Rəsm qalereyası: Aleksandr Şilov, “Avtoportret”

İndi bi kitabı yüz minlərlə insan oxiyur! 

Əlaqələr haqqında sonsuz narahat olmaq, tərəfdaşdan incimək, təsdiq  gözləmək və heç kimə lazım olmamaqdan qorxmaq – bütün bunlar sevgi haqqında ağrılı inancların simptomlarıdır. 

Amerikalı spiker, “Mənə sənin sevgin lazımdır” bestsellerinin müəllifi Bayron Keyti müəyyən alqoritm üzrə stress düşüncələri üzərində iş aparmağı təklif edir. 

Əvvəllər müdaxilə edilmiş qurğuları özünüz üçün möhkəm dayağa çevirin!

Günün fotosu:  Ottava ayağa qalxıb

Kanadanın paytaxtı Ottavada məcburi vaksinasiya əleyhinə mitinqlər kəsmək bilmir. 

Foto: Euronews

UNESCO-nun Mədəni özünüifadə müxtəlifliyinin qorunması və təşviqi haqqında Konvensiyasının Hökumətlərarası Komitəsinin 15-ci sessiyası işə başlayıb

UNESCO-nun baş qərargahında qurumun Mədəni özünüifadə müxtəlifliyinin qorunması və təşviqi haqqında 2005-ci il Konvensiyasının Hökumətlərarası Komitəsinin 15-ci sessiyası onlayn formatda işə başlayıb.

AzərTAC xəbər verir ki, sessiyada ölkəmizi Azərbaycan Respublikasının UNESCO üzrə Milli Komissiyası, Mədəniyyət Nazirliyi və UNESCO yanında Daimi Nümayəndəliyi təmsil edir.

Sessiya çərçivəsində 2022-2023-cü illər üçün gələcək iş planına dair qərar qəbul olunacaq, tərəflərin dövrü hesabatları dinləniləcək. Beynəlxalq Mədəni Müxtəliflik Fondunun (IFCD) icrasına baxılacaq və onun 12-ci çağırışı çərçivəsində Fonda təqdim olunmuş yeni layihələrin maliyyələşdirilməsi təsdiqlənəcək. Həmçinin Hökumətlərarası Komitə IFCD-nin resurslarından istifadəyə dair təlimatların ilkin təftiş layihəsini, eləcə də mikro, kiçik və orta mədəniyyət və yaradıcı müəssisələrlə müntəzəm məsləhətləşmə mexanizminin yaradılması üçün texniki-iqtisadi əsaslandırma haqqında hesabatı müzakirə edəcək. O, vətəndaş cəmiyyəti təşkilatlarının üçüncü Forumunun nəticələrini nəzərdən keçirməklə 2005-ci il Konvensiyasının həyata keçirilməsində vətəndaş cəmiyyəti ilə əməkdaşlığı gücləndirmək vasitələrinə baxacaq.

Sessiyada Azərbaycan nümayəndələri müzakirə olunan məsələlərlə bağlı fikirlərini bildirəcəklər.

Xatırladaq ki, Azərbaycan Mədəni özünüifadə müxtəlifliyinin qorunması və təşviqi haqqında 2005-ci il Konvensiyasının Hökumətlərarası Komitəsinin üzvüdür.

Azərbaycanda cizgi filmlərinin çəkilməsi hazırda geniş vüsət almaqdadır. 

Mədəniyyət Nazirliyinin Audiovizual və İnteraktiv Media şöbəsinin müdiri Rüfət Həsənov bildirir ki, “Azanfilm” studiyası “Qarınqulu” adlı ilk tammetrajlı animasiya filmini çəkməyə hazırlaşır.

Qeyd edək ki, ötən il “Azanfilm” tərəfindən “Tıq-Tıq möcüzələr axtarışında – Qobustan” filmi istehsal edilib. Filmin prodüseri Mənsur Şəfiyev, ssenari müəllifi və rejissoru Sultan Abbasbəylidir. 2021-ci ilin aprel ayında “Azanfilm”in “Həyat davam edir” layihəsi Mədəniyyət Nazirliyinin keçirdiyi “Böyük Qayıdış” qısametrajlı bədii, sənədli və animasiya film layihələri müsabiqəsində iştirak edib.

“Azanfilm” Animasiya Studiyası tərəfindən “Oğurlanmış bahar” filminin bu təhvil verilməsi planlaşdırılır. 

Bu ekran əsərinin rejissoru Aleksandra Şirinovadır.

Xəbər verdiyimiz kimi, Moskvanın “İllüziya” kinoteatrında Azərbaycan kinosunun retrospektivi başlayıb. 

İlk olaraq Fariz Əhmədovun rejissoru olduğu “Sonuncu” (Sonuncu, 2021) sənədli filmini nümayiş edilib. 

TASS agentliyi xəbər verir ki, açılış mərasimində Azərbaycanın Rusiyadakı səfirliyinin mədəniyyət attaşesi Nigar Axundova filmlərlə bağlı məlumat verib.

O, deyib: “Təqdim edilən filmlər müasir Rusiyada Azərbaycan kinosunun ilk irimiqyaslı retrospektividir. Tamaşaçılar 1935-ci ildən bu günə qədər böyük bir dövrə baxa biləcək. Proqramda yaşlı nəslin, qızıl dövrün, eləcə də gənc Azərbaycan kinosunun ustadlarının maraqlı əsərləri təqdim olunur”.

Proqrama Hüseyn Mehdiyevin “Özgə vaxt” (1996), Vaqif Mustafayevin “Hər şey yaxşılığa doğru” (1997) qara komediyası, Rüstəm İbrahimbəyovun ssenarisi əsasında Eldar Quliyevin çəkdiyi “Bir cənub şəhərində” (1969) ictimai-psixoloji dramı, “Qətldən yeddi gün sonra” detektivi (1991), Rüfət Həsənovun "Daxildəki ada" komediyası (2020) ekran əsərləri daxil edilib. Tamaşaçılara ümumilikdə 19 film təqdim olunacaq.

Retrospektivin açılışında Xəzər dənizindəki Kür dili adasının sonuncu sakini Vitali Pronindən bəhs edən “Sonuncu” sənədli filmi nümayiş etdirilib. Layihənin premyerası 2021-ci ildə Rotterdam Film Festivalında keçirilib.

Qeyd edək ki, retrospektiv “İllüziya” fevralın 15-dək davam edəcək.

Rumıniyada hər il keçirilən Humodeva Beynəlxalq Karikatura müsabiqəsinin finalçıları məlum olub. 172 əsər içərisində həmyerlimiz Soltan Soltanlının da bir əsəri var. 

Şərti adı “Sevgi əsiri” olan əsəri portalımızın oxucularına təqdim edirik.

Bu gün Bakıdakı Rus Evində “Qafqaz” beynəlxalq fotoklubunun internet-portalının təqdimat mərasimi keçiriləcək. 

Rusiya İnformasiya-Mədəniyyət Mərkəzinin mətbuat xidmətindən verilən məlumata görə, klubun sədri Aleksandr Karyagin həmin tədbirdə 2022-ci il üçün planlaşdırılan layihələr barədə söhbət açacaq. 

Tədbirin qonaqları arasında fotoqraflar, KİV nümayəndələri və gənclər təşkilatlarının təmsilçiləri olacaq.

Rejissor və prodüser Firəngiz Qurbanovanın rəhbərlik etdiyi “Birlik” animasiya studiyasının “Qarabağ nağılı” adlı layihəsi Mədəniyyət Nazirliyi tərəfindən keçirilən “Böyük Qayıdış” müsabiqəsinin qalibi olub. 

Müsabiqənin şərtlərinə görə, animasiya filmi nazirliyin maliyyə dəstəyi ilə çəkiləcək.

Sözügedən film “Mənə nağıl söylə” adlı serialın ikinci hissəsidir. Animasiya filminin birinci seriyası olan “Araqçın” 2020-ci ildə çəkilib və festivallarda uğurlu nəticələr əldə edib.

Qeyd edək ki, “Birlik” animasiya studiyası 2021-ci ildə Azərbaycan Kinematoqrafçılar İttifaqı ilə birlikdə “Sərçə” filmini çəkib. Film rejissor Gülnar Əliyevanın diplom işidir.