Super User
İsraildə Zəfər Günü münasibətilə tədbir keçirilib
İsrailin Afula şəhərində fəaliyyət göstərən Azərbaycan Mədəniyyət Mərkəzində Zəfər Günü münasibətilə tədbir keçirilib.
“Ədəbiyyat və incəsənət” portalına Diasporla İş üzrə Dövlət Komitəsindən verilən məlumata görə, mərkəzin rəhbəri Yeganə Salman tədbiri giriş sözü ilə açaraq Vətən müharibəsi haqqında danışıb, Azərbaycan xalqının 8 Noyabr – Zəfər Gününü böyük sevinclə qeyd etdiyini bildirib. Tədbirdə, həmçinin Dövlət Bayrağı və Konstitusiya günləri barədə məlumat verilib, bu əlamətdar günlərin tarixindən və əhəmiyyətindən bəhs olunub. Eyni zamanda bu günlərdə Bakıda BMT-nin İqlim Dəyişikliyi üzrə Çərçivə Konvensiyasının Tərəflər Konfransının 29-cu sessiyasının – COP29-un keçirildiyi diqqətə çatdırılıb.
Daha sonra Azərbaycanın Milli Qəhrəmanı, yəhudi əsilli hərbçi Albert Aqarunovun həyatından bəhs edən, Diasporla İş üzrə Dövlət Komitəsinin dəstəyi ilə rejissor Elçin Muxtarov tərəfindən çəkilən “Tank 533: Albert Aqarunov” sənədli filmi nümayiş olunub.
Tədbirin bədii hissəsində İsrailli "Nikol və Rami Neşer" dueti Müslüm Maqomayev və Rəşid Behbudovun repertuarından əsərlər səsləndirib, eləcə də Xalq artisti Eminin "Azərbaycan" mahnısını ifa edib. İsrail və Azərbaycan Yazıçılar Birliyinin üzvü, şair Mixail Salman Milli Qəhrəman Albert Aqarunova həsr olunmuş şeirlərini oxuyub.
“Ədəbiyyat və incəsənət”
(21.11.2024)
“Bu mövzuda maarifləndirmə işlərini gücləndirmək vacibdir” - FAZİL MUSTAFA Ankarada beynəlxalq simpoziumda çıxış edib
Milli Məclisin İctimai birliklər və dini qurumlar komitəsinin sədri Fazil Mustafa “Axıska türklərinin hüquqi və sosial problemləri” mövzusunda II Beynəlxalq Simpoziumda çıxış edib.
“Ədəbiyyat və incəsənət” portalına Milli Məclisin müvafiq komitəsindən verilən məlumata görə, “Türkiyə-Azərbaycan Dostluq, İşbirliyi və Həmrəyliyi” Vəqfi, “Dünya Axıska Türkləri” Birliyi, “Mədəniyyətlərarası Şəbəkə” İctimai Birliyinin təşkilatçısı olduğu beynəlxalq simpozium Türkiyə Cümhuriyyəti Cümhurbaşqanlığının Əlaqələr Müdirliyi (İletişim Başkanlığı), Türkiyə Mədəniyyət və Turizm Nazirliyi və TİKA-nın dəstəyi ilə keçirilib.
Rəsmi şəxslərin, mötəbər qonaqların, ziyalıların, mövzu üzrə tanınmış mütəxəssislərin və Axıskakökənli ictimai fəalların qatıldığı simpozium Türkiyə Cümhuriyyəti Cümhurbaşqanlığının Əlaqələr Müdirliyinin Konfrans salonunda 18 noyabrda keçirilib.
“Azərbaycanın tolerantlıq siyasətinin konkret örnəyi: Axıska türkləri” mövzusunda geniş məruzə ilə çıxış edən komitə sədri Fazil Mustafa Azərbaycanda Axıska türkləri ilə bağlı məsələlərə hər zaman diqqətlə yanaşıldığını diqqətə çatdırıb. O, tolerantlıq, multikulturalizm siyasətinin Azərbaycan dövləti və xalqımız üçün ötəri yanaşma olmadığı, xarakterik özəllik daşıdığını faktlar əsasında vurğulayıb.
Axıska türkləri ilə bağlı verilən qərarların parlamentlərdə dəyərləndirilməsinin vacib olduğunu söyləyən Fazil Mustafa Azərbaycan Prezidentinin dillər əzbəri olan “Bizim ailəmiz Türk dünyasıdır” sözlərini xatırladaraq, Azərbaycanın Türk Dövlətləri Təşkilatında qaldırdığı vacib məsələlərə toxunub.
Komitə sədri ortaq türk əlifbası mövzusunda vahid strategiya ilə çıxış etməyi tarixi zərurət adlandırıb.
Fazil Mustafa yarım milyondan çox Axıska türkünün 9 ölkədə məskunlaşdığına diqqət yönəldərək, onların öz milli kimliklərini, mədəniyyətlərini qorumaqla bağlı mübarizələrinin beynəlxalq hüququn tələblərinə cavab verdiyini bildirib. O, bildirib ki, beynəlxalq ictimaiyyətdə, uyğun profilli platformalarda bu mövzuda maarifləndirmə işlərini gücləndirmək, çağdaş İKT imkanlarından geniş surətdə yararlanmaq vacibdir.
“Axıskalıların mütəşəkkil mübarizəsi bir sıra nəticələr meydana çıxarıb.
Bu gün Axıska türklərinin hüquq davası tezisləri hər bir türk dövlətinin gündəmində olmalıdır. Türk dövlətləri Gürcüstan dövləti ilə bütün təmaslarda Axıskalıların öz vətənlərinə qayıtmaqla bağlı qanuni tələblərinin həyata keçirilməsini ifadə etməlidir. Türk Dövlətləri Təşkilatının beynəlxalq hüquq normalarına uyğun olaraq Axıska türklərinin vətənə qayıtmasına maliyyə dəstəyi üçün xüsusi fond yaratması faydalı olardı.
Axıska türklərinin haqq davası bütün türk toplumlarının haqq davası kimi başa düşülmədikcə, beynəlxalq miqyasda məsələni aktuallaşdırmaq çətin olacaqdır. Bu, əsl türk həmrəyliyini zəruri edən ən mühüm məsələlərdən biridir”. – Bu fikirləri Komitə sədri öz məruzəsində bildirib.
“Ədəbiyyat və incəsənət”
(20.11.2024)
Доклад Фуада Мамедова о духовной культуре, государственном управлении и международном сотрудничестве
Ведущие российские и зарубежные эксперты приняли участие в V Международной научно-практической конференции «Communicative Aspects of Law and National Security» – «Коммуникативные аспекты права и национальной безопасности» (24.04.2024 г., организаторы – Центр лингвистики и профессиональной коммуникации и научно-исследовательская лаборатория «Лингвобезопасность и психология информационного воздействия» ИПНБ в партнерстве с кафедрой английской филологии Донецкого государственного университета).
Портал “Edebiyyatveincesenet.az” сообщает что доклад доктора исторических наук, профессора Академии государственного управления при Президенте Азербайджанской Республики, президента Ассоциации культуры Азербайджана «Симург», основоположника культурологической науки в республике Фуада Тейюбовича Мамедова вызвал большой интерес.
В своем докладе Фуад Тейюбович рассматривает проблемы национальной безопасности и управления государством с точки зрения системного культурологического подхода, предлагает технологии решения этих проблем и определяет условия устойчивого и безопасного развития общества. Докладчик размышляет о духовно-нравственной и интеллектуальной культуре как истинных критериях ценности человека и инструменте борьбы с деструктивными явлениями и процессами в условиях цивилизационного кризиса. Эксперт утверждает, что миссия государства заключается в служении развитию духовной культуры, формировании общечеловеческих ценностей высококультурных граждан как стратегического ресурса устойчивого и безопасного развития общества. Особый акцент делается на важности развития международной культурной идентичности, гармонизации отношений между культурами и введении культурологической экспертизы принимаемых решений и результатов деятельности с точки зрения соответствия универсальным ценностям.
«Духовное родство очень важно и для любви, и для дружбы, и для гармонии, понимаете, для взаимопонимания, для сотрудничества, для счастья, если хотите, для радости жизни. Вот, поэтому, по моему глубокому убеждению, не может быть более высокой задачи ни у одного государства и у той же Организации Объединенных Наций, и у того же ЮНЕСКО. Не может быть. Никто меня не сможет переубедить. Целью и стратегическим ресурсом должен быть высококультурный гражданин.»
«Учитывая то, что вы работаете в Академии народного хозяйства и государственной службы при Президенте России, я вас прошу, будьте инициатором вот этой идеи, чтобы на государственном уровне приоритетной была именно эта идея – производство высококультурных граждан. И поверьте, если это все будет сделано правильно, при правильном меритократическом воспитании и управлении это поможет поднять производительность труда в стране, с одной стороны, а с другой стороны, социально-политическую устойчивость общества, потому что люди будут все вовлечены в этот процесс, люди будут довольны…»
“Ədəbiyyat və incəsənət”
(20.11.2024)
“Bir şeirin hekayəti" SAYMAN ARUZLA
Ülviyyə Əbülfəzqızı, “Ədəbiyyat və incəsənət”
Əziz izləyicilərimiz, bu dəfə "Bir şeirin hekayəti" rubrikasının qonağı şair, yazıçı, AYB Güney Azərbaycan Şöbəsinin rəhbəri, AYB sədrinin müşaviri Sayman Aruzdur.
-Xoş gördük, dəyərli Sayman bəy!
Məlumdur ki, ədəbiyyat — insanın, cəmiyyətin hisslərini, emosiyalarını, düşüncələrini, arzu və istəklərini obrazlı şəkildə əks etdirən söz sənətidir. Poeziyada insan hisslərinin ifadəsi- dərin emosiya və hisslərin təsviri ön planda olur.
Aristotel poeziyanın fəlsəfəyə daha yaxın olduğunu deyirdi. Kant isə poeziyanın bütün sənət növləri arasında ən üstün olduğunu vurğulayırdı…
Rubrikamızın şərtinə görə, əziz Sayman bəy, bizə şeirlərinizdən birinin yaranma tarixindən söz açmalısınız.
Beləliklə, dəyərli şairimiz, bizə " Bir şeirin hekayəti"- ni söyləyin.
-Xoş gördük, dəvətiniz üçün təşəkkür edirəm.
İzləyicilər üçün mənə çox dəyərli olan "Bir şeirin hekayəti"- ni danışmaq istəyirəm. Mən bu şeirdə otaylı, butaylı Azərbaycana bağlı olan hisslərimi, üstəlik dövlətə və dövlət başçısına olan həqiqi səmimi fikirlərimi, mövqeyimi ifadə etdiyimi hesab edirəm. Düzdür, təsirili şeirlərim çoxdur. Həbsdə olduğum dönəmdə yazdığım təsirli şeirlərim var. O taydan bu taya keçərkən yolda yazdığım şeirlər var ki, onlar da mənim üçün çox qiymətlidir. Buradakı müəyyən hadisələrdən təsirlənib yazdığım şeirlər də var ki, çox dəyərlidir. Lakin rubrikanız üçün seçfiyim şeir zəfərlə başa çatan İkinci Qarabağ müharibəsindən təsirlənib və eyni zamanda Cənab Prezidentin 60 illik yubleyi münasibətilə Şuşada yazdığım şeirdir. Ona görə bu şeir mənim üçün çox dəyərlidir. Bu şeiri Şuşada da, müəllifi olduğum “Körpü" verlişində düz Xudafərin körpüsünün yanında da səsləndirmişəm. Mənim arzum bütöv Azərbaycanın yaranmasıdır. Bu arzum gerçəkləşsin deyə, gecə- gündüz çalışıram. Hər cür kin-küdurətlə, şərlə, böhtanla da qarşılaşıram. Bununla belə xalqımızın, dövlətimizin qayğısını, sevgisini də görürəm. Hədəfə olan inamım və imanım məni bu yolda irəli aparır, dayaq olur və sarsılmağa imkan vermir. Hesab edirəm ki, hədəfi müqəddəs və ümummilli olan insan heç vaxt məğlub olub uduzmur. Heç vaxt naümid olmur. Torpaqdan ilhamlanaraq arzunu daxilində yaradırsansa, torpaq sənə xəyanət etmir deyə, arzu da xəyanət etmir. Mən də öz torpağımdan, xalqımdan ilhamlanaraq arzulayıram ki, Vətənim birləşsin, Azərbaycan bütöv olsun. Torpağım heç kimin istilasında olmasın, Vətən də, vətəndaş da müstəqil olsun, bütöv olsun, var olsun! Hiss edirəm ki, bu arzuma çatacağam. Ona görə belə əmin olaraq söyləyirəm ki, bu, bir ya iki fərdin arzusu deyil, tamamilə Azərbaycan xalqının, Azərbaycan dövlətinin arzusu kimi cilalanır, rənglənir və öz həqiqətinə yaxınlaşır.
Əslində, bu şeirdə mən bir növ xalqın nümayəndəsi olaraq Cənab Prezidentə müraciət etmişəm.
Mən Cənubi Azərbaycanda dünyaya gələn bir insan kimi öz Prezidentimə müraciət etmişəm ki, bizə arxayın olun, əmin olun ki, dünyada yaşayan hər bir azərbaycanlının ürəyi Azərbaycan dövləti və onun başçısıyladı. Bizə arxayın olun, illərlə bizə iranlı dedilər, illər boyu müxtəlif dillərin, fikir mərkəzlərinin təsirinə salmağa çalışdılar, amma biz, həqiqətən də, öz kökümüzü, nəslimizi itirmədik. Biz böyük Azərbaycanın elə böyük hissəsiyik. Güney Azərbaycanda 45 milyondan artıq soydaşımız yaşayır. 100 ildən çoxdu manqurt kimi yetişdirilməyə cəhd edilir. Onları milli kimliyindən uzaq saxlayırlar. Onların müstəqillik, azadlıq haqqı, arzusu var. Çox sevinirəm ki, artıq bu haqq Azərbaycan dövləti tərəfindən də müxtəlif formalarda bəyan edilir. Möhtərəm Prezidentimizin Səmərqənd çıxışı və o çıxışda da İranda yaşayan soydaşlarımızın haqqını, hüququnu, mənafeyini qorumaqla bağlı verdiyi mesajlar tarixi mesajlar idi. Bu mesajdan sonra o soydaşlarımız bildilər ki, onların belə möhtəşəm və qalib dövləti, onları düşünən dövlət başçısı var. Onlar artıq ümidlə, gələcəyə inamla yaşayırlar.
Hər bir Vətənini, torpağını sevən insan üçün; şairdisə milli məfkurədə şeiri, rəssamdırsa milli müstəvidə çəkdiyi rəsmi, bəstəkardırsa milli zəmində bəstəsi ona övladı qədər əzizdir.
Mən də ona görə bu şeirin hekayətini danışdım.
Dünya azərbaycanlılarının Lideri, Ali Baş Komandanımız İlham Əliyevin 60 illik yubileyi münasibətilə yazdığım şeir:
Nə Araz, nə də ki, dikanlı məftil,
Xalqın niyyətini bölə bilmədi.
İki yüz ildir ki, erməni qafil,
Sənin millətini bölə bilmədi.
Bu gün ad günündür, cənab Prezident,
Altmışı haqladın, mübarək olsun!
Gücümüz gücündür, cənab Prezident,
Gözlərin sevinclə, zəfərlə dolsun!
Sən altmış yaşında, biz altmış milyon...
Böyük bir millətin ümidi sənsən.
Sonadək şərəflə dayandın, durdun,
Sən özün Vətənsən, özün Vətənsən!
İzn ver izinlə sürünüb gedək,
Bakıdan Şuşaya, ordan Təbrizə.
Vətən torpağına bürünüb gedək,
Əmrinlə düşməni gətirək dizə.
Gözlərin yol çəkir, görürəm hərdən...
O yolun sonunda vətən görünür...
Xalqın qüdrətini görür efirdən,
Qoca da, cavan da sənlə öyünür..
Lütfən kədərlənmə, sən gül hər zaman,
Güləndə gülürük biz də səninlə.
İlləri həsrəti silinir, inan,
Vətənə yaydığın gur nəfəsinlə.
Sən ey Azad vətən, ey azad dəniz,
Səninlə vətənə zəfər dolacaq.
19 ildir ki, səninləyik biz,
Min illər keçsə də belə olacaq.
Dəmir yumruğunla, ləyaqətinlə,
Xalqın ürəyində heykəl qurubsan.
Vətən məhəbbətin, saf niyyətinlə,
Ordunun önündə özün durubsan.
Ey son yüz illərin məğrur fatehi!
Sən ey ölümsüzlər Baş Komandanı!
Dədəm Xətainin ruhu səndədir,
Bütövlət, bütövlət Azərbaycanı!
İkinci Qarabağ savaşı bizə,
Həmrəylik, bütövlük nəğməsi oldu.
Düşməni qarşında gətirən dizə,
Müzəffər savaşa qoyduğun qoldu.
Sən təkcə Şuşanın fatehi deyil,
Həm də ürəklərin fatehisən, bil.
İlhamın nə xalqın düşüncəsindən,
Nə də tarixindən silinən deyil.
Şuşanı işğaldan azad edəndən,
Günbəgün dirçəlir dumanlı Təbriz.
Sənə səslənirik Xudafərindən,
Bizə arxayın ol, səninləyik biz...
“Ədəbiyyat və incəsənət”
(20.11.2024)
Gülüş klubunda Don Juan
Sərtyel, “Ədəbiyyat və incəsənət”
1.
Kişilər ona görə xəyanət etmirlər ki, alçaqdırlar. Ona görə xəyanət edirlər ki, qadınlar hamısı gözəldir.
(Don Juan)
2.
Nə qəribədir, elə ki, mən pəhrizə başlamaq istəyirəm, dərhal 8 Mart, Novruz bayramı, sonra bir sürü yubiley, ad günü, sonra “hər şey daxil” Türkiyədə yay istirahəti, sonra nişan, xınayaxdı və toylar silsiləsi, sonra Yeni il… - hamısı aıraya düzlənir.
3.
Sən planı yerinə yetirirsənsə, düşünmə ki, sənin əməkhaqqını qaldıracaqlar. Yox, sənin planını qaldıracaqlar.
4.
Bu gün eşitdim ki, kollektivimizdə hər on nəfərdən doqquzu virusa yoluxub. O hamının əleyhinə gedən, başqasının vayını bayram edən bir nəfər nadürüstün kim olduğunu heyif ki bilmirəm. Bilsəm ona divan tutardım.
5.
“Daşları yığmağın vaxtıdır” məsəlini çəkib oğru zərgərlik mağazasına girdi.
“Ədəbiyyat və incəsənət”
(20.11.2024)
Azərbaycan 21-ci Ankara Kitab Sərgi-Yarmarkasında təmsil olunacaq
Noyabrın 29-dan dekabrın 8-dək Türkiyənin paytaxtı Ankarada növbəti ənənəvi 21-ci Ankara Kitab Sərgi-Yarmarkası keçiriləcək. Mədəniyyət Nazirliyinin dəstəyi ilə Türkiyədəki Azərbaycan Mədəniyyət Mərkəzi sərgidə Azərbaycan milli stendini təşkil edəcək.
“Ədəbiyyat və incəsənət” portalı Nazirliyə istinadən xəbər verir ki, bu il sərginin Təşkilat Komitəsi “Qonaq ölkə” olaraq Azərbaycanı seçib.
Beynəlxalq kitab sərgi-yarmarkasına ümumilikdə 500 mindən artıq ziyarətçinin gələcəyi gözlənilir.
“Ədəbiyyat və incəsənət”
(20.11.2024)
Gənclər Kitabxanasında “Ağdam Şəhəri Günü” ilə əlaqədar məlumat bülleteni hazırlanıb
Azərbaycan Respublikasının Prezidenti İlham Əliyevin 20 noyabr - “Ağdam Şəhəri Günü” elan olunması ilə bağlı imzaladığı Sərəncama əsasən, Cəfər Cabbarlı adına Respublika Gənclər Kitabxanasının əməkdaşları tərəfindən məlumat bülleteni hazırlanıb.
Bu barədə “Ədəbiyyat və incəsənət” portalına kitabxanadan məlumat verilib.
Hazırlanan materialda bir sıra rəsmi sənədlər yer alır, “Ağdam: düşmən gözünə daman ağ” başlığı altında Ağdam rayonunun yaranma tarixi, gözəl təbiəti, erməni işğalı dövründə məruz qaldığı vandallıq aktları-tarixi, mədəni abidələrin, təbii sərvətlərin məhv edilməsi, mənfur düşmən tərəfindən Ağdamın “ruhlar şəhəri”nə çevrilməsi haqqında məlumat verilir. Azərbaycanın əzəli torpağı olan Ağdam şəhərinin Azərbaycan Respublikasının Prezidentinin diplomatik məharəti, prinsipiallığı, dəmir iradəsi sayəsində imzalanan kapitulyasiya aktına əsasən geri qaytarılması haqqında geniş məlumat verilir. Məlumat bülletenində bu gün Ağdam şəhərində aparılan bərpa-quruculuq işlərindən, yeni infrastrukturun qurulması, yaşayış məhəllələrinin salınması, sənaye parkları, aqroparkların yaradılmasından bəhs edilir.
Kitabxananın rəsmi saytında yerləşdirilən materialda https://ryl.az/funds/melumat-b%C3%BClleteni “Xilaskarlar”, “Zəfər salnaməsi” “Qarabağın tarixindən səhifələr”, “Ağdam kəndi - Qəhrəmanlar diyarı”, “Vətən kitabı”, “Vətən bizə oğul dedi”, “Xıdırlıda qalan günlər”, “Ağdam rayonu dialektlərinin toplanılması və linqvistik təhlili” kimi 10-dan çox kitabın biblioqrafik təsviri ilə yanaşı qısa annotasiyası və 2020-2024-cü illəri əhatə edən dövrü mətbuat nümunələri yer alır.
“Ədəbiyyat və incəsənət”
(20.11.2024)
20.11.1991 - 20.11.2020. BU GÜN AĞDAM ŞƏHƏR GÜNÜDÜR
Nemət Tahir, “Ədəbiyyat və incəsənət” portalının Qarabağ bölməsi
Qarakənd səmasından Ağdamın azadlığına faciələr və qəhrəmanlıqlarla uzanan keşməkeşli və şərəfli 30 illik yol...
Günün mübarək, doğma Ağdamım!
Ağdam rayonu 1930-cu ildə yaradılıb. Sahəsi 1094 kvadrat km olan rayonun relyefi əsasən düzənlik, qismən dağlıqdır. Ağdam rayonu Azərbaycanın qədim, füsunkar təbiətli torpağı olan Qarabağın mərkəzində – Qarabağ dağ silsiləsinin şimal-şərq ətəklərində, Kür-Araz ovalığının qərbində yerləşir. Ağdam uğrunda 42 gün davam edən döyüş 1993-cü il 23 iyul tarixində Ağdam ərazisinin 73 faizinin işğalı ilə bitdi. Ərazisi 1094 kvadrat kilometr olan Ağdamın 882 kvadrat kilometri, rayon mərkəzi ilə birgə 90 kəndi işğal olundu, işğal nəticəsində 128 min insan məcburi köçkün həyatını yaşamağa məcbur oldu. İşğal nəticəsində Ağdam rayonunun 38 kolxozu, 12 sənaye obyekti, 74 məktəbi, 271 mədəniyyət evi, bütün dünyada yeganə olan Çörək muzeyi, 67 idarə və 99 klubu düşmən əlinə keçdi.
*
Ağdam uğrunda gedən döyüşlər zamanı 6 mindən artıq insan şəhid oldu, minlərlə insan yaralandı, əhali öz doğma ev-eşiyindən qovularaq məcburi köçkün kimi Azərbaycanın 59 rayonunun 875 yaşayış məntəqəsində məskunlaşdı.
Vətən müharibəsində əldə etdiyimiz qələbə nəticəsində imzalanmış üçtərəfli bəyanata əsasən, 2020-ci il noyabrın 20-də Ağdam rayonunun işğal olunmuş ərazisi Azərbaycana təhvil verildi.
*
Prezident İlham Əliyevin 31 iyul 2023-cü il tarixli Sərəncamı ilə Azərbaycan Respublikasının işğaldan azad edilmiş əraziləri üzrə şəhər günləri təsis edilmişdir. Sözügedən Sərəncama əsasən 20 Noyabr Ağdam şəhəri Günü kimi müəyyən olub.
Qarabağ Azərbaycandır!
Ağdam Azərbaycandır!
“Ədəbiyyat və incəsənət”
(20.11.2024)
Özbəkistan, Seneqal, Misir və Qambiya rəsmiləri “ASAN xidmət”də
Özbəkistan Respublikasının ali təhsil, elm və innovasiya nazirinin müşaviri Bobur Raximov, Seneqalın Dövlət İdarəçiliyi və Dövlət Xidmətlərində İslahatlar Nazirliyinin Aparat rəhbəri Hahmadou Bamba, Misirin kommunikasiya və informasiya texnologiyaları nazirinin baş müşaviri Hodoka Baraka və Qambiyanın Dövlət Xidmətləri, İnzibati İslahatlar və Siyasi Koordinasiya Nazirliyinin daimi katibi Pateh Jah "ASAN xidmət” mərkəzinin fəaliyyəti ilə tanış olublar.
“Ədəbiyyat və incəsənət” portalına “ASAN xidmət”dən verilən məlumata görə, qonaqlar 14 noyabr 2024-cü il tarixində Bakıda “Birləşmiş Millətlər Təşkilatının İqlim Dəyişmələri üzrə Çərçivə Konvensiyası”nın Tərəflər Konfransının 29-cu sessiyası COP29 çərçivəsində “ASAN xidmət”in təşkil etdiyi Yaşıl Qabaqcıl İdarəetmə üzrə Nazirlər Forumunda iştirak məqsədilə ölkəmizə səfər ediblər.
Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin sədr müavini Ceyhun Salmanov qonaqlara Dövlət Agentliyinin müxtəlif fəaliyyət istiqamətləri, o cümlədən Prezident İlham Əliyevin təşəbbüsü əsasında yaradılmış “ASAN xidmət” mərkəzləri və sosial innovasiyalar istiqamətində həyata keçirilən layihələr barədə ətraflı məlumat verib.
Qonaqlar “ASAN xidmət” mərkəzlərinin fəaliyyətinin, burada tətbiq olunan innovativ yeniliklərin onlarda yüksək təəssürat yaratdığını və sözügedən təcrübənin öyrənilməsində maraqlı olduqlarını bildiriblər.
Özbəkistan tərəfi ilə keçirilən görüşdə Dövlət Agentliyinin “İnnovasiyalar Mərkəzi” ilə Özbəkistanın Ali Təhsil, Elm və İnnovasiyalar Nazirliyinin nəzdindəki “Yaşnobad” innovasiyalar texnoparkı arasında 2022-ci ilin 15 dekabr tarixində imzalanmış Anlaşma Memorandumunun implementasiyası çərçivəsində nəzərdə tutulan tədbirlər, birgə fəaliyyət planları, startap və akselerasiya sahələrində qarşılıqlı təcrübə proqramları müzakirə edilib.
Misir tərəfi ilə keçirilən görüşdə isə mümkün əməkdaşlıq perspektivlərinin qurulması məqsədilə anlaşma memorandumunun imzalanması istiqamətində ilkin razılığa gəlinib.
Rəsmilər “INNOLAND” İnkubasiya və Akselerasiya Mərkəzi, Səyyar ASAN xidmət, "ABAD" publik hüquqi şəxsin fəaliyyəti ilə də tanış olublar.
“Ədəbiyyat və incəsənət”
(20.11.2024)
“Zilif” - KİTAB BƏLƏDÇİSİNDƏ
Jalə İslam, “Ədəbiyyat və incəsənət”
Bu kitabla zərif davranın. Çünki həyata qarşı ümidini itirmiş bir atanın son çırpınışlarıdır. Bir ölümə hazırlıq məktubudur. Təsadüfən instagram paylaşımlarını nəzərdən keçirərkən qarşıma bir yazı çıxdı.
Dünya ne ise oydu; ben de ne isem o oldum
— uyuşamadık. Hepsi bu.
Sonra ani qərarla kitabın PDF formatını oxumağa başladım. 35 səhifəlik olan kitabda elə sətirlər var ki, bəzi yazıçıların 1000 səhifəlik yazısı o qədər vurucu olmur. Valideynlərin ümidsizliyə düçar olması necə də ağır bir haldır. "Zilif" bu ağır və kədərli halı ən təsirli çatdıran kitablardan biridir.
Siz bu kitabı oxuduğunuz təqdirdə Oruc Aruobanın 'ın intihar etməyi düşündüyü bir gecədə qızı Filizə olan son vəsiyyəti və sözləri ilə tanış olacaqsınız. Bütün səhifələrdə təşviq etməyə çalışdığı əsas fikir budur ki, qızı ən gözəl, ən məqsədli və ən sadiq insanlardan biri olsun, amma hər kəs kimi olmağıda unutmasın.
Yazıçı üçün ən kədərli tərəfi isə qaçmağa çalışdığı ən başlıca səbəbin bizim qatılaşmış eqomuz olmasıdır.
Xoş mütaliələr!
“Ədəbiyyat və incəsənət”
(20.11.2024)
