Super User
Günün fotosu: Avrokomissiya rəhbəri Rusiya şantajından qorunmağın yolunu göstərib
Günün fotosu: Avrokomissiya rəhbəri Rusiya şantajından qorunmağın yolunu göstərib
“Qlobal əməkdaşlıq Rusiya şantajından qorunmağın başlıca yoldudur” - bunu Davosda Avrokomissiyanın başında duran Ursula fon der Lyayen söyləyib.
Böyük Markesin ədəbi qəhrəmanının adaşı eynən onun kimi barışmaz mövqe sərgiləməyi bacarır.
Foto: Euronews
Ən çox oxunan: Pandemiya dövründə 573 yeni milyarder peyda olub
Pandemiya dünyanın varlılar siyahısını yetərincə zənginləşdirib. 573 yeni milyarder - hər 30 saatda yeni milyarderin peyda olması deməkdir. Təkcə bu il isə dünyada eyni sürətlə 263 milyon insan həddindən artıq yoxsulluğa qərq ola bilər. Bu barədə Oxfam International şirkətinin icraçı direktoru Gabriela Bucher Davosda bildirib. Beynəlxalq Xeyriyyə Təşkilatının rəhbəri hesab edir ki, cəmiyyətin aşağı təbəqələrini dəstəkləmək üçün zənginləri vergiyə cəlb etmək vaxtıdır.
“Ədəbiyyat və incəsənət” portalı Euronews-a istinadən xəbər verir ki,Gabriela Bucher Davosda söyləyib:
-Biz bütün bu problemləri, müxtəlif səviyyələrdə baş verən bu böhranları görürük, bu, qarşısıalınmaz görünə bilər, amma ümid də var, çünki pul var. Yalnız o, ədalətsiz paylanıbdır. Deməli, bu bərabərsizliyi azalda biləcək tədbirlər var. Məsələn, aşağı faizlə vergitutma, biz 2% - ə çatan milyonerlər üçün vergini 5%-ə qaldıra bilərik. Bunun sayəsində bu dərin sosial problemləri həll etmək üçün kifayət qədər pul toplaya bilərik.
Daha əvvəl, dünyanın müxtəlif yerindən 150 milyonçu zənginlərə vergilərin artırılması yolu ilə həyat dəyərini böhrandan qurtarmaq çağırışı ilə İqtisadi Forum nümayəndələrinə açıq məktub göndərmişdi, onlar kasıbı varlının hesabına xilas etməyi məqsədyönlü saymışdı.
Onların bəziləri Davosa gəliblər və orada sol fəallarla birlikdə etiraz aksiyasında iştirak ediblər.
Bu gün Azərbaycan Dövlət Uşaq Filarmoniyasının 30 illiyi münasibətilə təntənəli yubiley konserti keçiriləcək
Bu gün - 25 may 2022-ci il tarixində Dövlət Uşaq Filarmoniyası yubiley konserti ilə çıxış edəcək. Konsertdə “Şəms” uşaq xoru, Vokal sinfi, “Musiqili Uşaq Teatrı”, müxtəlif yaş qruplarından ibarət rəqs kollektivi, “Sədəf” xalq çalğı alətləri ansamblı və solistlər rəngarəng musiqi nömrələrilə çıxış edəcəklər. Bundan başqa “Bacarıqlı əllər” rəsm dərnəyinin sərgisi də nümayiş olunacaq.
Proqramda Azərbaycan, Rus və Qərbi-avropa bəstəkarlarının əsərləri, eləcə də xalq mahnı və rəqsləri səslənəcəkdir.
Ən yaxşı şeirlər: “Bu ömür bir qazan qardı”
“Ədəbiyyat və incəsənət” portalı “Ən yaxşı şeirlər” rubrikasında bu dəfə sizə Cəlilabadda yaşayıb yaradan tanınmış şair
Əlizadə Nurinin “Bu ömür bir qazan qardı” şeirini təqdim edir.
Yoxdu bu qəmin yiyəsi,
Götür qoy gözün üstünə.
Sinəmdəki yaraları
Kim sərib duzun üstünə?
Səs deyil hər haray- həşir,
Canımız bir sevda nəşi.
Tuta bilmədik günəşi,
Yıxıldı tozun üstünə.
Yerdi əsən, yeldi əsən?
Axsaq imiş o tələsən.
Qələm yorulub deyəsən,
Əyilib sözün üstünə.
Qəfəs deyil, amma dardı,
Yer üzü damar-damardı...
Bu ömür bir qazan qardı-
Qoymuşuq közün üstünə...
Adilə Nəzərdən yeni kitab gəlir
“Həyat müqəddəs kitablardakı açar sözlərdədir. Yazarların yazdıqları kitablar isə açar sözlərin izahıdır, mənə görə.
Kitab oxuyaq ki, həyatı öyrənək. Həm də hər yaşda” - deyən Adilə Nəzərin yeni kitabı işıq üzü görüb.
Martın 26-da, saat 12-də AYB-nin Natəvan klubunda “Bir ovuc gün işığı” kitabı ədəbiyyatsevərlərə təqdim olunacaq. Kitabda vətənpərvərlik, türkçülük və sevgi mövzusunda, o cümlədən, Zəfər bayramı, Şəhidlər, Qazilər haqqında şeirlər yer alıb.
Fuad Nağıyev: Tezliklə Qarabağ regional turizm destinasiyasına çevriləcək
“Müasir İpək yolu” turizm marşrutunun inkişaf etdirilməsi ölkələrimiz arasında inkişaf etməkdə olan əlaqələrin daha da möhkəmlənməsinə xidmət edəcək.
AzərTAC xəbər verir ki, bunu Dövlət Turizm Agentliyinin sədri Fuad Nağıyev Şamaxıda keçirilən Türk Dövlətləri Təşkilatının turizm nazirlərinin 7-ci görüşündə deyib.
Agentlik sədri Azərbaycanda turizm sənayesinin özünü bərpa etməyə başladığını, ölkələrimiz arasında turizm əlaqələrinin inkişafı və turist mübadiləsinin artırılması üçün qarşılıqlı təbliğatın aparılmasının önəmini, ölkəmizdə gəlmə statistikasında türk dövlətlərinin payının çoxalmasına ümid etdiyini vurğulayıb.
O, Türk Dövlətləri Təşkilatına üzv olan ölkələrin tarixi köklərlə bir-birinə bağlılığı, ortaq tarix və mədəni irsə sahib olma kimi amillərlə yanaşı, coğrafi yaxınlıq, vizasız gediş-gəliş və birbaşa uçuşların olmasının turizm əlaqələrinin, eləcə də dostluq və qarşılıqlı anlaşma üzərində qurulan əməkdaşlığın inkişafına öz töhfəsini verdiyini bildirib.
O, həmçinin işğaldan azad edilmiş torpaqlarımızın böyük turizm potensialına malik olduğunu, bu ərazilərdə Azərbaycan hökuməti tərəfindən genişmiqyaslı quruculuq işləri aparıldığını, tezliklə Qarabağın regional turizm destinasiyasına çevriləcəyini və azad edilmiş ərazilərin bərpa olunması dövründə üzv ölkələrlə fəal qarşılıqlı əlaqələrin önəmini qeyd edib.
Tədbirdə çıxış edən TDT-in baş katibi Bağdad Amrayev göstərilən qonaqpərvərliyə görə təşəkkürünü bildirərək üzv ölkələr arasına əlaqələrin bütün müstəvilərdə inkişafının turizm sahəsinə də müsbət təsir etdiyini qeyd edib. O, Şamaxı şəhərinin 2022-ci il üçün “Türk dünyasının turizm paytaxtı” seçilməsi münasibətilə təbrik edib, bu təşəbbüsün davam etdirilməsinin üzv ölkələr arasında qarşılıqlı məlumatlılığın artırılmasına töhfə verəcəyini diqqətə çatdırıb.
Qeyd edək ki, tədbirdə ölkələr arasında turizm üzrə müxtəlif sahələrdə, o cümlədən qış turizmi üzrə əməkdaşlıq, müştərək turizm məhsullarının yaradılması istiqamətində əməkdaşlıq kimi məsələlər ətrafında müzakirələr aparılır.
Türk Dövlətləri Təşkilatının turizm nazirlərinin 7-ci görüşündə Özbəkistanın Baş nazirinin müavini, turizm və mədəni irs naziri Əziz Abduxakimov, Türkiyənin mədəniyyət və turizm nazirinin müavini Nadir Alpaslan, Qazaxıstanın mədəniyyət və idman nazirinin müavini Yerjan Yerkinbayev, Türkmənistanın ölkəmizdəki səfiri Mekan İşanquliyev, eləcə də təşkilatda müşahidəçi statusa malik Macarıstanın ölkəmizdəki səfiri Viktor Sederkenyi iştirak ediblər.
Türkmənistan mədəniyyət nazirinin müavini Nursahet Şirimov isə tədbirə onlayn qoşulub.
Görüşdə “Türk dünyası turizm paytaxtı təşəbbüsü” ilə bağlı qaydaların təsdiqi və “Türk Dövlətləri Təşkilatının Turizm üzrə Yol Xəritəsi” sənədinin qəbul edilməsi planlaşdırılır.
Şamaxının “Türk dünyasının turizm paytaxtı” seçilməsi münasibəti ilə ilk tədbir keçirilib
Xəbər verdiyimiz kimi, Şamaxı şəhəri 2023-cü il üçün "Türk dünyasının turizm paytaxtı" seçilib, bu barədə qərar Türk Dövlətləri Təşkilatının turizm nazirlərinin 7-ci iclası və turizm üzrə işçi qrupunun 17-ci iclasında qəbul edilib.
“Ədəbiyyat və incəsənət” portalı xəbər verir ki, mayın 24-də bu münasibətlə Şamaxıda ilk tədbir keçirilib. Bu, Türk Dövlətləri Təşkilatının turizm nazirlərinin 7-ci görüşüdür.
Türk Dövlətləri Təşkilatının turizm nazirlərinin 7-ci görüşündə təşkilatın Baş katibi Bağdad Amreyev, Özbəkistanın Baş nazirinin müavini, turizm və mədəni irs naziri Əziz Abduxakimov, Türkiyənin mədəniyyət və turizm nazirinin müavini Nadir Alpaslan, Qazaxıstanın mədəniyyət və idman nazirinin müavini Yerjan Yerkinbayev, Türkmənistanın ölkəmizdəki səfiri Mekan İşanquliyev, eləcə də təşkilatda müşahidəçi statusa malik Macarıstanın ölkəmizdəki səfiri Viktor Sederkenyi iştirak ediblər. Türkmənistan mədəniyyət nazirinin müavini Nursahet Şirimov isə tədbirə onlayn qoşulub.
Tədbiri açan Azərbaycan Dövlət Turizm Agentliyinin sədri Fuad Nağıyev söyləyib ki, “Müasir İpək Yolu turizm marşrutunun inkişaf etdirilməsi ölkələrimiz arasında inkişaf etməkdə olan əlaqələrin daha da möhkəmlənməsinə xidmət edəcəkdir.”
Fuad Nağıyev Azərbaycanda turizm sənayenin artıq özünü bərpa etməyə başladığını, ölkələrimiz arasında turizm əlaqələrinin inkişafı və turist mübadiləsinin artırılması üçün qarşılıqlı təbliğatın aparılmasının önəmini, ölkəmizdə gəlmə statistikasında türk dövlətlərinin payının çoxalmasına ümid etdiyini vurğulayıb.
O, Türk Dövlətləri Təşkilatına üzv olan ölkələrin tarixi köklərlə bir-birinə bağlılığı, ortaq tarix və mədəni irsə sahib olma kimi amillərlə yanaşı, coğrafi yaxınlıq, vizasız gediş-gəliş və birbaşa uçuşların olmasının turizm əlaqələrinin, eləcə də dostluq və qarşılıqlı anlaşma üzərində qurulan əməkdaşlığın inkişafına öz töhfəsini verdiyini bildirib.
Fuad Nağıyev “Müasir İpək Yolu” turizm marşrutu kimi müştərək turizm məhsullarının yaradılması istiqamətində işlərin intesivləşdirilməsinin vacibliyini vurğulayıb.
O, həmçinin azad edilmiş torpaqların böyük turizm potensialına malik olduğunu, bu ərazilərdə Azərbaycan hökuməti tərəfindən genişmiqyaslı quruculuq işləri aparıldığını, tezliklə Qarabağın regional turizm destinasiyasına çevriləcəyini və azad edilmiş ərazilərin bərpa olunması dövründə üzv ölkələrlə fəal qarşılıqlı əlaqələrin önəmini qeyd edib.
Görüşdə “Türk Dünyası Turizm Paytaxtı təşəbbüsü” ilə bağlı qaydaları təsdiq edilib və “Türk Dövlətləri Təşkilatının Turizm üzrə Yol Xəritəsi” sənədi qəbul edilib.
Tədbirdə çıxış edən təşkilatın Baş katibi Bağdad Amreyev göstərilən qonaqpərvərliyə görə təşəkkürünü bildirərək üzv ölkələr arasına əlaqələrin bütün müstəvilərdə inkişafının turizm sahəsinə də müsbət təsir etdiyini qeyd edib. O, Şamaxı şəhərinin 2023-cü il üçün Türk Dünyasının Turizm Paytaxtı seçilməsi münasibətilə təbrik edib, bu təşəbbüsün davam etdirilməsinin üzv ölkələr arasında qarşılıqlı məlumatlılığın artırılmasına töhfə verəcəyini diqqətə çatdırıb.
Qeyd edək ki, tədbirdə ölkələr arasında turizm üzrə müxtəlif sahələrdə, o cümlədən qış turizmi üzrə əməkdaşlıq, müştərək turizm məhsullarının yaradılması istiqamətində əməkdaşlıq kimi məsələlər üzrə müzakirələr aparılıb.
Bu gün görkəmli Azərbaycan şairi Abbas Səhhətin doğum günüdür
Ədəbiyyatımıza adını qızıl hərflərlə yazdırmış Abbas Səhhət Azərbaycan ədəbi-ictimai fikri tarixində hər şeydən öncə şair, tərcüməçi, şeir nəzəriyyəçisi və nasir kimi qalıb. Elmə, təhsilə, maarifə çağırış onun yaradıcılığından qırmızı xətt kimi keçir.
Azadlığı bəşəriyyətin ən gözəl mənəvi neməti hesab edir, bütün xalqların firavanlığını və xoşbəxtliyini onların azad-hürr yaşamasında görürdü.
Bu gün Azərbaycan uşaq ədəbiyyatının görkəmli nümayəndəsi, tanınmış şair, həkim, görkəmli müəllim və maarif xadimi Abbas Səhhətin anadan olmasının 148-ci ildönümü tamam olur.
Abbas Əliabbas oğlu Mehdizadə (Abbas Səhhət) 1874-cü ildə Şamaxıda ruhani ailəsində dünyaya göz açıb. 1900-cü ildə Tehran Universitetinin tibb fakültəsini bitirən və rus, ərəb, fars və fransız dillərini mükəmməl bilən gənc Abbas 1901-ci ildə Şamaxıya qayıdır və həkimlik etməklə yanaşı, məktəblərdə Azərbaycan dilindən dərs deyir.
İlk şeirini 1904-cü ildə “Şərqi-Rus” qəzetində dərc etdirmiş A.Səhhət sonralar da Azərbaycan dövrü mətbuatında şeir, məqalə və hekayələrlə çıxış edir. Onun şeiriyyətinin əsas mövzusu vətən idi.
Könlümün sevgili məhbubu mənim,
Vətənimdir, vətənimdir, vətənim.
Məni xəlq eyləmiş əvvəlcə xuda
Sonra vermiş vətənim nəşvü-nüma.
Vətənim verdi mənə nanü-nəmək,
Vətəni, məncə, unutmaq nə demək ?!
Anadır hər kişiyə öz vətəni,
Bəsləyib sinəsi üstündə onu
-deyən şair vətən müqəddəsliyinin tərifini yazmışdır. Şeirin hər misrasında vətən məfhumunun insan həyatı üçün nə qədər vacib olduğu isbat olunur. Əgər vətən mövzusunda yazılan bütün şeirlər bir yerə toplanılsaydı, heç şübhəsiz ki, bu şeir onların şahı olardı.
1905-ci ildə “Yeni poeziya necə olmalıdır?” adlı məqaləsi, daha sonra “Poetik nitq”, “Azadlığa mədhiyyə”, “Oyanışın səsi” şeirləri işıq üzü görür. “Yeni üslublu məktəblər” ideyasının qızğın tərəfdarı və təbliğatçısı olan Abbas Səhhət, professor Əli bəy Hüseynzadənin banisi olduğu Azərbaycan romantik ədəbiyyatı cərəyanına qoşulur.
O, Bakıda nəşr olunan bir çox jurnal və qəzetlərdə mütəmadi olaraq çıxış edir. Tərcüməçilik fəaliyyəti ilə də məşğul olan yazıçı Lermontov, Puşkin, Krılov, Maksim Qorki, Viktor Hüqo və digər şair və yazıçıların əsərlərini Azərbaycan dilinə çevirir.
1912-ci ildə şairin şeirlərindən ibarət “Sınıq saz” və Avropa şairlərindən tərcümə etdiyi “Qərb günəşi” adlı şeirlər toplusu işıq üzü görür. Bir qədər sonra “Əhmədin şücaəti” adlı poeması, 1916-cı ildə isə “Şair, muza və şəhərli” adında romantik poeması nəşr olunur.
Şairin yaradıcılığında Nizami, Hafiz, Sədi kimi şairlərin böyük təsiri duyulur. Türk xalqlarının ədəbiyyatları ilə də yaxından maraqlanır, xüsusilə Tofiq Fikrət yaradıcılığına rəğbət bəsləyirdi. Dövrü mətbuatdakı çıxışları arasında böyük Azərbaycan şairi, əziz dostu və məsləkdaşı Mirzə Ələkbər Sabir haqqında məqalələri xüsusi yer tutur.
Abbas Səhhət Azərbaycanda liberal burjuaziya ideyasını müdafiə edir, İslam dəyərlərindən imtinaya qəti etirazını bildirir və əsərlərində “ümummüsəlman qərbçiliyi” ideyasını dəstəkləyirdi.
Abbas Səhhət 1918-ci il iyulun 11-də Gəncədə vəfat edib.
Ruhu şad olsun!
Günün fotosu: Dünyada hazırda 100 milyon qaçqın var
Günün fotosu: Dünyada hazırda 100 milyon qaçqın var
Dünyada qaçqınların sayı 100 milyonu keçib. Bu qaçqın sayını 6 milyon nəfər artıran Ukraynanın hesabına başa gəlib. Bu tarixi
rekorddur.
Bu barədə BMT-nin Qaçqınların işi üzrə yucarı komissariatı məlumat yayıb.
Foto: Euronews
Ən çox oxunan: Davosda Zelenskinin çıxışı ən gözlənilən çıxış olub
Davosda Dünya İqtisadi Forumunun birinci gününün əsas hadisələrindən biri Ukrayna Prezidenti Vladimir Zelenskinin virtual çıxışı olub. O, forum iştirakçılarını neft embarqosuna qədər Rusiyaya qarşı maksimum sanksiyalar tətbiq etməyə, bütün Rusiya banklarının bloklanmasına və Rusiya ilə ticarətin tamamilə dayandırılmasına çağırıb. Bu barədə “Ədəbiyyat və incəsənət” portalı Euronews-a istinadən xəbər verir.
"İndi elə bir məqam yaranıb ki, dünyada kobud gücün hökm sürüb sürməyəcəyi aydınlaşır. Əgər hökm sürərsə, onda bizim düşüncələrimiz heç maraqlı da deyil. Və Davosda bizim daha toplanmağımıza da ehtiyac yoxdur. Niyə? Kobud güc onu dəf etmək istəyənləri fəth etməkdən başqa heç nəyə can atmır. Və o, diskuta salmır, dərhal öldürür. Rusiyanın Ukraynada indi biz burda sizinlə ünsiyyət qurarkən elədiyi kimi", - Zelensky deyib.
O, Ukraynaya yardım etmiş bütün ölkələrə təşəkkür edərək bildirib ki, Qərb preventiv sanksiyalar tətbiq etmədən etdiyi səhvini nəzərə almalıdır və bu, onun fikrincə, müharibənin qarşısını ala bilərdi. Ukrayna prezidenti gələcəkdə reaksiya verməməyə, preventiv hərəkət etməyə, hər hansı təcavüzün qarşısını almaq üçün Yeni təsir vasitələri yaratmağa çağırıb:
"Ölümcül atışları gözləməyin. Rusiyanın kimyəvi, bioloji və ya Allah eləməsin, nüvə silahı tətbiq etməsini gözləməyin. Təcavüzkarda dünyanın kifayət qədər müqavimət göstərməyəcəyi təəssüratı yaratmayın. Azadlığı və normal, bütün dünya nizamı üçün faydalı olan stabilliyi dərhal maksimal şəkildə qoruyun".
Bu dəfə Davosda Rusiya Federasiyasının nümayəndələri yoxdur: Dünya İqtisadi Forumu Rusiya ilə münasibətləri və Rusiya iş adamları ilə strateji tərəfdaşlığı dondurub.