Kaunas şəhəri şənbə günü Avropa mədəniyyət paytaxtı statusunu qəbul etdi. Bu münasibətlə Litvanın böyüklüyünə görə ikinci şəhərində "Oyanış" adlı işıq, musiqi, hərəkət və videoproyeksiya şousu keçiriləcək. 

“Ədəbiyyat və incəsənət” portalı TASS agentliyinə istinadən məlumat verir ki, şouda əsas qəhrəman mifik canlı obrazı olacaq, belə bir əfsanəvi bayram proqramının hazırlanması Kaunasın Avropanın mədəniyyət paytaxtı elan olunması xəbəri gündəmə gələn kimi qərara alınmışdı. 

Şounun, koronavirus pandemiyasına görə açıq hava altında həyata keçirilməsinə qərar verilib. Meydança Neman çayı adasında yerləşən idman arenası olacaq, burada "Jalgiris" basketbol klubu oynayır. Arenanın qarşısındakı ərazi internet vasitəsilə pulsuz yayımlanan biletlərlə tamaşaçılara çatdırılacaq sektorlara bölünüb. Tədbirin təşkilinə 800-ə yaxın könüllü cəlb edilib, bayramda 10 minə yaxın insanın iştirakı gözlənilir.

Kaunası bu münasibətlə Litva rəhbərliyi - Prezident Gitanas Nauseda, Baş nazir İnqrid Şimonite və Seymin (parlamentin) spikeri Viktoriya Çmilite-Nilsen ziyarət edəcək. 

YUNESKO-nun baş direktoru Odre Azule də onlara qoşulacaq. Videoəlaqə ilə Avropa Komissiyasının sədri Ursula fon der Lyayen toplaşanlara müraciət edəcək.

Ümumiyyətlə, 2022-ci ildə Kaunasın Avropa Mədəniyyət paytaxtı olması  proqramına 1 minə yaxın müxtəlif tədbir, o cümlədən 40 festival, 250-dən çox səhnə tamaşası və 250-dən çox konsert daxildir. 

Orada 4 mindən artıq ifaçı iştirak edəcək.

Rusiyanın Soçi şəhərində keçirilən ŞHK (Şən və Hazırcavablar Klubu) komandalarının 33-cü Beynəlxalq Festivalında ("KiViN-2022") Azərbaycanı təmsil edən komandanın rəhbəri Müşfiq Abbasovun hərəkəti ölkədə ciddi etirazlara səbəb olub.

O, ermənilərin təkidi ilə "Şuşa" komandasının adını "Buta" olaraq dəyişdirməyə razılıq verib. 

Azxeber.com saytına açıqlama verən  "Planet Parni iz Baku" KVN teatrının bədii rəhbəri Tahir İmanov məsələyə kəskin iradını bildirib: 

"O komandanı ora göndərəndə KVN-çilərdən, məndən, Bəhram Bağırzadədən, Cabirdən kimsə nəsə soruşdumu? Sualları o komandanı  oraya göndərən dövlət qurumuna  vermək lazımdır. Mənim öz fikrim var, istəyirəm ki, bu komandanı yaradanlar, oraya göndərənlər açıqlama versinlər. Neçə gündür ki, camaat ayağa qalxıb. Sosial şəbəkələrdə aktivləşiblər. Bütün Azərbaycan xalqı gözləyir, mən də gözləyirəm. Üstüörtülü yox, geniş açıqlama versinlər. Desinlər görək, komanda niyə çıxışdan imtina etməyib".

T.İmanov daha sonra əlavə edib: "İnandırım sizi, bunu bizim "Parni İz Baku"ya desəydilər, Anar Məmmədxanov nəinki orada qapını vurub gedərdi, hələ başqa şeylər də edərdi. Ümumiyyətlə, son illər bu KVN-lər fəallaşıb. Bir komanda getdi bizi biyabır etdi, bu da ikincisi oldu".

Türkiyədə KalDer Bursa Beynəlxalq Karikatura Yarışması sona yetib. 

Yarışmaya 53 ölkədən 354 rəssam 818 əsərlə qatılıb. Finala 106 əsər adlayıb. 

Həmyerlimiz, istedadlı karikaturaçı-rəssam Soltan Soltanlının da bir əsəri finala seçilib.

Bu barədə Soltan Soltanlı “Ədəbiyyat və incəsənət” portalına məlumat verib.

Rəsm qalereyası:

Mir Nadir Zeynalov,

“Mistik ruhun ömrü”

Sirr deyil ki, indi dünyada “Squid Game” bumu yaşanır. 

“Netflix”in ən çox izlənilən seriallarından biri olan və dünya səviyyəsində geniş izləyici kütləsinə sahib “Squid Game” serialının ikinci mövsümü rəsmi olaraq təsdiqlənib.

TASS agentliyi xəbər verir ki, Netflix”in baş icraçı direktoru Ted Sarandos tamaşaçıların “Netflix”in indiyə qədərki ən populyar serialının ikinci mövsümünün davamı necə olacaq” suallarına belə cavab verib:

-Mən bunu əminliklə deyə bilərəm ki, qarşıda daha çox həyəcanverici bölümlər görəcəksiniz. “Squid Game” kainatı hələ təzəcə başlayıb.

Qeyd edək ki, Cənubi koreyalı rejissor və ssenarist Hvang Dong-hyukun çəkdiyi ekran əsəri bir dram serialıdır. Filmin konsepsiyasına görə, ailəsindən ayrılmış, borclu bir sürücü olan Seung Gi-hun böyük pul mükafatı qazanmaq üçün bir sıra uşaq oyunları oynamağa dəvət olunur. Təklifi qəbul edərək naməlum bir yerə aparılır və bir-birinə oxşar böyük borcları olan 455 digər oyunçu arasında özünü tapır. Oyunçular qırmızı kombinezonlu maskalı mühafizəçilər tərəfindən hər zaman nəzarət altında saxlanılır. Oyunçular tezliklə bu oyunlarda məğlubiyyətin ölümlə nəticələndiyini anlayırlar. Amma geriyə yol yoxdur.

İtaliyadan sensasion xəbər alınıb. 4 müddət baş nazir olan, neçə müddət həbsxana həyatı yaşayan media maqnat Silvio Berluskoni siyasətə qayıdır. O, prezident seçkilərində öz namizədliyini verəcək.

Foto: Euronews

Anna Axmatovanın ədəbi katibi 

Anatoli Nayman həyatdan getdi. 

Şair, tərcüməçi, ədəbi tənqidçi Anatoli Naymanın yaşı 85 idi.

“Ədəbiyyat və incəsənət” portalı Euronews-un rus redaksiyasına istinadən xəbər verir ki, Anatoli Nayman 1950-ci illərdə əvvəlcə şeir tərcüməçisi kimi şöhrət qazanmışdır, baxmayaraq ki, bu təxəllüs altında artıq o zaman hekayələr də dərc etdirirdi. Sonra o, qələmini tərcümə sahəsində də sınadı. 

Tərcümələr sayəsində o, Anna Axmatova ilə yaxınlaşdı — onlar həmmüəllif də olublar, italyan şairi Cakomo Leopardini rus dilinə birlikdə tərcümə ediblər. Sonra Nayman Axmatovanın ədəbi katibi olub.

O, öz tərcümələrində orijinal formasını maksimum canlandırmağa çalışaraq musiqi müşaiyətinin vacibliyini qeyd edirdi. Sovet dövründə onun Bodler, Tomas Eliot, Conn Donndan tərcümələri nəşr olundu, halbuki öz şeirləri və bədii nəsri samizdatda yayılırdı. Sovet ideologiyası Axmatovada olduğu kimi, Naymanda da “əksinqilabi meyillər”, “burjua təmayülü” hiss edirdi. 

Yalnız SSRİ-nin dağılmasından sonra Naymanın külliyyatı çap olundu. Naymanın XX əsrin ikinci yarısında  Leninqradın ədəbi həyatında açdığı  xüsusi yol diqqət mərkəzinə qalxdı. 

Amma ölüm də qoca yazara tərəf yol gəlməkdə idi.

Ölkəmizdə tüğyan edən qrip epidemiyası teatrların fəaliyyətini də iflic etməkdədir. Aktyorların səhhətlərində  yaranan problemlərlə əlaqədar Azərbaycan Dövlət “Yuğ” Teatrının repertuarında dəyişiklik olub.

 "Təklif" tamaşası yanvarın 23-də deyil, 29-da, "Kloun Z" tamaşası isə 30-da nümayiş ediləcək.

Tamaşalar A.Şaiq adına Azərbaycan Dövlət Kukla Teatrının 2-ci mərtəbəsində yerləşən səhnədə göstəriləcək.

Bakıda Rus Evi Prezidentin Mədəni Təşəbbüslər Fondunun dəstəyi ilə “Qısametrajlı kino günü – 2021” Ümumrusiya aksiyası çərçivəsində və Leninqradın faşist blokadasından tamamilə azad olunması günü ilə əlaqədar “Saşka. Əsgərin gündəliyi” filminin onlayn nümayişini keçirir.

Rusiya İnformasiya-Mədəniyyət Mərkəzinin mətbuat xidməti xəbər verir ki, tanınmış aktyor, “Qızıl Qartal” mükafatı laureatı Kiril Zaytsevin debüt rejissor layihəsi olan “Saşka. Əsgərin gündəliyi” qısametrajlı hərbi dramı cəbhəçi yazıçı Vyaçeslav Kondratyevin “Saşka” povestinin motivləri əsasında çəkilib. 

Filmdə Böyük Vətən müharibəsi veteranının öz cəbhə gündəliyini tapmasından və müharibənin qızğın çağında onun başına gələn hadisə ilə bağlı hissləri sanki yenidən yaşamasından söhbət açılır. 

Filmin nümayişi yanvarın 25-dək davam edəcək.

Azərbaycan Dövlət Akademik Musiqili Teatrı fevral ayında bir çox maraqlı səhnə əsərləri ilə çıxış edəcək.
Repertuarla tanış olun:

2 fevral – “Bir nəfəs qədər”

4 fevral – “Qafqazlı qardaşqızı” (rus dilində)

5 fevral – “Meşə çaqqalsız olmaz”, “Qafqazlı qardaşqızı”

6 fevral – “Yağış göbələyinin macərası” (rus dilində), “Utancaq qız”

12 fevral – “Qırmızı papaq”, “Fransızsayağı qarnir”

13 fevral – “Dəcəl çəpişlər”, “Qızıl toy”

18 fevral – “Ər və arvad”

19 fevral – “Düyməcik” (rus dilində), “Mən dəyərəm min cavana”

20 fevral – “Buratino”, “Beş manatlıq gəlin”

25 fevral – “Silva” (rus dilində)

26 fevral – “Bir nəfəs qədər”

27 fevral – “Qızıl cücə” (rus dilində)

28 fevral – “Paris Notr-Dama ithaf”