Super User
Mədəniyyət nazirinin birinci müavini Adil Kərimli Qobustanda vətəndaşları qəbul edəcək
Mərkəzi icra hakimiyyəti orqanları və digər idarəetmə qurumlarının rəhbərlərinin şəhər və rayonlarda vətəndaşların qəbulu cədvəlinə əsasən Azərbaycan Respublikasının mədəniyyət nazirinin birinci müavini, nazir vəzifəsini icra edən Adil Kərimli aprelin 28-də saat 10:00-da Qobustan rayonu Heydər Əliyev Mərkəzində (Qobustan şəhəri, Elyar Vəliyev küçəsi, 162) əsasən Qobustan, Şamaxı şəhərləri, Ağsu rayonundan olan vətəndaşları qəbul edəcək.
“Ədəbiyyat və incəsənət” portalı Mədəniyyət Nazirliyinə istinadən xəbər verir ki, vətəndaşlar aprelin 19-dək nazirliyin Этот адрес электронной почты защищен от спам-ботов. У вас должен быть включен JavaScript для просмотра. elektron poçt ünvanı, (012) 493-30-02 telefon nömrəsi vasitəsilə və vatsap xidmətinə (0 777 147 147) müraciət etməklə qəbula yazıla bilərlər.
“Ədəbiyyat və incəsənət”
(04.04.2023)
Biləsuvarda mədəniyyət müəssisələrinin vəziyyəti necədir?
MƏDƏNİYYƏT NAZİRİ VƏZİFƏSİNİ İCRA EDƏN ADİL KƏRİMLİNİN BİLƏSUVARA SƏFƏRİNİN TƏFƏRRÜATLARI
Əlbəttə ki, bu verilən suala ən yaxşı cavab Azərbaycan Respublikasının mədəniyyət nazirinin birinci müavini, nazir vəzifəsini icra edən Adil Kərimlinin bu rayona olan işgüzar səfərinin nəticələridir.
“Ədəbiyyat və incəsənət” portalı nazirliyə istinadən xəbər verir ki, Mərkəzi icra hakimiyyəti orqanları və digər idarəetmə qurumları rəhbərlərinin bu ilin fevral ayında şəhər və rayonlarda vətəndaşların qəbulu cədvəlinə əsasən Adil Kərimli öncə Biləsuvar şəhərindəki Heydər Əliyev Mərkəzində vətəndaşların qəbulunu keçirib.
Qəbuldan öncə Ümummilli lider Heydər Əliyevin Biləsuvar şəhərində ucaldılmış abidəsi önünə gül dəstələri qoyularaq xatirəsi ehtiramla yad edilib. Sonra Heydər Əliyev Mərkəzinə baxış keçirilib, mərkəzdə yaradılan şəraitlə tanışlıq olub.
Qəbulda Biləsuvar, Salyan, Neftçala və Cəbrayıl rayonlarından ümumilikdə 48 vətəndaş iştirak edib. Vətəndaşların müraciətləri əsasən işlə təmin olunma, fəxri adın verilməsi, mədəniyyət sahəsi ilə bağlı təkliflərdən ibarət olub.
Görüşdə hər bir vətəndaşın müraciətinə həssaslıqla yanaşılması, diqqətlə araşdırılması və qaldırılan məsələlərin qanunvericiliyə uyğun həlli barədə struktur rəhbərlərinə müvafiq tapşırıqlar verilib.
Qaldırılan məsələlərə vaxtında və obyektiv baxılması məqsədilə hər bir müraciət qeydiyyata alınaraq xüsusi nəzarətə götürülüb.
Mədəniyyət sahəsində fəaliyyət göstərən kadrların vəziyyəti - bu da mədəniyyətin bir səviyyə göstəricisidir, digəri səviyyə göstəricisi isə mədəniyyət obyektlərinin durumudur.
Adil Kərimli vətəndaşlarla görüşdən sonra rayonda fəaliyyət göstərən bir sıra mədəniyyət və bədii təhsil ocaqlarına baş çəkib.
Adil Kərimli Heydər Əliyev Mərkəzi, Mədəniyyət Mərkəzi, Orxan Əkbərov adına Uşaq İncəsənət Məktəbi, Dövlət Rəsm Qalereyası, Xırmandalı kənd Uşaq İncəsənət Məktəbi, Tarix-Diyarşünaslıq Muzeyi, Dövlət Bayrağı Muzeyinin fəaliyyəti ilə tanış olub. Müəssisələrə baxış zamanı fəaliyyətin günün tələbləri səviyyəsində qurulması ilə bağlı müvafiq tapşırıq və tövsiyələr verilib.
Sonra rayonun Bəydili kəndi ərazisindəki ölkə əhəmiyyətli abidə – Yedditəpə kurqanlarına - qəbir abidələrə də baxış keçirilib.
Bildirilib ki, Prezident İlham Əliyevin sərəncamı ilə təsdiq edilmiş “Daşınmaz tarix və mədəniyyət abidələrinin bərpası, qorunması, tarix və mədəniyyət qoruqlarının fəaliyyətinin təkmilləşdirilməsi və inkişafına dair 2014-2020-ci illər üzrə Dövlət Proqramı”na uyğun olaraq, Biləsuvar rayonu ərazisindəki abidələr, o cümlədən adıçəkilən kurqanlar Mədəni İrsin Qorunması, İnkişafı və Bərpası üzrə Dövlət Xidməti tərəfindən yenidən qeydiyyata alınıb və mühafizəsi təşkil olunub.
Azərbaycan Respublikasının mədəniyyət nazirinin birinci müavini, nazir vəzifəsini icra edən Adil Kərimlinin növbəti səfəri Qobustan rayonuna olacaq.
“Ədəbiyyat və incəsənət”
(04.04.2023)
Azərbaycan UNESCO-nun “İpək Yolları” proqramının ildönümünü qeyd edəcək.
“Ədəbiyyat və incəsənət” “Report”a istinadən xəbər verir ki, bu barədə Azərbaycanın UNESCO yanında daimi Nümayəndəliyi məlumat yayıb.
Qeyd edilir ki, aprelin 6-da UNESCO-nun “İpək Yolları” proqramının 35-ci ildönümü Azərbaycan, Çin, Qazaxıstan, Monqolusan, Oman tərəfindən qeyd olunacaq.
“Proqrama forum, sərgi, film nümayişi, elmi simpozium və konsert daxildir. Hamınızı şənlikdə gözləyirik!”, - nümayəndəlikdən bildirilib.
“Ədəbiyyat və incəsənət”
(03.04.2023)
Əkizlər üç ölkədə səhnəyə çıxacaqlar
Builki Avroviziya təmsilçimiz “TuralTuranX” apreldə üç ölkəyə səfər edəcək.
Olay.az yazır ki, əkizlər 3 apreldə İsrailə gedəcəklər. Bağmanovlar Təl-Əvivdə səhnəyə çıxacaqlar.
Aprelin 15-də Amsterdamda konsert verəcək qardaşlar səhərisi gün “London Eurovision Party”də səhnə alacaqlar.
Qeyd edək ki, “Avroviziya-2023” mahnımız “Tell me more” ötən günlərdə müsabiqənin rəsmi “YouTube” səhifəsində yayımlanıb.
“Ədəbiyyat və incəsənət”
(03.02.2023)
Niyə dünya tərəzisi heç vaxt taraz olmur?
“Ədəbiyyat və incəsənət” portalının Güneydən gələn səslər rubrikasında bu gün portalımızın Güney Azərbaycan təmsilçisi, təbrizli yazar Əli Çağlanın “Dünya tərəzisi” şeirini təqdim edirik. Şeir ictimai motivlidir, insan kədəri ilə cəmiyyət kədərinin bir-birinə qarışmasından bəhs edir.
*
Tərəzisi dünyanın,
Heç vaxt taraz olmadı.
Zülüm qaldı ayaqda
Ölüm qaldı ayaqda,
Şənlik biraz olmadı.
Ucaldıqca bir qolu,
Demək ki, yüngül oldu.
Bir qol tərəqqi tapdı,
Bir qol tənəzzül oldu.
Şahlar qılınc çaldılar,
Qan tökdülər, ay oğlum!
O qanlar toplandılar,
Tərəzinin qolunda,
Yarandı zülüm, zülüm!
Qan tökdülər, ay oğlum!
Bir qolu göydə qaldı,
O qol sevinc qoluydu.
O qol həyat qoluydu,
O qol yaşam qoluydu,
Bu yandan da bir qolu,
Qanlar ilə doluydu.
Ucada qalan qolun,
Başında bayraq oldu.
Azadlıq bayrağıydı,
Vətənin torpağıydı,
Nədənsə tapdaq oldu.
Tərəzisi dünyanın,
Məhkumu hakim etdi.
Heç vaxt taraz olmadı,
Hər nəyin ömrü bitdi.
Sən də gözlə ay oğlum,
Yaydan sonra payız var.
Görərsən, keçdi günlər,
Görərsən soldu güllər,
O güllər kimi ömrün,
Görərsən birdən solar.
Yaşa, yüngül tərəfdə,
Qoy o qol ağırlaşsın.
Qoy o qolun içindən,
Qalxıb azadlıq daşsın.
Zülümün ağlı çaşsın...
“Ədəbiyyat və incəsənət”
(03.04.2023)
O körpüsalandır, o yolçəkəndir…
“Ədəbiyyat və incəsənət” portalı Elçin Mirzəbəylinin Əməkdar jurnalist, şair Əkbər Qoşalının 50 illiyinə həsr etdiyi yazısını təqdim edir
Yaşadığımız zaman kəsiyi, bəzən özümüzdən asılı olmayaraq, bizi ən müxtəlif, bir çox hallarda daxili dünyamızla ziddiyyət təşkil edən prosesləriniçərisindən keçməyə vadar edir. Bəzən isə ayaq basdığın yolun səni hansıistiqamətə aparacağını bilmədən illərlə irəliyə addımlayır, yaxud irəliyədoğru yürüdüyünü zənn edib yerindəcə sayırsan. Yalnız daşıdığı dəyərlərəsonunadək sadiq qalmağı bacaranlar. İçdən, heç bir təmənna güdmədən Vətən sevdalısı olanlar hansı yola ayaq basmalarından asılı olmayaraq, yürüdükləri yolu belə daşıdıqları dəyərlərə tabe etdirməyi bacarır, ayaqizləriylə yol içərisindən Yol başladırlar. Dəyərli ülküdaşım Əkbər Qoşalı da yüyürdüyü yollara ülküsünün işığıyla aydınlıq gətirən, səbriylə, təmkiniylə, təpədən dırnağa Vətən daşlarından hörülmüş xarakteriylə Yolunu naxış-naxış toxuyanlardandır.
Əkbərin poeziyasından söz açmayacağam. Şeirləri dipdiridi, sözlər, sətirlərbaxışlarına toxunduqca nəfəs alır, canlanır, düz gözünün içinə baxaraqbozkırların bağrını yaran Türkün minillik sevdasından söz açır, Altaydan Qafqaza qılıncla çapılan yollarda sevgi toxumları cücərdir...
Əkbər Qoşalı 50 yaşına varır və geridə buraxdığı zaman kəsiyində -təfərrüatına varmayacağam - dünyanın hər üzünü görüb. Hər üzünü... Amma ağ yalanların, boz böhtanların, qara hiylələrin şırnağından millikimliyimizin simgəsi olan üçrəngli bayrağımız kimi dimdik çıxmağı bacarıb, tərkə minməyib, tərk edib... Əkbər körpüsalandır, yolçəkəndir... Tək və Dünya Gənc Türk Yazarlar Birliyi çərçivəsində ülküdaşları ilə birlikdə həyata keçirdiyi layihələr Əkbərin Türk Ədəbiyyatı tarixində öz layiqli yerini alması üçün yetərlidir.
50 yaşın qutlu olsun, Əkbər bəy! Yoluna uğurlar!
“Ədəbiyyat və incəsənət”
(03.04.2023)
Aprel döyüşlərinin növbəti ildönümüdür
Bu münasibətlə Milli Kitabxanada “Aprel döyüşləri” adlı virtual sərgi sərgilənir
Heç kəs unudulmur, heç nə yaddan çıxmır! Aprel döyüşlərinin ildönümü münasibətilə Milli Kitabxananın əməkdaşları tərəfindən “Aprel döyüşləri” adlı virtual sərgi hazırlanıb.
Kitabxananın yaydığl məlumata görə, sərgidə fotolar, mövzu ilə əlaqədar kitab və məqalələr nümayiş olunur. Burda o günlər barədə, verdiyimiz şəhidlər, əldə etdiyimiz ərazilər barədə tam və müfəssəl məlumat vardır.
Virtual sərgi ilə tanış olmaq istəyənlər http://anl.az/el/vsb/Aprel_doyusleri/index.htm linkindən istifadə edə bilərlər.
Xatırladaq ki, 2016-cı il aprelin 2-dən 3-nə keçən gecə Azərbaycanın ön xətt mövqeləri və yaşayış məntəqələri Ermənistan silahlı qüvvələri tərəfindən intensiv artilleriya atəşinə məruz qalırdı və ordumuzun bölmələri əks-həmlə ilə təxribatların qarşısını alırdı. Tarixə aprel döyüşləri kimi düşən dördgünlük müharibədə qəhrəman əsgər, gizir və zabitlərimiz təcavüzkar Ermənistan ordusuna ağır zərbələr endirərək 2 min hektardan artıq ərazini işğaldan azad edib.
Tərtər rayonunun Talış kəndi ətrafındakı yüksəkliklər, Cəbrayıl rayonunun Lələtəpə yüksəkliyi və Cocuq Mərcanlı, Goranboy rayonunun Gülüstan kəndi və Tərtər rayonunun Madagiz kəndi istiqamətində bəzi mövqelər düşməndən azad olundu.
Və bu ilk zəfər müjdəçisi sonrakı 44 günlük Vətən müharibəsində qələbəmizin təməlini qoydu.
Allah bütün şəhidlərimizə rəhmət eləsin!
“Ədəbiyyat və incəsənət”
(03.04.2023)
Günün fotosu: ruslardan növbəti vəhşilik
Günün fotosu: ruslardan növbəti vəhşilik
Baxmut cəbhəsindəki Ukrayna ordusuna silah-sursat və ərzaa daşınması üzrə vacib tranzit məntəqə olan Konstantinovka istirahət günlərində rusların artilleriya hücumuna məruz qalıb. Ruslar mülki obyektləri, yaşayış evlərini bombalayıblar, 6 vətəndaş həlak olub, onlarla vətəndaş yaralanıb.
Bombalanma nəticəsində şəhərin mərkəzində nəhəng bir dəlik yaranıb.
Bu barədə Euronews Ukrayna Prezidenti Administrasiyaaının rəhbəri Andrey Yermakın Teleqram kanalındakı məlumatına istinad edərək xəbər yayıb.
Fotonun müəlliflik hüququ: Fotograma EBU
“Ədəbiyyat və incəsənət”
(03.04.2023)
Teatr rəhbərləri, hara baxırsınız?
“Ədəbiyyat və incəsənət”in daimi müəllifi Elman Eldaroğlu bu dəfə aktyor İlqar Cahangir barədə yazır. Özü də yazmır, sual qoyub cavab gözləyir əslində.
İlqar Cahangiri bu ölkədə tanımayan az adam tapılar. Öz pərəstişkarları olan, sevilən aktyorlardan biridir. İstedadı ilə özünü təsdiq etmiş sənətkarlardandır. Ölkə rəhbəri tərəfindən "Azərbaycan Respublikasının əməkdar artisti" fəxri adına da layiq görülüb. Di gəl ki, uzun müddətdir işsizdir, rəsmi olaraq heç bir yerdə çalışmır. Nə yaxşı ki, seriallara dəvət alıb ara-sıra rollara çəkilir. Yoxsa tamamilə fəaliyyətsiz qalardı, necə deyərlər, dolanışığını da nizamlaya bilməzdi...
Çox maraqlıdır, görəsən ölkəmizdə fəaliyyət göstərən teatrların rəhbərləri haraya baxır. Yəni doğrudanmı İlqar Cahangir bir aktyor kimi onların nəzərlərindən çox uzaqdadır? Onu görmək, iş təklif etmək eləmi çətindir?
Təvazökar olduğundan işsizlik problemini dilə gətirməsə də, sıradan bir pərəstişkarı kimi, inanıram ki, yuxarıda qeyd etdiyim sualların cavabını tapmaqda kimsə bizə yardımçı olacaq...
“Ədəbiyyat və incəsənət”
(03.04.2023)
Akademik Musiqili Teatr 3 gün dalbadal tamaşaçıları sevindirəcək
Azərbaycan Dövlət Akademik Musiqili Teatrı aprel ayının 7-9 tarixlərində 3 gün dalbadal tamaşaçılarını biri-birindən gözəl tamaşalarla sevindirəcək.
7 aprel –“Nəğməmə inan”
8 aprel –“Qırmızı papaq”, “Kimdir müqəssir”
9 aprel –“Dəcəl çəpişlər”, “Utancaq qız”, “Baladadaşın toy hamamı”
Sonrakı aprel günlərində də teatr maraqlı repertuar təqdim edəcək:
14 aprel – “Molla Nəsrəddinin beş arvadı”
15 aprel –“Qırmızı papaq”, “O olmasın, bu olsun”
16 aprel – “Qızıl cücə”, “Amerikalı kürəkən”
21 aprel – “999-cu gecə”
22 aprel – “Sehrli nəğmə”, “Psix”
23 aprel – “Qoğalın macərası”, “Bəxtiyar”
28 aprel – “Paris Notr-Dama ithaf”
29 aprel – “Məchul pilləkən”, “Utancaq qız” , “Anamın kitabı”
30 aprel – “Buratino”, “Lara Martins Jazz club”
Şəkildə: “Nəğməmə inan” səhnədədir
“Ədəbiyyat və incəsənət”
(03.04.2023)
