Super User
Humanitar elmlər üzrə 240 elmi iş tamamlanıb
Elmimiz öz yolu ilə gedir, sadəcə, bu barədə insanları məlumatlandırmaq lazımdır.
“2022-ci ildə AMEA-nın Humanitar Elmlər Bölməsinin elmi müəssisələri tərəfindən 8 istiqamətin 39 problemi üzrə 98 mövzu, 504 iş üzərində tədqiqat aparılıb. 98 mövzudan 27-si, 504 işdən 240-ı tamamlanıb.”
Bu sitatı yanvarın 16-da AMEA Rəyasət Heyətinin iclasında akademik Arif Həşimov çıxışı zamanı bildirib.
“Ədəbiyyat və incəsənət”
(17.01.2023)
Günün fotosu: Almaniyada leysan yağışlarının fəsadları
Günün fotosu: Almaniyada leysan
yağışlarının
Leysan yağışları Almaniyanın Nidderau-Ayhen əyalətini bu hala salıblar.
© AP Photo/Michael Probst
“Ədəbiyyat və incəsənət”
(17.01.2023)
Robin Şarma, «Titulsuz lider» - Adi insanı uğurlu insana çevirən kitablar
Professor Əlibala Məhərrəmzadə “Ev tapşırığı: Uğur düsturunu tapacağıq” layihəsini sizlərə təqdim edir
Biz biznesdə, peşə fəaliyyətində uğur qazanmağın yolunu göstərən ən çox tələb olunan kitablardan 10-na nəzər yetirdik. İndi də gəlin, ümumiyyətlə adi insanı uğurlu insana çevirən, insanın düşüncə tərzini, adət və xasiyyətini, xarakterik cəhətlərini dəyişən ən populyar kitablardan 10-na nəzər yetirək.
Bu kitablar, əziz oxucularım, insanlara düzgün istiqamət verir, sürətli və keyfiyyətli dəyişikliklərə bir təkan olur.
Beləliklə, seçdiyim növbəti 10-luğu sizlərə təqdim edirəm.
Robin Şarma «Titulsuz lider»
Uğur qazanmağın, lider olmağın sirlərini motivasiya, liderlik və şəxsiyyətin inkişafı üzrə ən məşhür Amerika mütəxəssisi, əslən Kanadadan olan Robin Şarmadan, onun bu kitabından öyrənmək çox effektiv hesab olunur. Təsəvvür edin ki, bu şəxs Microsoft, IBM kimi dünyanın ən nüfuzlu və gəlirli şirkətlərinin, Yel Universitetinin, ABŞ-ın Qırmızı Xaç Cəmiyyətinin məsləhətçisidir.
Hazırda, xüsusən, gənclik Robin Şarmanı sevə-sevə oxuyur. Mən şəxsən Bakı şəhərində ən müxtəlif auditoriyalarda, ictimai nəqliyyatda əlində bu müasirimiz olan motivasiya spikerinin kitablarını tutmuş gənclərlə mütəmadi rastlaşıram.
Növbəti hissələrdən birinə mütləq Robin Şarmanın insanlığa xitabən yönələn qiymətli kəlamlarından seçdiyim 30-luğu təqdim edəcəyəm.
“Ədəbiyyat və incəsənət”
(17.01.2023)
Ötən il muzeylər nə qədər ziyarətçi qəbul edib? - Xalça muzeyi birincidir
Yola saldığımız 2022-ci ildə digər mədəniyyət ocaqları kimi, muzeylər, qalereyalar da pandemiya məhdudiyyətlərinin aradan qalxması ilə normal fəaliyyətlərini bərpa edə biliblər. Lakin quru sərhədlər hələ də bağlı olduğundan bu müəssisələri ziyarət edənlərin arasında xarici qonaqların sayı bir qədər azlıq təşkil edir. Ümumiyyətlə, 2021-ci illə müqayisədə 2022-ci ildə muzeyləri ziyarət edənlərin sayında artım müşahidə edilir. Bunu Mədəniyyət Nazirliyinin tabeliyində fəaliyyət göstərən bir neçə muzeydən alınan statistik məlumat da təsdiqləyir.
Ötən il Azərbaycan Milli Xalça Muzeyinin 70 min 608 ziyarətçisi olub. Bunlardan 38 min 313-ü yerli, 32 min 295-i isə xarici qonaqlardır. Qeyd edək ki, 2021-ci ildə bu göstərici ümumilikdə 14 min 398 nəfər olub.
Azərbaycan Milli İncəsənət Muzeyində də ziyarətçi sayı artıb. Keçən il kompleksi ümumilikdə 25min 109 nəfər (2021-ci ildə 13 min 938 nəfər) ziyarət edib. Onlardan 1322-si xarici, qalanı isə yerli vətəndaşlardır.
İl ərzində Azərbaycan Musiqi Mədəniyyəti Dövlət Muzeyinə və filiallarına 8731 ziyarətçi gəlib. Muzeyin əsas binasını ziyarət edən 5528 nəfərdən 428-i xarici, qalanı isə yerli vətəndaşlar olub. Muzeyin filialları – Niyazinin Mənzil-Muzeyi, Qara Qarayevin ev-muzeyi, Vaqif Mustafazadənin ev-muzeyi və Xalq çalğı alətləri daimi sərgisinə 3203 ziyarətçi baş çəkib. Onlardan 95-i xarici qonaq olub.
Azərbaycan İstiqlal Muzeyinə ötən il ümumilikdə 6590 ziyarətçi gəlib. Bunlardan 6095-i yerli vətəndaş, 495-i isə xarici qonaqdır.
Milli Azərbaycan Tarixi Muzeyindən verilən məlumata görə, 2022-ci ildə muzeyi 12 min 800 nəfər ziyarət edib. Bunlardan 8275-i yerli vətəndaş, 4525-i əcnəbidir.
Nizami Gəncəvi adına Milli Azərbaycan Ədəbiyyatı Muzeyini ziyarət edənlərin ümumi sayı 6933 nəfər olub. Bunlardan 4777-si yerli, 2156-sı isə əcnəbi qonaqdır.
Cəfər Cabbarlı adına Azərbaycan Dövlət Teatr Muzeyinə gələn ziyarətçilərin ümumi sayı ötən il 1683 nəfər olub. Onlardan cəmi 23 nəfər əcnəbi ziyarətçidir.
Üzeyir Hacıbəylinin ev-muzeyindən verilən məlumata görə, ötən il dahi bəstəkarın ocağını ümumilikdə 716 nəfər ziyarət edib və onlardan da 17-si xarici qonaq olub.
Hüseyn Cavidin ev-muzeyindən bildirdilər ki, yola saldığımız ildə muzeyin ümumilikdə 1326 nəfər ziyarətçisi olub.
“Ədəbiyyat və incəsənət”
(17.01.2023)
Akademik Musiqili Teatr yeni premyeraya hazırlaşır
Fevralın 4-ü Xalq artisti, görkəmli bəstəkar Polad Bülbüloğlunun ad günüdür. Bu münasibətlə də Akademik Musiqili Teatrda bəstəkarın “Nəğməmə inan” musiqili komediyası (libretto və mahnıların mətini Mixail Şerbaçenko, redaktəsi Cavid İmamverdiyevə məxsusdur) səhnələşdirilir.
Səhnə işinin quruluşçu rejissoru Cavid İmamverdiyev, quruluşçu dirijoru Fəxrəddin Atayev, quruluşçu rəssamı Vüsal Rəhimov, quruluşçu baletmeysteri Nigar Şahmuradova, xormeysteri Vaqif Məstanov, dirijoru Səməd Süleymanlıdır.
Səhnə əsərində rolları Fərid Əliyev (Sərvər Səttarov), Nərgiz Kərimova (Tatyana Voloşina), Emil Heydərov (Şahmar Kərimov), Mehriban Zalıyeva (Vika Petroviç), Rauf Babayev (İqor Qudimov), Boris Qrafkin (Boris Qrafkin) oynayırlar. Tamaşada xor və balet artistləri də iştirak edirlər.
Fevralın 4-5-də premyerası nəzərdə tutulmuş tamaşada hadisələr iki yaradıcı insan arasında münasibətlərdən bəhs edir. Rejissor tamaşaçılar üçün maraqlı qalsın deyə hadisələri açmasa da, əsas ideya məhəbbət və fədakarlıqdır.
Qeyd edək ki, bu tamaşadakı mahnıların bir qismi indi də Polad Bülbüloğlunun repertuarındadır.
“Ədəbiyyat və incəsənət”
(17.01.2023)
İlin ən yaxşı televiziya filmləri elan edildi
Ötən gün gecə saatlarında Hollivudda “Kino Tənqidçilərin Seçimi” Mükafatlarının təqdimetmə mərasimi keçirildi. Bu, 28-ci mərasim idi.
“Ədəbiyyat və incəsənət” portalı TASS agentliyinə istinadən televiziya kinosunun ən yaxşılarını elan edir.
Ən yaxşı dram - “Better Call Saul”
Dramda ən yaxşı aktyor - Bob Odenkirk (“Better Call Saul”)
Dramda ən yaxşı aktrisa - Zendaya (“Euphoria”)
Dramda ən yaxşı ikinci plan aktyoru - Cankarlo Espozito (“Better Call Saul”)
Dramda ən yaxşı ikinci plan qadın rolu - Cennifer Kulidc (“The White Lotus”
Ən yaxşı komediya - “Abbott Elementary”
Komediyada ən yaxşı aktyor - Ceremi Allen Uayt (“The Bear”)
Komediyada ən yaxşı aktrisa - Cin Smart (“Hacks”)
Komediyada ən yaxşı ikinci plan aktyoru - Henri Vinkler (“Barry”)
Komediyada ən yaxşı köməkçi aktrisa - Şerl Li Ralf (“Abbott Elementary”)
Ən yaxşı mini serial - “The Dropout”
Miniserial və ya telefilmdə ən yaxşı aktyor - Deniel Redkliff (“Weird: The Al Yankovic Story”)
Miniserial və ya telefilmdə ən yaxşı aktrisa - Amanda Seyfrid (“The Dropout”)
Miniserial və ya telefilmdə ən yaxşı ikinci plan aktyoru - Pol Uolter Houzer (“The Black Bird”)
Miniserial və ya telefilmdə ən yaxşı ikinci plan qadın rolu - Nisi Neş (“Monster: The Jeffrey Dahmer Story”)
Ən yaxşı cizgi serialı – “Harley Quinn”
Ən yaxşı televiziya filmi - “Weird: The Al Yankovic Story”
Ən yaxşı xarici dildə serial - “Pachinko”
Şəkillərdə: Ən yaxşı dram - “Better Call Saul” (qapaq fotosu), Ən yaxşı komediya - “Abbott Elementary” və Ən yaxşı cizgi serialı – “Harley Quinn”.
“Ədəbiyyat və incəsənət”
(17.01.2023)
Dövlət Turizm Agentliyi: Azərbaycanda 100-dən çox hotel hələ də ulduz dərəcəsi ala bilməyib
Azərbaycanda hotellərin ulduzlaşması prosesinə başlanıldığı gündən 150 hotel tərəfindən müraciət daxil olub ki, onlardan 44 hotel 5, 4 və 3 ulduz dərəcələrinə layiq görülərək müvafiq sertifikatlarla təltif edilib. 100-dən çox hotel isə hələ də ulduz dərəcəsi ala bilməyib.
“Ədəbiyyat və incəsənət” portalı xəbər verir ki, bu barədə AzərTAC-ın sorğusuna cavab olaraq Dövlət Turizm Agentliyindən məlumat verilib.
“Ulduz dərəcəsinin verilməsindən sonra 3 il ərzində hotellər mütəmadi olaraq monitorinq olunur və həftəlik olaraq hotelin vəziyyəti ilə bağlı hesabat təqdim edilir. Milli Ulduz Təsnifatı zamanı, həmçinin hotelin xidmət səviyyəsi “TrustYou” beynəlxalq qonaq rəy platforması vasitəsilə dəyərləndirilir. Bu da daimi olaraq xidmət səviyyəsinin təkmilləşdirilməsini tələb edir. Hotel bu tələblərə cavab vermədikdə isə ona verilən ulduz dərəcəsi ləğv olunur. Bundan əlavə, respublika ərazisində sertifikatsız fəaliyyət göstərən hotellərlə maarifləndirici görüşlər keçirilir və onlara Milli Ulduz Təsnifatı, ulduz təsnifatının hotellər üçün yaratdığı üstünlüklər barədə informasiya təqdim olunur”, -deyə məlumatda bildirilir.
Qeyd edək ki, “Turizm haqqında” Qanuna əsasən, hər bir mehmanxana fəaliyyətə başladığı vaxtdan 6 ay ərzində ulduz kateqoriyası üçün müraciət etməlidir.
“Ədəbiyyat və incəsənət”
(17.01.2023)
Kino Tənqidçilərinin versiyasında 2022-ci ilin ən yaxşı filmləri elan edildi
Bildiyiniz kimi, hər ilin başlanğıcı Hollivudda üç hadisə ilə əlamətdar olur. Öncə “Qızıl Qlobus” mükafatları təqdim edilir, ardınca Şimali Amerikanın ən böyük kinotənqid təşkilatı sayılan “Critics Choice” Assosiasiyası (CCA) öz mükafatlarını təqdim edir, yekunda da “Oskar”lar öz sahiblərini tapırlar. Ötən həftə sizlərə “Qızıl qlobus” qaliblərini təqdim etmişdik. Ötən gün gecə saatlarında isə “Kino Tənqidçilərin Seçimi” Mükafatlarının təqdimetmə mərasimi keçirildi. Bu, 28-ci mərasim idi.
“Ədəbiyyat və incəsənət” portalı TASS agentliyinə istinadən kinonun ən yaxşılarını elan edir.
Ən yaxşı film - “Everything Everywhere All at Once”
Ən yaxşı rejissor - Den Kvan və Deniel Şaynert (“Everything Everywhere All at Once”)
Ən yaxşı orijinal ssenari - Den Kvan və Daniel Şaynert (“Everything Everywhere All at Once”)
Ən yaxşı uyğunlaşdırılmış ssenari - Sarah Polley (“Women Talking”)
Ən yaxşı aktyor - Brendan Freyzer (“The Whale”)
Ən yaxşı aktrisa - Keyt Blanşett (“Tar”)
Ən yaxşı ikinci plan aktyoru - Ke Huy Kuan (“Everything Everywhere All at Once”)
Ən yaxşı ikinci plan qadın rolu - Ancela Bassett (“Black Panther: Wakanda Forever”)
Ən yaxşı gənc aktyor və ya aktrisa - Qabriell la Bell (“The Fabelmans”)
Ən yaxşı aktyor heyəti - “Glass Onion: A Knives Out Mystery”
Ən yaxşı operator işi - “Top Gun: Maverick”
Ən yaxşı montaj - “Everything Everywhere All at Once”
Ən yaxşı vizual effektlər - “Avatar: The way of water”
Ən yaxşı makiyaj və saç düzümü - “Elvis”
Ən yaxşı quruluşçu rəssam işi - “Babylon”
Ən yaxşı kostyum dizaynı - “Black Panther: Wakanda Forever”
Xarici dildə ən yaxşı film - “RRR”
Ən yaxşı komediya - “Glass Onion: A Knives Out Mystery”
Ən yaxşı cizgi filmi - “Guillermo del Toro's Pinocchio”
Ən yaxşı mahnı - “RRR” (“Naatu Naatu”)
Ən yaxşı musiqi - “Tar” (Hildur Gudnadouttir)
Ən yaxşı televiziya filmləri barədə isə növbəti xəbərimizdən oxuya biləcəksiniz.
Şəkildə: Ən yaxşı film - “Everything Everywhere All at Once” və Ən yaxşı komediya - “Glass Onion: A Knives Out Mystery”
“Ədəbiyyat və incəsənət”
(17.01.2023)
20 Yanvar şəhidlərinin xatirəsi Gənc Tamaşaçılar Teatrında anılacaq
Azərbaycanın müasir tarixinə faciəli günlərdən biri kimi daxil olan xalqımızın qəhrəmanlıq salnaməsi, eləcə də milli müstəqillik və azadlıq uğrunda mübarizəmizin rəmzinə çevrilən 20 Yanvar faciəsindən 33 il ötür. Bu münasibətlə yanvarın 20-də Azərbaycan Dövlət Gənc Tamaşaçılar Teatrında yazıçı-dramaturq Tamara Vəliyevanın eyniadlı əsəri əsasında hazırlanmış “Mənim ağ göyərçinim” tamaşası nümayiş olunacaq.
Teatrın mətbuat xidmətinin yaydığı məlumata görə, nakam məhəbbət haqqında olan ikihissəli səhnə əsərinin quruluşçu rejissoru Xalq artisti Cənnət Səlimova, tərtibatçı rəssamı Gürcüstan Respublikasının tanınmış rəssamı, Tumanaşvili adına Teatrın baş rəssamı Şota Qlurjidze, musiqi tərtibatçısı Vladimir Neverov, rəqslərin quruluşçusu Vüsal Mehrəliyevdir.
Qeyd edək ki, səhnə əsərində əsas obrazları Əməkdar artistlər Nəsibə Eldarova, İlham Əsədov, aktyorlar İlqarə Tosova, Günel Məmmədova, Mirzəağa Mirzəyev, Ramiq Nəsirov, Kərəm Hadızadə, Anar Səfiyev, Zülfiyyə Alhüseynova, Xalidə Şərifova, Rəşad Səfərov, Ədalət Əbdülsəməd, Hüsniyyə Əhmədova, Yasəmən Malik, Rövşən Abbasov və başqaları canlandıracaqlar.
“Ədəbiyyat və incəsənət”
(17.01.2023)
Euronews-un versiyasında 2022-ci Ilin 20 ən yaxşı fotosu - Kaliforniyada yanğın
Nüfuzlu Euronews ötən 2022-ci ilin ən yaxşı fotolarını müəyyənləşdirib. Burada Rusiyanın Ukraynaya təcavüzündən tutmuş İrandakı antihökümət yürüşlərinə, Tur de Frans yarışmalarınadək hər şey var. Yola saldığımız il hadisələr baxımından o qədər zəngin olub ki, fotoqraflar fotokameralarını futlyara salmağa macal tapmayıblar.
Həmin fotoları ardıcıllıqla “Ədəbiyyat və incəsənət” portalı oxucularına təqdim edir.
Kaliforniyada bir mənzildə yanğın, 23 iyul, 2022-ci il. Həmin yay bu Amerika ştatını dəhşətli meşə yanğınları bürümüşdü.
Foto: Noah Berger/AP Photo
“Ədəbiyyat və incəsənət”
(17.01.2023)
