Bakıda keçiriləcək 12-ci Beynəlxalq Qısa Filmlər Festivalında yerli və əcnəbi rejissorlar üçün film qəbulu elan olunub. Festivala filmlərin qəbulu avqustun 25-nə kimi aparılacaq.
Festivalın Təşkilat Komitəsinə istinadən AzərTAC bildirir ki, festival noyabrın 12-dən 16-dək keçiriləcək. Yaşı 35-ə qədər olan rejissorlar 35 dəqiqədən çox olmayan qısa filmlərini festivalın beynəlxalq, yerli və “Cinemobil” bölmələrinə təqdim edə bilərlər.
Yerli müsabiqədə “Ən yaxşı bədii film”, “Ən yaxşı sənədli film”, “Ən yaxşı animasiya filmi”, “Ən yaxşı sosial çarx” nominasiyaları üzrə qaliblərə festivalın əsas mükafatı “Qızıl Nar” və pul mükafatı təqdim ediləcək.
Festivalın yerli müsabiqəsinin ümumi mükafat fondu 5 min manat təşkil edir.
Festivala göndərilən filmlər Seçim Komissiyası tərəfindən seçilərək müsabiqəyə daxil ediləcək. Kinoforumun rəsmi proqramı 1 noyabrda açıqlanacaq.
Xatırladaq ki, Bakı Beynəlxalq Qısa Filmlər Festivalına hər il dünyanın müxtəlif ölkələrindən 2000-dən çox film göndərilir. Onların arasında Kann, Venesiya, Berlin Film festivallarında, “OSKAR” nominasiyalarında mükafat və uğur qazanmış filmlər də yer alır. Festivalın müsabiqə bölümündə isə fərqli yanaşma tərzi ilə seçilən filmlər yarışır.

Türkiyədə TADEV Yayınları nəşriyyatında yazıçı Varisin “Qızıl cib saatı” romanı nəşr olunmuşdur. Hazırda “Kitabyurdu”, “Kitab365.com” və digər platformar üzərində kitabın satışına başlanılmışdır.
Dünya miqyasında erməni millətçiliyinin riyakar maskasını 1893-cü ildə Osmanlı imperiyasındakı xəyanət fəaliyyətindən tutmuş 1993-cü ildə Qarabağdakı işğalçılıq fəaliyyətinədək yüz illik bir dövr ərzində aça biləcək “Qızıl cib saatı” romanı Britaniya, Türkiyə və Azərbaycan arxivlərinin materialları əsasında yazılmış, sırf dünya oxucusuna ünvanlanmış bir romandır.
Azərbaycan Xalq Yazıçısı Kamal Abdullanın “Roman Azərbaycanın haqq səsinin dünyaya çatdırılması işinə yardımçı olacaq deyə onun müxtəlif dillərə tərcümə edilərək xarici ölkələrdə yayılması çox yaxşı olardı. Bu işdə ədəbiyyatın gücü digər güclərdən daha təsirlidir,” - deyə qiymət verdiyi roman
Azərbaycan Respublikası Diasporla iş üzrə Dövlət Komitəsinin, habelə Türkiyə-Azərbaycan Dostluq, İşbirliyi və Dayanışma Vakfının dəstəyi ilə işıq üzü görmüşdür. Romanı Türkiyə türkcəsinə İmdat Avşar çevirmişdir.
Romanın başqa ölkələrdə nəşri də nəzərdə tutulur. O ki qaldı Azərbaycana, romanın ayrı-ayrı hissələri ilə Azərbaycan oxucuları “Ədəbiyyat qəzeti”ndən və “Azərbaycan” jurnalından tanışdırlar, tam romanla tanışlıq isə payız aylarında mümkün olacaq.

Azərbaycan Dövlət Tərcümə Mərkəzi ədəbiyyatımızın beynəlxalq müstəvidə təbliğini davam etdirir. Bu dəfə Qazaxıstana üz tutulub. Qazaxıstanın populyar “Adebiportal. kz” ədəbiyyat portalı “Azərbaycan ədəbiyyatı beynəlxalq virtual aləmdə” layihəsi çərçivəsində Azərbaycan Xalq şairi Məmməd Arazın rus dilinə tərcümə edilmiş “İlhamım”, “Od kimi, su kimi” şeirlərinə və ədibin yaradıcılığı haqqında məlumata səhifə ayrılıb. Həmin seirlərin rus dilinə tərcümə müəllifi Rusiyanın tanınmış şairi və tərcüməçisi Nikolay Qoroxovdur.

Dünən “YARAT” Müasir İncəsənət Məkanının qarşısında, açıq havada Mədəniyyət Nazirliyi və “YARAT” Müasir İncəsənət Məkanının birgə əməkdaşlığı ilə anonsunu verdiyimiz Azərbaycan Kinosu Gününə həsr olunmuş kinosevərlər gecəsi olduqca maraqlı təqdimatda baş tutdu. Gecədə nüfuzlu film festivallarında uğur qazanan 4 milli filmin premyeraları oldu. Filmlər Azərbaycan dilində (ingilis dilində altyazı ilə) nümayiş olunurdu.
Premyeradan əvvəl Mədəniyyət naziri Anar Kərimov tamaşaçıları Milli Kino Günü münasibətilə təbrik edərək bilfirdi ki, tədbirə bu qədər insanın toplaşması milli kinoya marağın göstəricisidir. Bu il Azərbaycan kinosunun 123-cü ilinin tamam olduğunu deyən nazir qeyd etdi ki, kino ilk dəfə Fransada yarandıqdan cəmi 2 il sonra Azərbaycana gəlib. “Bu, böyük bir nailiyyətdir. Buna görə Azərbaycan kinosu ilə fəxr etməliyik”, - deyə nazir bildirdi. Və söylədi:
“Mədəniyyət Nazirliyi olaraq məqsədimiz kino sənətini irəli aparmaq, inkişaf etdirmək və bu ənənəni yaşatmaqdır”.
Nümayiş olunacaq 4 filmdən birincisinin - “Olimpiya” filminin rejissoru  Əlisəttar Quliyev çəkdiyi “Olimpiya” filmi barədə məlumat verdi. Qeyd etdi ki, filmin çəkilişlərinə ötən il başlanılıb. İlk olaraq filmin qısametrajlı bir formatda çəkilməsi nəzərdə tutulsa da, sonradan xronometrajı artırmaq qərara alınıb. Filmin “sountrack”ı isə tam olaraq müəllif musiqisidir.
Sonra filmlərin nümayişinə başlanıldı.
Filmlər barədə portalımız ətraflı məlumat versə də bir daha bu uğurlu filmlər barədə danışacağıq.
İlk nümayiş olunan film Əlisəttar Quliyevin rejissorluğu ilə çəkilən “Olimpiya” melodraması oldu. 2021-ci ildə Azərbaycan tərəfindən istehsal olunan “Olimpiya” ekran əsəri bir idmançının həyatından bəhs edir. Bu fərqli həyat hekayəsi 1980-ci ildə SSRİ-nin paytaxtı Moskva şəhərində başlayıb, 2015-ci ildə Azərbaycanın mənzərəli şimal-qərb bölgələrindən birində davam edib və uzaq Kubada sona çatıb. Moskva Olimpiadasının bürünc mükafatçısı İlqar Süleymanov uzun müddətdir, peşəkar idmandan uzaqlaşıb, doğma qəsəbəsində sakit həyat sürür. İlqar yerli orta məktəbdə bədən tərbiyəsi müəllimidir. Günlərin bir günü İlqarın evinin qapısı döyülür və həyatı tamamilə dəyişir...
Qısa fasilədən sonra “Daxildəki ada” dramının nümayişinə başlanıldı. Azərbaycan-Fransa istehsalı olan və 100 dəqiqə davam edən filmin rejissoru Rüfət Həsənovdur. Filmin süjeti Seymur Tahirbəyov adlı qrossmeyster üzərində qurulub. O, karyerasının ən önəmli oyunundan bir neçə həftə öncə özünü kəşf etmək məqsədilə yalnız bir nəfər sakini olan adaya xəlvətcə yola düşür.
Sonra Teymur Hacıyevin “Axşama doğru” qısa dramı göstərildi. Xronometrajı 12 dəqiqə olan film Azərbaycan istehsalıdır. Film ailə məclisində iştirak etmək üçün şəhər kənarına çıxan cütlükdən bəhs edir. Məişət məsələləri onları dayanmağa və hiss edilən, lakin gözlənilməyən reallığı kəşf etməyə sövq edir.
Gecənin son 21 dəqiqəsi “Quxuroba” filminə ayrıldı. Dram janrında çəkilən “Quxuroba” 2020-ci ildə Azərbaycanda istehsal olunub. Filmin süjet xəttinə görə taksi sürücüsü Rasim müdirindən çox vacib bir tapşırıq alır - o, şəhər kənarındakı ucqar bir kəndə gəlinlik paltarı çatdırmalıdır.
4 saat davam edən kinoseans zamanı tamaşaçılar filmləri maraqla izlədilər.
Bir sözlə, kino bayramı baş tutdu.

Kanadalı rejissor Leah Kemeronun "Kommunistin qızı" (The communist's Daughter) komediyası  Rusiyanın Nijniy Novqorod şəhərində keçirilən Realist web Fest- serialların Beynəlxalq festivalında əsas mükafata layiq görülüb.
Finalçıların təntənəli mükafatlandırma mərasimi bazar günü keçirilib. "Mən hamımızın festivalına təşəkkür edirəm. Gözəl proqram üçün təşəkkür edirik. Demək olar ki, yekdilliklə "Kommunist qızı" serialına əsas mükafatı vermək qərarına gəldik, - münsiflər heyətinin üzvü, aktrisa Olqa Sutulova bildirib.
“Ədəbiyyat və incəsənət” portalı TASS agentliyinə istinadən bildirir ki,
"Kommunist qızı" komediyası 1989-cu ildə Torontoda lentə alınıb. Süjetin mərkəzində əqidəli kommunistlərin ailəsində böyüyən 15 yaşlı qız dayanır. "Bu böyük şərəfdir. Biz bu layihənin yaradılmasına çox böyük qüvvə sərf etmişik. Serial üçün ilham mənbəyi mənim ekssentrik atam idi. O, altı il əvvəl vəfat edib, amma biz qərara gəldik ki, bu  komediyanı etməliyik", - deyə video vasitəsilə müsabiqəylə əlaqə saxlayan qalib Leah Kemeron bildirib.
"Biz bu il müsabiqədə çoxlu sayda Rusiya layihəsinin iştirakından çox məmnunuq. Mən narahat olmayacağam, Rusiyanın ən yaxşı web seriyası olan “P. S." layihəsidir, o, insan irqinin dərin sirlərini inanılmaz şəkildə kəşf edir", - deyə festivalın yaradıcısı Anton Kalinkin bildirib. Aleksey Furmanovun filminə deyil, kanadalı rejissora qalib adını vermək isə olsun ki, bir qonaqpərvərlik jestidir.
Müsabiqə proqramını ssenari  müəllifləri Vladimir və Oleq Presnyakov, rejissor Maksim Pejemski, həmçinin web-serial sənayesinin beynəlxalq nümayəndələri Leandro Silva, Rouz of D və Joel Bassage qiymətləndiriblər.
Ekspertlər Avstraliyanın "Sevgi, silah və yeni səviyyələr" (Love, Guns & Level Ups) layihəsinin yaradıcılarını - Endryu Şenkis və Nikolas Kliri ən yaxşı rejissor nominasiyasında fəqrləndiriblər. Ən yaxşı ssenariyə görə mükafatı "Xalq Yazıçısı - 3" dramına görə Mişel Düşənə və Erik Pikkoliyə təqdim ediblər.
Ən yaxşı ideya üçün mükafat İsveçrədən Malu Briand və Rafael Meyerə Səfillər (Bastards) dramına görə qismət olub. Münsiflər heyətinin xüsusi diplomuna qazaxıstanlı rejissor Urnar Nurqaliyevin "Gecə ifritələri" filmi layiq görülüb.
2018-ci ildən bəri Rusiyada keçirilən yeganə realist web-serial festivalı dünyanın hər yerindən bu formatın ən yaxşı layihələrini birləşdirir. O, web-serialların (Dünya Kuboku web seriyası) Beynəlxalq çempionatının bir hissəsidir.

 Şəkildə: Qalib filmdən bir görüntü

“ASAN Könüllüləri” Təşkilatının “Mədəniyyət Carçısı” proqramının təşkilatçılığı, Bakı Dövlət Universitetinin tərəfdaşlığı ilə “Nizami dünyası” kompozisiyası təqdim olunub.
Tədbir Prezident İlham Əliyevin müvafiq Sərəncamına əsasən elan edilmiş “Nizami Gəncəvi İli” çərçivəsində və Nizami irsinin təbliği məqsədilə baş tutub.
AzərTAC xəbər verir ki, tədbirdə  Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin sədr müavini Ceyhun Salmanov, Bakı Dövlət Universitetinin sosial məsələlər, tələbələrlə iş və ictimaiyyətlə əlaqələr üzrə prorektoru Əliş Ağamirzəyev, “ASAN Könüllüləri” Təşkilatının sədri Emiliya Bayramova və digər qonaqlar iştirak ediblər.
Əvvəlcə Azərbaycan Respublikasının Dövlət Himni səsləndirilib.
Dövlət Agentliyinin İctimaiyyətlə əlaqələr şöbəsindən
bildiriblər ki, kompozisiyada Nizami Gəncəvinin həyatı ilə yanaşı, onun “Xəmsə” poemasına daxil olan “Sirlər Xəzinəsi”, “Leyli və Məcnun”, “Xosrov və Şirin”, “Yeddi Gözəl”, “İsgəndərnamə” əsərləri də səhnələşdirilib.
Tədbirin əsas məqsədi gənclər arasında dahi şairin yaradıcılığına xüsusi diqqət ayırmaqla təbliğatın aparılması və bu prosesdə onların birbaşa iştirakçılığını təşkil etməkdir.
Sonda iştirakçılara sertifikatlar təqdim olunub.

Bu gün - milli kino günündə
Xalq artisti, unudulmaz aktrisa Amaliya Pənahovanın yaşadığı binanın qarşısında - Fikrət Əmirov 1 ünvanında barelyefinin açılış mərasimi oldu. Açılış mərasimində
mədəniyyət naziri Anar Kərimov çıxış etdi. O söylədi:
“O, Azərbaycanın ən sevimli teatr və kino xadimi idi. Azərbaycan xalqı onu çox sevirdi. Amaliya xanım 40 il teatr sahəsində çalışdığı dövrdə bir-birindən maraqlı və yaddaqalan obrazlar yaratmışdı. Müstəqillik dövründə dövlətimiz tərifindən ən ali mükafatlara layiq görülüb. Onun yaşadığı binada barelyefinin qurulması dövlət tərifindən unudulmaz sənətkarımızın fəaliyyətinə göstərilən diqqətin göstəricisidir.
Azərbaycan dövləti və xalqı Amaliya Pənahovanın xatirəsini daim əziz tutur, mədəniyyətimizin inkişafındakı xidmətlərini təqdir edir.”
Görkəmli sənətkarın teatr sahəsindəki əzmkar fəaliyyətinə diqqət çəkən nazir daha sonra söylədi ki, Amaliya xanım 1964-cü ildən bu günədək teatr və kino sahəsində beş yüzdən artıq obraz yaradıb: “Teatr və kino sənətinin inkişafındakı böyük xidmətlərinə görə ona 1974-cü ildə Əməkdar artist, 1985-ci ildə isə Azərbaycan SSR-in Xalq artisti fəxri adı verilib. 1982-ci ildə “İlin aktrisası” elan edilib, 1998-ci ildə isə türk dünyasının birinci kino festivalında türk dünyasının altı populyar aktyoru sırasında adı qeyd olunub”.
Azərbaycan Yazıçılar Birliyinin sədri, Xalq yazıçısı Anar Amaliya Pənahovanın həyat və fəaliyyətindən söz açdı: “Amaliya xanımın bir neçə mənzili var idi. Çalışdığı teatr, kinostudiya və Milli Məclis onun evi idi. Onun ifa etdiyi rollar yaşayır və bundan sonra da yaşayacaq. Bir arzusu var idi ki, Təhminə roluna yenidən çəkilsin. Ancaq amansız həyat buna imkan vermədi. Nə yaxşı ki, bizim həyatımızda, ömrümüzdə Amaliya Pənahova kimi insan var idi”.
Milli Məclisin deputatı, YAP Səbail rayon təşkilatının sədri professor Şəmsəddin Hacıyev aktrisanın siyasi fəaliyyətindən də diqqət ayırdı. O bildirdi ki, Amaliya xanımın sənət fəaliyyəti teatr ilə məhdudlaşmırdı. Onun fəaliyyəti çoxşaxəli idi: “Amaliya xanım Yeni Azərbaycan Partiyasının fəaliyyətində də yaxından iştirak edirdi. Özünəməxsus bir məktəb formalaşdırmışdı. O, xalqına sənəti kimi bağlı insan idi. Onun həyat və fəaliyyəti həm də çoxmənalı idi. Dövlətimiz də daim Amaliya xanımın fəaliyyətini yüksək qiymətləndirib”.
Xalq artistləri Azər Paşa Nemətov, Rasim Balayev, Əməkdar incəsənət xadimi, polkovnik Abdulla Qurbani və digərləri çıxış edərək unudulmaz sənətkarla bağlı xatirələrini bölüşdülər, onun sənət dünyasından bəhs etdilər. Çıxışlarda qeyd edilib ki, Amaliya xanım, həmçinin bacarıqlı rejissor kimi də özünü sınayıb. Sənət fəaliyyəti dövründə 12 televiziya və teatr tamaşasına quruluş verib ki, bunların çoxu lentə alınıb, hazırda televiziyanın Qızıl fondunda saxlanılır. O, 1992-ci ildə Bakı Bələdiyyə Teatrını yaradıb və bu teatra orta və yaşlı nəsillə yanaşı, gənc istedadlı aktyorları da cəlb edib və onların yaradıcılıq qabiliyyətinin inkişafı üçün hər cür lazımi şərait yaradıb. Amaliya Pənahova Azərbaycan Dövlət Mədəniyyət və İncəsənət Universitetinə gənc aktyorlar nəslinin yetişməsi üçün bir alim olaraq böyük əmək sərf edib. O, 2000-2005-ci illərdə Azərbaycan Respublikası Milli Məclisinin deputatı olub.
Sonra müəllifi heykəltəraş, Xalq rəssamı Natiq Əliyev olan barelyefin açılışını bildirən qırmızı lent kəsildi.
Bundan sonra Fikrət Əmirov küçəsi ilə keçənlər unudulmaz aktrisamızın gülümsər çöhrəsi ilə qarşılaşacaqlar.
Ruhu şad olsun!

Bu gün - milli kino günündə
Xalq artisti, unudulmaz aktrisa Amaliya Pənahovanın yaşadığı binanın qarşısında - Fikrət Əmirov 1 ünvanında barelyefinin açılış mərasimi oldu. Açılış mərasimində
mədəniyyət naziri Anar Kərimov çıxış etdi. O söylədi:
“O, Azərbaycanın ən sevimli teatr və kino xadimi idi. Azərbaycan xalqı onu çox sevirdi. Amaliya xanım 40 il teatr sahəsində çalışdığı dövrdə bir-birindən maraqlı və yaddaqalan obrazlar yaratmışdı. Müstəqillik dövründə dövlətimiz tərifindən ən ali mükafatlara layiq görülüb. Onun yaşadığı binada barelyefinin qurulması dövlət tərifindən unudulmaz sənətkarımızın fəaliyyətinə göstərilən diqqətin göstəricisidir.
Azərbaycan dövləti və xalqı Amaliya Pənahovanın xatirəsini daim əziz tutur, mədəniyyətimizin inkişafındakı xidmətlərini təqdir edir.”
Görkəmli sənətkarın teatr sahəsindəki əzmkar fəaliyyətinə diqqət çəkən nazir daha sonra söylədi ki, Amaliya xanım 1964-cü ildən bu günədək teatr və kino sahəsində beş yüzdən artıq obraz yaradıb: “Teatr və kino sənətinin inkişafındakı böyük xidmətlərinə görə ona 1974-cü ildə Əməkdar artist, 1985-ci ildə isə Azərbaycan SSR-in Xalq artisti fəxri adı verilib. 1982-ci ildə “İlin aktrisası” elan edilib, 1998-ci ildə isə türk dünyasının birinci kino festivalında türk dünyasının altı populyar aktyoru sırasında adı qeyd olunub”.
Azərbaycan Yazıçılar Birliyinin sədri, Xalq yazıçısı Anar Amaliya Pənahovanın həyat və fəaliyyətindən söz açdı: “Amaliya xanımın bir neçə mənzili var idi. Çalışdığı teatr, kinostudiya və Milli Məclis onun evi idi. Onun ifa etdiyi rollar yaşayır və bundan sonra da yaşayacaq. Bir arzusu var idi ki, Təhminə roluna yenidən çəkilsin. Ancaq amansız həyat buna imkan vermədi. Nə yaxşı ki, bizim həyatımızda, ömrümüzdə Amaliya Pənahova kimi insan var idi”.
Milli Məclisin deputatı, YAP Səbail rayon təşkilatının sədri professor Şəmsəddin Hacıyev aktrisanın siyasi fəaliyyətindən də diqqət ayırdı. O bildirdi ki, Amaliya xanımın sənət fəaliyyəti teatr ilə məhdudlaşmırdı. Onun fəaliyyəti çoxşaxəli idi: “Amaliya xanım Yeni Azərbaycan Partiyasının fəaliyyətində də yaxından iştirak edirdi. Özünəməxsus bir məktəb formalaşdırmışdı. O, xalqına sənəti kimi bağlı insan idi. Onun həyat və fəaliyyəti həm də çoxmənalı idi. Dövlətimiz də daim Amaliya xanımın fəaliyyətini yüksək qiymətləndirib”.
Xalq artistləri Azər Paşa Nemətov, Rasim Balayev, Əməkdar incəsənət xadimi, polkovnik Abdulla Qurbani və digərləri çıxış edərək unudulmaz sənətkarla bağlı xatirələrini bölüşdülər, onun sənət dünyasından bəhs etdilər. Çıxışlarda qeyd edilib ki, Amaliya xanım, həmçinin bacarıqlı rejissor kimi də özünü sınayıb. Sənət fəaliyyəti dövründə 12 televiziya və teatr tamaşasına quruluş verib ki, bunların çoxu lentə alınıb, hazırda televiziyanın Qızıl fondunda saxlanılır. O, 1992-ci ildə Bakı Bələdiyyə Teatrını yaradıb və bu teatra orta və yaşlı nəsillə yanaşı, gənc istedadlı aktyorları da cəlb edib və onların yaradıcılıq qabiliyyətinin inkişafı üçün hər cür lazımi şərait yaradıb. Amaliya Pənahova Azərbaycan Dövlət Mədəniyyət və İncəsənət Universitetinə gənc aktyorlar nəslinin yetişməsi üçün bir alim olaraq böyük əmək sərf edib. O, 2000-2005-ci illərdə Azərbaycan Respublikası Milli Məclisinin deputatı olub.
Sonra müəllifi heykəltəraş, Xalq rəssamı Natiq Əliyev olan barelyefin açılışını bildirən qırmızı lent kəsildi.
Bundan sonra Fikrət Əmirov küçəsi ilə keçənlər unudulmaz aktrisamızın gülümsər çöhrəsi ilə qarşılaşacaqlar.
Ruhu şad olsun!