

Moskvadakı məşhur Xalq Təsərrüfatı Nailiyyətləri Sərgisinin “Azərbaycan” pavilyonunda təşkil olunan Novruz bayramı şənlikləri də bir ayrı təmtəraqa malik idi.

Xalq gəzintilərinə çıxan pavilyonun qonaqları Azərbaycan xalqının qonaqpərvərliyi və baharın gəlişi əhval-ruhiyyəsi ilə əhatə olundular. Onlara Novruz adət-ənənələri barədə məlumat verildi, xalqımızın bu əziz bayramının atributları – tonqalın üzərindən tullanma, niyyət tutmaq, səməni, xonça və s. nümayiş etdirildi. Qonaqlar bayram adətlərinin sirləri ilə tanış oldular, ənənəvi şirniyyatların bəzədilməsi üzrə ustad dərslərində iştirak etdilər, Azərbaycan milli rəqslərinin incəliklərini öyrəndilər, şəhər və beynəlxalq rəqs müsabiqələri laureatlarının çıxışlarından zövq aldılar. 

Xalq gəzintiləri ilə yanaşı, pavilyonun qonaqları Dövlət Şərq Muzeyi tərəfindən Heydər Əliyev Fondu və Rusiya Mədəniyyət Nazirliyinin dəstəyi ilə açılmış “1940-1950-ci illər Azərbaycanın dəzgah heykəltaraşlığı” və rəssam Vera Xayrutdinovanın “Ayrı dünyalar” sərgilərini ziyarət etdilər.

Bayram şənliyinə gələnlər üçün müsabiqə və viktorinalar təşkil olundu, onlara mükafatlar təqdim edildi. 

Əsl reytinqə düşən şənlik oldu.

“Ədəbiyyat və incəsənət”

(27.03.2023)

Müstəqil Azərbaycan sayca 31-ci Novruz bayramını qeyd etdi. 10 günlük tətil də lap yerinə düşdü, daha şövqlə bayram keçirdik, yaxşıca istirahət etdik. Bu arada tək Azərbaycanda deyil, dünyanın dörd bir guşəsində soydaşlarımız Novruz bayramını qeyd etdilər. 

“Ədəbiyyat və incəsənət” portalının əməkdaşları xarici ölkələrdə keçirilən Novruz şənlikləri barədə Mədəniyyət Nazirliyinin, Diasporla iş üzrə Dövlət Komitəsinin, xarici ölkələrdəki səfirliklərimizin, habelə sosial şəbəkə istifadəçilərinin məlumatlarını izləyərək ən maraqlı və kütləvi 10 şənliyin reytinqini hazırlayıb. Reytinqi təqdim edirik.

7-ci yer. Misir

Azərbaycan Respublikasının Misir Ərəb Respublikasındakı səfirliyinin Novruz bayramı münasibətilə təşkil etdiyi tədbir paytaxt Qahirədə baş tutmuşdu. Misirdə yaşayan Azərbaycan diaspor nümayəndələrinin iştirak etdikləri tədbirdə çıxış edən ölkəmizin Misirdəki səfiri Elxan Poluxov xalqımızın mədəniyyətini, milli-mənəvi dəyərlərini özündə əks etdirən, əsrlərdir qeyd olunan Novruz bayramı münasibətilə diaspor nümayəndələrini və səfirlik əməkdaşlarını təbrik edərək xoş arzularını bildirdi, Novruz atributları haqqında geniş məlumat verərək, bu bayramın özündə ümumbəşəri dəyərləri, xalqımızın çoxəsrlik ənənələrini, milli-mənəvi irsə bağlılığını tərənnüm etdirdiyini söylədi. E.Poluxov xalqımızın öz ənənələrinə sadiqliyinin bariz nümunəsi olan Novruz bayramının xaricdə yaşayan soydaşlarımızın vətənə bağlılıq hisslərini gücləndirdiyini və ölkəmizin milli maraqları baxımından birgə fəaliyyətlərini daha da təşviq etdiyini vurğuladı. 

Tədbir çərçivəsində iştirakçılara Novruz şirniyyatları təqdim olundu, ənənəyə uyğun olaraq tonqal qalandı, Azərbaycan musiqisinin sədaları altında rəqslər ifa edildi, xalqımızın Novruza xas olan adət-ənənələri və ayinləri canlandırıldı. 

Misirlilər özləri də belə bir bayram keçirməyi arzuladılar. 

Əsl reytinqə düşən şənlik oldu.

“Ədəbiyyat və incəsənət”

(27.03.2023)

Müstəqil Azərbaycan sayca 31-ci Novruz bayramını qeyd etdi. 10 günlük tətil də lap yerinə düşdü, daha şövqlə bayram keçirdik, yaxşıca istirahət etdik. Bu arada tək Azərbaycanda deyil, dünyanın dörd bir guşəsində soydaşlarımız Novruz bayramını qeyd etdilər. 

“Ədəbiyyat və incəsənət” portalının əməkdaşları xarici ölkələrdə keçirilən Novruz şənlikləri barədə Mədəniyyət Nazirliyinin, Diasporla iş üzrə Dövlət Komitəsinin, xarici ölkələrdəki səfirliklərimizin, habelə sosial şəbəkə istifadəçilərinin məlumatlarını izləyərək ən maraqlı və kütləvi 10 şənliyin reytinqini hazırlayıb. Reytinqi təqdim edirik.

8-ci yer. Küveyt

Küveyt Diplomatik Qadınlar Komitəsinin təşəbbüsü, Küveyt Dövlətindəki diplomatik korpusun rəhbərliyinin təşkilatçılığı və bu ölkədə akkreditə olunmuş 10 diplomatik nümayəndəliyin iştirakı ilə Novruz Bayramı münasibətilə “Youm əl-Bahhar” parkında bahar festivalı keçirildi. 

Tədbirdə bəzi müsəlman ölkələrin tarixini, mədəni irsini, musiqisini, milli mətbəxini və turizm potensialını əks etdirən geniş sərgi təşkil olunmuçdu və təbii ki, sözügedən tədbirdə Azərbaycanın Küveyt Dövlətindəki səfirliyi də təmsil olunmuşdu. 

Səfirliyimiz Küveytdə fəaliyyət göstərən “Vətənsevər Dostluq Çəmiyyəti” ilə birgə Azərbaycan üçün ayrılmış pavilyonda ölkəmizin tarixini, mədəniyyətini, Novruz bayramı adət-ənənələrini, mətbəxini, milli geyimlərini, xalçalarını və turizm potensialını əks etdirən sərgi təşkil etmişdi. 

Və festival çərçivəsində Azərbaycanın mədəniyyət paytaxtı Şuşa şəhərinin 2023-cü il üçün “Türk dünyasının mədəniyyət paytaxtı” elan edilməsi ilə əlaqədar xüsusi guşə hazırlanmışdı. İştirakçılara Şuşanın tarixi, coğrafiyası və mədəniyyəti, habelə Azərbaycan hökuməti tərəfindən işğaldan azad olunmuş ərazilərdə aparılan bərpa və quruculuq işləri və orada keçirilən mədəni tədbirlər haqqında məlumatlar verilirdi. 

Bununla yanaşı, Səfirliyin dəstəyi ilə ərəb dilində nəşr olunmuş “Şuşa: Azərbaycan mədəniyyətinin paytaxtı, Qarabağın incisi” adlı kitab, Şuşa şəhəri ilə bağlı “İrs” jurnalının xüsusi buraxılışı, Şuşa şəhərində təşkil olunmuş “Xarı Bülbül Festivalı”na həsr olunmuş tədbirlərə aid digər təbliğat materialları iştirakçılara təqdim olundu. Eyni zamanda, festivalda ölkəmizin tarixi və müasir mədəniyyət abidələrini, gəzməli və görməli yerlərini, tarixi məkanlarını və milli-mənəvi dəyərlərini əks etdirən broşürlər, habelə milli geyim və mətbəx nümunələrimiz nümayiş olundu. Səfirliyimiz üzərində Yuxarı Gövhər Ağa məscidinin şəkli əks olunmuş kiçik xalçaları təşkilatçılara hədiyyə olaraq təqdim etdi. 

Tədbirdə xalqımıza məxsus milli kişi və qadın geyimlərində olan icma üzvlərimiz ziyarətçilər tərəfindən böyük maraqla qarşılandılar. Eyni zamanda, sərgiyə gələnlərə Azərbaycan mətbəxinə aid yeməklər, Novruz şirniyyatları - şəkərbura, paxlava, qoğal təqdim olundu. 

Tədbir çərçivəsində səfir Emil Kərimov yerli kütləvi informasiya vasitələrinə Novruz adət-ənənələri, milli geyimlərimiz, mətbəximiz və ölkəmizin turizm potensialı barədə müsahiblər də verdi.

Əsl reytinqə düşən bir tədbir baş tutdu.

“Ədəbiyyat və incəsənət”

(27.03.2023)

Müstəqil Azərbaycan sayca 31-ci Novruz bayramını qeyd etdi. 10 günlük tətil də lap yerinə düşdü, daha şövqlə bayram keçirdik, yaxşıca istirahət etdik. Bu arada tək Azərbaycanda deyil, dünyanın dörd bir guşəsində soydaşlarımız Novruz bayramını qeyd etdilər. 

“Ədəbiyyat və incəsənət” portalının əməkdaşları xarici ölkələrdə keçirilən Novruz şənlikləri barədə Mədəniyyət Nazirliyinin, Diasporla iş üzrə Dövlət Komitəsinin, xarici ölkələrdəki səfirliklərimizin, habelə sosial şəbəkə istifadəçilərinin məlumatlarını izləyərək ən maraqlı və kütləvi 10 şənliyin reytinqini hazırlayıb. Reytinqi təqdim edirik.

9-cu yer. Gürcüstan

Gürcüstanın həmyerlilərimiz məskunlaşan bir neçə bölgəsində təntənəli Novuz şənlikləri düzənlənmişdi, onların arasında, şübhəsiz, Kvemo Kartli bölgəsinin Marneuli rayonunda keçirilən Novruz bayramı xüsusilə fərqləndi. 

Bayram şənliyində Gürcüstanın Baş naziri İrakli Qaribaşvilinin iştirakı şənliyi bir ayrı rövnəqləndirdi. 

Şənlikdə habelə Gürcüstanın hökumət təmsilçiləri, Azərbaycanın və Türkiyənin Gürcüstandakı səfirləri - Faiq Quliyev, Ali Kaan Orbay, ictimaiyyət nümayəndələri iştirak edirdilər. 

Baş nazir və digər rəsmi şəxslər əvvəlcə Marneulinin mərkəzində Novruz bayramı ilə əlaqədar təşkil olunmuş guşələri ziyarət etdilər. Daha sonra Novruz tonqalını alovlandırıldı. 

Baş nazir İrakli Qaribaşvilinin ölkənin azərbaycanlı icmasını Novruz bayramı münasibətilə təbrik etnəsi, Novruzu qeyd edən insanlara cansağlığı, sülh və tərəqqi arzulaması və çıxışı əsla unudulmayacaq: “Bu gün hamınızı təbrik etmək istəyirəm. Əziz etnik azərbaycanlı həmvətənlərimizi, qardaşımız Azərbaycanı, Türkiyəni, bu bayramı qeyd edən hər kəsi təbrik edirəm. Vətəndaşlarımıza əmin-amanlıq, firavanlıq, daha çox bərəkət, xalqımıza daha çox sevinc, sabitlik arzulayıram. Azərbaycanlı həmvətənlərimizə, çox zəhmətkeş insanlara, çox ziyalı insanlara böyük hörmət və məhəbbətimi ifadə etmək istəyirəm və bir daha qeyd etmək istəyirəm ki, bu gün sülh, firavanlıq, sevinc, bütün insanlarla bağlı olması ilə simvolikdir. Ölkəmizin bu gün möhkəm birliyə ehtiyacı var və ən yaxşısı odur ki, biz buna nail olmuşuq. Bir daha hamınızı təbrik edirəm”.

Səfirlər də gözəl çıxışlar etdilər, Novruzu milli birlik bayramı adlandırdılar. Mətbəximizin ləziz təamları dadıldı, musiqimiz səsləndi, rəqslərimiz ifa edildi. 

Əsl reytinqə düşən bir tədbir baş tutdu.

“Ədəbiyyat və incəsənət”

(27.03.2023)

Müstəqil Azərbaycan sayca 31-ci Novruz bayramını qeyd etdi. 10 günlük tətil də lap yerinə düşdü, daha şövqlə bayram keçirdik, yaxşıca istirahət etdik. Bu arada tək Azərbaycanda deyil, dünyanın dörd bir guşəsində soydaşlarımız Novruz bayramını qeyd etdilər. 

“Ədəbiyyat və incəsənət” portalının əməkdaşları xarici ölkələrdə keçirilən Novruz şənlikləri barədə Mədəniyyət Nazirliyinin, Diasporla iş üzrə Dövlət Komitəsinin, xarici ölkələrdəki səfirliklərimizin, habelə sosial şəbəkə istifadəçilərinin məlumatlarını izləyərək ən maraqlı və kütləvi 10 şənliyin reytinqini hazırlayıb. Reytinqi təqdim edirik.

10-cu yer. Vyetnam. 

Vyetnamın paytaxtı Hanoy şəhərində Azərbaycanın Vyetnamdakı səfirliyi Vyetnamın dövlət və hökumət strukturlarının, mədəniyyət və ictimaiyyət xadimlərinin, iş adamlarının, diplomatik korpusun rəhbərlərinin, Vyetnam-Azərbaycan Dostluq Assosiasiyasının üzvlərinin və əvvəllər Azərbaycanda təhsil almış vyetnamlıların, habelə bu ölkədə yaşayan soydaşlarımız iştirakı ilə Novruz şənliyi təşkil etmişdi. 

Səfir Şövqi Mehdizadə xalqımızın əziz bayramlarından olan Novruzun əsrlərdir, Azərbaycanda böyük coşqu və təntənə ilə qeyd olunduğunu bildirdikdən, Vyetnam-Azərbaycan Dostluq Assosiasiyasının sədri Danq Ti Vin Vyetnam xalqı adından ölkəsinin tarixi və ənənəvi dostu olan Azərbaycan xalqını Novruz bayramı münasibətilə təbrik etdikdən, ən xoş arzularını çatdırdıqdan sonra şənlik başlandı. 

Vyetnam Milli Musiqi Akademiyasının musiqiçilərinin ifasında Azərbaycan və Vyetnam mahnıları səsləndi. Ötən əsrin 70-ci illərində o zamankı Azərbaycan Dövlət Universitetinin biologiya fakültəsinin tələbəsi və hazırda Vyetnam-Azərbaycan Dostluq Assosiasiyasının fəal üzvü olan xanım Danq Lanq Anhın ifasında unudulmaz bəstəkar Telman Hacıyevin “Tələbə mahnısı” böyük alqışlarla qarşılandı. 

Tədbirə xüsusi dəvət olunmuş əslən azərbaycanlı olan, Dünya Barbekü Kulinariya Assosiasiyasının vitse-prezidenti David İsrafilov Azərbaycan mətbəxinin ən sevilən yeməklərinin təqdimatını keçirdi. 

Azərbaycan təranələrinin sədaları altında davam edən ziyafətdə qonaqlar Azərbaycan məhsullarından hazırlanmış milli mətbəximizin ləziz təamlarını, o cümlədən plovu, dolmanı, kabablarımızı daddılar. Qonaqlara həmçinin müxtəlif növ Novruz şirniyyatları və səməni ilə bəzədilmiş xonçalar təqdim olundu. 

Tədbir çərçivəsində iştirakçılara Azərbaycan Dövlət Turizm Agentliyinin Novruz bayramı və Azərbaycanın turizm potensialı haqqında videoçarxları, xalqımızın mədəniyyətini əks etdirən əyani vasitələr, milli geyimlər, ingilis və Vyetnam dilində “Azərbaycan mətbəxi” kitabları təqdim edildi. 

Əsl reytinqə düşən bir tədbir baş tutdu.

“Ədəbiyyat və incəsənət”

(27.03.2023)

Əhali sayı ilə bağlı statistika oxucular üçün çox maraqlı olur. “Ədəbiyyat və incəsənət” Açıq portfeldə sizə çox maraqlı statistika təqdim edir.

2019-cu ildə keçirilmiş əhalinin siyahıyaalınmasının nəticəsi əsasında yenidən hesablanmış əhalinin sayı 2023-cü il fevral ayının 1-i vəziyyətinə 10 milyon 131 min 373 (Azərbaycan Respublikasının Rusiya sülhməramlı kontingentinin müvəqqəti yerləşdirildiyi ərazisindəki əhali istisna olmaqla) nəfər təşkil edib. 

Bu barədə Dövlət Statistika Komitəsi məlumat yayıb.

Əhalinin  54,6 faizi şəhər, 45,4 faizi kənd sakinlərindən, 49,8 faizi kişilər, 50,2 faizi isə qadınlardan ibarətdir.

Bu ilin yanvarında Azərbaycanda 9 min 935 körpə doğulub. Əhalinin hər 1000 nəfərinə doğulanların sayı 2022-ci ilin müvafiq ayı ilə müqayisədə 11,9-dan 11,5-ə enib. 

Qeyd edək ki, doğulanlar arasında oğlan uşaqlarının xüsusi çəkisi 53,5, qız uşaqlarının xüsusi çəkisi isə 46,5 faiz olub.

Körpələrin 296-sı əkiz, 30-u isə üçəm doğulanlardır. 

Yanvar ayı ərzində ölkədə 5 min 810 ölüm halı qeydə alınıb. Əhalinin hər 1000 nəfərinə həmin göstərici 2022-ci ilin müvafiq ayı ilə müqayisədə 7-dən 6,8-ə qədər azalıb.

“Ədəbiyyat və incəsənət”

(17.03.2023)

Mədəniyyət sahəsində çox böyük islahatlara ehtiyac vardır. Tarixi abidələrin restavrasiyası mühüm məsələdir. Bəzi abidələrimiz var ki, vaxtında tədbirlər görülməsə, onları tamamilə itirə bilərik. 

Bu fikirləri Milli Məclisin Mədəniyyət komitəsinin sədri Qənirə Paşayeva parlamentin martın 17-də Nazirlər Kabinetinin 2022-ci ildə fəaliyyəti haqqında hesabatın təqdimatı ilə bağlı keçirilən plenar iclasda müzakirələr zamanı səsləndirib. 

Komitə sədri yerlərdə bir çox kənd məktəblərinin təmirə ehtiyacı olduğunu da bildirib. Deputat əhalisinin sayı 10 mindən artıq olan kəndləri daha çox diqqətdə saxlamağın vacibliyini qeyd edib.

“Ədəbiyyat və incəsənət”

(17.03.2023)

Ölkəmizdə ilin ilk ayında 4 minə yaxın cütlük nikaha daxil olub

Qoy həmişə evlərdə toy olsun! 

Bu ilin ilk ayı ərzində ölkədə Ədliyyə Nazirliyinin rayon qeydiyyat şöbələri tərəfindən 3 min 979 nikaha daxilolma və 1370 boşanma halları qeydə alınıb. 

Dövlət Statistika Komitəsinin məlumatına istinadla bildiririk ki, əhalinin hər 1000 nəfərinə nikahların sayı 4,6, boşanmaların sayı isə 1,6 olub.

“Ədəbiyyat və incəsənət”

(17.03.2023)

Ölkəmizdə sabaha - martın 18-nə gözlənilən hava proqnozu açıqlanıb.

Ekologiya və Təbii Sərvətlər Nazirliyinin Milli Hidrometeorologiya Xidmətindən verilən məlumata görə, Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, gün ərzində əsasən yağmursuz keçəcəyi gözlənilir. Lakin gecə bəzi yerlərdə yağış yağacağı ehtimalı var. Səhər və axşam saatlarında duman olacaq. Şimal-qərb küləyi əsəcək. Havanın temperaturunun gecə 6-9°, gündüz 13-18° isti olacağı ehtimal edilir. Atmosfer təzyiqi 762 millimetr civə sütunu, nisbi rütubət 65-75 faiz təşkil edəcək.

Azərbaycanın rayonlarının bəzi yerlərində havanın arabir yağıntılı olacağı proqnozlaşdırılır. Ayrı-ayrı yerlərdə duman olacaq. Şərq küləyi əsəcək. Havanın temperaturunun gecə 5-10°, gündüz 15-19° isti, dağlarda gecə 2° şaxtadan 3°-dək isti, gündüz 3-7° isti olacağı bildirilir.

“Ədəbiyyat və incəsənət”

(17.03.2023)