Super User
O gözlər, o gözlər, indi kimindir?
Xalq artisti İlqar Muradovun 65 illiyi yaradıcılıq gecəsi ilə qeyd olunacaq
Musiqili fevral ayında bir yubiley tədbiri də olacaq. Fevralın 12-də Heydər Əliyev Sarayında sevilən sənətkar, Xalq artisti İlqar Muradovun 65 illiyi münasibətilə yaradıcılıq gecəsi keçiriləcək.
Azərbaycanın musiqi tarixində ən gözəl lirik parçalar içində İlqar Muradovun həzin səslə ifa etdiyi bu mahnı da dayanır:
Hər şeyi bəlkə də
Unudaram mən
Gözlərin, gözlərin
Çıxmır fikrimdən
Gülümsər gözlərin
Sənin gözlərin
Sənin gözlərin, gözlərin
Bir cüt ulduz kimi onlar yanardı
Gözlərim gözünlə işıqlanardı
Onlar başqasına baxırlar indi
O gözlər, o gözlər
İndi kimindir?
O gözlər, o gözlər
İndi kimindir?
Bəli, ifaları ilə qəlbləri fəth edən müğənni yaradıcılıq gecəsində öz repertuarında olan mahnılarla pərəstişkarlarının qarşısına çıxacaq.
Tamaşaçılar gecədə İlqar Muradovun yeni mahnıları, xalq musiqiləri və klassik ifaları ilə yanaşı, sənət dostlarının çıxışlarını də izləyə biləcəklər.
Biletləri iTicket.az saytı və şəhərin kassalarından əldə etmək mümkündür.
“Ədəbiyytat və incəsənət”
(06.01.2023)
Daha bir serial eşqi gerçək eşq oldu
Türkiyədə televiziyalarında yayımlanan “Güzel günler" serialında rol alan aktyor Burak Dakakla aktrisa Leyla Tanlar serialdakı kimi real həyatda da eşq yaşamağa başlayıb.
“Ədəbiyyat və incəsənət” axşam.az-a istinadən xəbər verir ki, cütlük birgə fotolarını sosial şəbəkədə paylaşıb.
“Ədəbiyyat və incəsənət”
(06.01.2023)
Azərbaycanın ilk bərpa edilmiş animasiya filmi beynəlxalq festivalların diqqət mərkəzindədir
Azərbaycan Animasiya Assosiasiyası Böyük Britaniyanın Kino Klassika Fondu, Azərbaycan Mədəniyyət Nazirliyi, prodüser-restavrator Daniel Bird və Polşada fəaliyyət göstərən Fixafilm ilə birlikdə C.Cabbarlı adına “Azərbaycanfilm” kinostudiyasında çəkilmiş ilk uşaq animasiya filminə yeni nəfəs verib.
“Ədəbiyyat və incəsənət” portalı Azərbaycan Animasiya Assosiasiyasının sədri Rəşid Ağamaliyevdən fikir alan AzərTAC-a istinadən bildirir ki, söhbət hələ 1969-cu ildə çəkilmiş “Cırtdan” adlı filmin müasir üsullarla restavrasiyasından gedir.
Onun sözlərinə görə, bütün restavrasiya prosesi təxminən üç il çəkib. Bərpa olunmuş “Cırtdan”ın 5-ci ANİMAFİLM Beynəlxalq Animasiya Festivalında mümkün olan ən yüksək keyfiyyətdə (DCP formatında) premyerası da olub. Bərpa olunmuş film Böyük Britaniyada yerləşən “Klassiki” striminq platformasında yayımlanıb, beləliklə, onun digər beynəlxalq film festivallarında da diqqət çəkəcəyi açıq-aşkardır.
Qeyd edək ki, “Azərbaycanfilm” kinostudiyası artıq filmi YouTube-da yerləşdirib. Xatırladaq ki, “Cırtdan” (1969) filminin rejissorları Ağanağı Axundov və Yalçın Əfəndiyevdir. Filmin təsviri həllinə gəldikdə maraqlı cəhət ondan ibarətdir ki, müəlliflər filmdə Azərbaycan xalçası stilistikasından istifadə ediblər. Bu animasiya filminin bütün qəhrəmanları, eləcə də predmetlər və fonlar “xalça” üslubunda işlənib. Bu zaman xalça elementi kinematoqrafiya üslubunda istifadə edilib – xalça motivli fon predmet və personajlarla qarışmasın deyə, tez-tez fokusdan yayındırılıb. Filmin bəstəkarı Oqtay Zülfüqarov Qərb musiqi alətləri ilə birlikdə tarın da səsləndiyi çox gözəl milli musiqi mövzusu düşünüb hazırlayıb. Məhz özünün yenilikçi stilistikasına görə “Cırtdan” filmi köhnəlmir və müasir tamaşaçı üçün də maraqlı olaraq qalır.
“Ədəbiyyat və incəsənət”
(06.01.2023)
Leyla Bədirbəylini küçədə saxlayıb rəsmini çəkmişdilər
“Ədəbiyyat və incəsənət” portalı yazıçı-dramaturq Əyyub Qiyasın tanınmış teatr və kino xadimlərinin həyatlarından qələmə aldığı maraqlı anları təqdim edir. Növbəti təqdim edilən – gözəlliyi ilə ad çıxarmış aktrisa Leyla Bədirbəylidir.
LEYLA BƏDİRBƏYLİ
(1920-1999)
***
Bir dəfə “Nizami” kinoteatrının qarşısından keçəndə oğlanlı-qızlı bir-neçə gənc mənə yaxınlaşdı. Kinoteatrın qarşısında böyük afişa asılmışdı. Gənclər məni dövrəyə aldılar.
– Siz Leyla Cavanşirovasız? – qızlardan biri heyrətlə xəbər aldı.
– Bəli, özüdür ki, var, – cavab verdim.
Sən demə yaxınlıqdakı Əzim Əzimzadə adına rəssamlıq məktəbində oxuyurmuşlar. Oğlanlardan biri tez çantasını açıb kömür və kağız götürdü. Utanaraq:
– Olar sizin şəklinizi çəkim? – xəbər aldı. Düzünü desəm, çəkilişə tələsirdim, amma gənclərin də xətrinə dəyə bilməzdim. Onlarla aramda 3-4 yaş fərqimiz olardı, etiraz etsəydim, yekəxanalıq kimi çıxardı. Rəssam oğlan tərəddüdümü hiss edib tez əlavə etdi:
– Narahat olmayın, uzağı 10 dəqiqə vaxtınızı alacam.
Gülümsünərək razılıq verdim.
Dostları gənc rəssamın ətrafına toplaşdılar, qızlar məni araya alıb müxtəlif suallar verirdilər. Təxminən 10-12 dəqiqə sonra oğlan üzərində rəsm çəkdiyi kağızı mənə uzatdı. Alıb baxdım, gözlərimə inanmadım. Məni Gülçöhrə obrazında çəkmişdi.
“Ədəbiyyat və incəsənət”
(06.01.2023)
İsraildə Xocalı memorial açılib, 613 şəhidə görə 613 ağac əkilib
Mirsamir Məmmədov yazır
İsrailin və Yəhudi lobbisinin tarix boyu Azərbaycana böyük dəstəyi olmuşdur. Hər zaman hər yerdə İsrailin və yəhudi xalqının dəstəyini və yardımını gördük. İsrail və Azərbaycan dostluğuna dair xüsusi detalları ardıcıl qeyd edirik.
1. 1992-ci ildə Azərbaycanın müstəqilliyi BMT Təhlükəsizlik Şurasında səsverməyə çıxarılarkən‚ BMT Təhlükəsizlik Şurasının sədri İsrail idi və Azərbaycanın müstəqilliyi məhz İsrailin təşəbbüskarlığı və can-fəşanlığı ilə BMT Təhlükəsizlik Şurasının müzakirəsinə çıxarılaraq qəbul edildi.
2. BMT Təhlükəsizlik Şurasında ermənistanın işğal etdiyi Azərbaycan torpaqlarını tərk etməsini tələb edən 4 hüquqi qətnamənin qəbul edilməsində İsrailin misilsiz rolu vardır. Həmin vaxt Təhlükəsizlik Şurasının sədri məhz İsrail idi və Yəhudi lobbisinin də misilsiz dəstəyi ilə həmin qətnamələri qəbul edən İsrail olub. Qətnamələrdə ermənistan işğalçı adlandırılır və işğal etdiyi bütün Azərbaycan torpaqlarından dərhal çıxarılması tələb edilir. Ölkəmiz bu gün o qətnamələrə əsaslanaraq işğalçı ölkəyə qarşı hücuma keçdi və öz qanuni torpaqlarımızı BMT Təhlükəsizlik Şurasının məcburi xarakter daşıyan həmin 4 qətnaməsinə əsasən işğaldan azad etdi. Azərbaycan əsgəri həmin 4 qətnaməni alnıaçıq‚ üzüağ şəkildə qəhrəmancasına icra etdi.
3. Dünyanın ən güclü Lobbisi olan Yəhudi Lobbisi ABŞ-daki Azərbaycanları, emənilərin və məkrli erməni lobbisinin fitnəkar siyasətinə qarışı müdafiə edib.
4. ABŞ-ın 21 Ştatının "Xocalı Soyqırımını" tanımasında İsrailin çox böyük rolu olmuşdur.
5. 1918-dəki soyqırımda 3000-dən artıq yəhudi, ermənilər tərəfindən öldürülmüşdür. Səbəb isə yəhudilərin ermənilər tərəfə keçməməsi olmuşdur.
6. 2016-cı ildəki Aprel döyüşlərində və xüsusən 44 günlük müharibədə İsrailin və yəhudilərin Azərbaycana misilsiz dəstəyi olmuşdur.
7. 2016-cı ildə İsraildə "Xocalı qurbanlarına" həsr olunmuş memorial açılmış və 613 şəhidə görə 613 ağac əkilmişdir.
8. İsrail hökuməti dəfələrlə bəyan etmişdir ki‚ "Biz Türkiyəyə qarşı olan qondarma erməni soyqırımını Azərbaycana görə tanımırıq və tanımayacayıq"
9. İsrail Parlamenti Qondarma "Dağlıq Qarabağ Respublikası"sözünün işlədilməsini belə qadağan etmişdir.
10. Azərbaycanda olan Quba "Qırmızı Qəsəbə" və Oğuzdakı "Yəhudilər Məhəlləsi" Yəhudilərin İsraildən sora dünyada yaşadıqı 2 ci kompakt yaşayış məntəqəsidir.
11. Hələ 1918-ci ildə Məmməd Əmin Rəsulzadənin rəhbərliyi ilə Azərbaycan Xalq Cümhuriyyəti yaranarkən yəhudilərin də dəstəyi olmuşdur. Azərbaycan Xalq Cümhuriyyəti hökumətinin 2 naziri məhz yəhudi əsilli olmuşdur. Bundan əlavə həmin dövrdə ermənilərin 1915-ci il hadisələrinə dair yalanlarına qarşı Avropada‚ Qərbdə və Amerikada Yəhudi lobbisi Azərbaycanlılara dsətək vermişdir. 1918-ci ildə yaranan Azərbaycan Xalq Cümhuriyyətinin beynəlxalq Yəhudi Lobbisi ilə çox sıx və yaxın dostluq əlaqəsi olub. Bu gün isə bu dostluq və qardaşlıq daha da inkişaf etdirilməkdədir.
Bir sözlə‚ İsraillə Azərbaycan hələ qədim tarixi köklərə və genetik qan qohumluğuna əsaslanan qardaş ölkədir və yəhudilərlə‚ Azərbaycanlıların və türk xalqlarının genetik qan qohumluğu vardır. Bütün tarix‚ ötən əsrlər və yüzilliklər bu genetik qardaşlığı sübut edir. Bu gün də Azərbaycanla İsrail həqiqi mənada qardaş ölkələrdir və İsraillə Azərbaycanın qardaşlığı bütün dünyaya nümunə olacaq şəkildədir. Azərbaycan xalqı da hər zaman İsrailə və qardaş yəhudi xalqına dəstəkdir. İsrail və yəhudilər Azərbaycan dövlətinin və Azərbaycan xalqının can dostudur. Bütün Azərbaycan xalqının İsrailə və yəhudi xalqına xüsusi sevgisi və simpatiyası vardır. Azərbaycan və İsrail xalqının dostluğu və qardaşlığı daimi və əbədi olsun!! AMİN.
“Ədəbiyyat və incəsənət”
(06.01.2023)
12 şüalı günəşli tacla, eyni saylı qızıl ulduzlarla…
Katoliklik Bakıda “Müqəddəs Məryəmin nuru”nu təqdim edib
Azərbaycan həqiqətən də tolerant ölkədir. Burada məscidlər, kilsələr və sinaqoqlar yan-yana fəaliyyət göstərir, başqa dinlərin nümayəndələri rahatlıqla ibadət edirlər.
Ötən gün “Müqəddəs Məryəm Ana Katolik Kilsəsi”ndə “Müqəddəs Məryəmin nuru” adlı rəsm əsərin təqdimatı olub. Əsərin müəllifi rəssam, sənətşünaslıq üzrə fəlsəfə doktoru, Azərbaycan Dövlət Mədəniyyət və İncəsənət Universitetinin baş müəllimi Gülarə Salayevadır. Rəssamın əsas fəaliyyət istiqaməti bədii toxuculuqdur. Yaradıcılığında ənənəvi janr və texnikaların sintezinə meyilli olan Salayevanın əsərləri Azərbaycanda və digər ölkələrdə nümayiş olunur.
İndi qayıdaq təqdimat mərasiminə. Mərasimdə ölkəmizdəki müxtəlif dini konfessiyaların nümayəndələri iştirak ediblər.
Gülarə Salayeva Müqəddəs Məryəmin təsviri olan əsəri kilsəyə hədiyyə edilib. Əsərin üzərində mavi geyimli və incə qatlarla verilən baş örtüyünün fonunda 12 şüalı günəşli tac, həmçinin onu əhatə edən eyni saylı qızıl ulduzlar vurğulanır.
Rəssam qeyd edib ki, Müqəddəs Məryəm obrazı bəşəriyyət tarixi-ictimai düşüncəsində mühüm və əhəmiyyətli yerə malikdir. İdeallıq haqqında təsəvvürləri öz surətində ifadə edən bu universal obraz xristianlıq tarixində dəqiq qanunlara əsaslanaraq müvafiq tərzdə vizuallaşıb.
Mərasimdə çıxış edənlər tolerantlıq nümunəsi olan Azərbaycanda multikultural dəyərlərə və ənənələrə həssaslıqla, hörmətlə yanaşıldığını vurğulayıblar. Bildiriblər ki, Cənubi Qafqaz regionunun lider dövləti olan Azərbaycan, eyni zamanda, millətlərarası və dinlərarası münasibətlərin inkişaf etdirilməsi baxımından da nümunəvi ölkə kimi xarakterizə olunur. Ölkədə milli və dini müxtəliflik bəzi dövlətlərdən fərqli olaraq insanlar arasında fərq yaradan amil kimi deyil, əksinə, tolerantlıq mühitinin əsas komponentləri olaraq çıxış edir.
“Ədəbiyyat və incəsənət”
(06.01.2023)
Euronews-un versiyasında 2022-ci Ilin 20 ən yaxşı fotosu - Qurtuluşlarını gözləyənlər
Nüfuzlu Euronews yola saldığımız 2022-ci ilin ən yaxşı fotolarını müəyyənləşdirib. Burada Rusiyanın Ukraynaya təcavüzündən tutmuş İrandakı antihökümət yürüşlərinə, Tur de Frans yarışmalarınadək hər şey var. Yola saldığımız il hadisələr baxımından o qədər zəngin olub ki, fotoqraflar fotokameralarını futlyara salmağa macal tapmayıblar.
Həmin fotoları ardıcıllıqla “Ədəbiyyat və incəsənət” portalı oxucularına təqdim edir.
İrpen şəhərinin sakinləri dağıdılmış körpünün altında sığınacaq taparaq şəhərdən çıxarılmalarını gözləyirlər. Foto: Emilio Morenatti/AP Photo
“Ədəbiyyat və incəsənət”
(06.01.2023)
Vaqif Bayatlının şeirləri Almaniya portalında yayımlanıb
Almaniyanın populyar “Spruechetante” ədəbiyyat portalı Dövlət Tərcümə Mərkəzinin “Azərbaycan ədəbiyyatı beynəlxalq virtual aləmdə” layihəsi çərçivəsində tanınmış Azərbaycan şairi Vaqif Bayatlı Odərin alman dilinə tərcümə edilmiş “Hər kəsdən çox”, “Uşaqlar və hərflər” və “Gül düzəldirəm adamlardan” şeirlərinin yayımına başlayıb.
Tərcümə Mərkəzinin açıqlamasına görə, şairin yaradıcılığı haqqında məlumatla təqdim olunan şeirlərin alman dilinə tərcümə müəllifi – Mərkəzin alman dili mütəxəssisi Məryəm Səmədova, bədii redaktoru – Almaniyanın ədəbiyyatşünas alimi Kerstin Krapsdır.
Qeyd edək ki, geniş oxucu kütləsi tərəfindən izlənilən “Spruechetante” ədəbiyyat portalı mütəmadi olaraq səhifələrində Eduard Fridrix Mörike, Fridrix Şiller, Volfqanq Höte, Teodor Fönten, Çarlz Dikkens, Tomas Braun kimi korifey yazıçı və şairlərin yaradıcılığını işıqlandırır.
“Ədəbiyyat və incəsənət”
(06.01.2023)
Ayn Rend, «Atlant çiyinlərini düzəltdi» - Uğur yolunu göstərən ən yaxşı kitablar
Professor Əlibala Məhərrəmzadə “Ev tapşırığı: Uğur düsturunu tapacağıq” layihəsini sizlərə təqdim edir
Uğur üçün lazım olan keyfiyyətlər arasında biz bol informasiya almağın, mütaliənin necə vacib olmasını da sadalamışdıq. Statistik hesablamalara görə hər bir uğurlu insanın il ərzində orta hesabla 19 kitab oxuduğunu da sizin diqqətinizə çatdırmışdım.
Əksər reytinq sıralamalarında yer alan «bizneçdə və peşəkar fəaliyyətdə uğur qazanmaq» mövzusunda ən populyar motivasiya bestsellerləri arasından sizinçün seçdiyim 10-luqdakı kitablara bir-bir şərh verməyi davam edirəm.
Ayn Rend. «Atlant çiyinlərini düzəltdi»
Ayn Rendin bu kitabını, təsadüfi deyil ki, hətta Qərbdə «İncir» kitabı ilə eyni səviyyəyə qaldırmaq tendensiyası müşahidə edilməkdədir. Çünki yüz minlərlə sahibkarlar öz sahibkarlıq fəaliyyətinə məhz bu 200 səhifəlik kitabı oxumaqla başlayıblar. Bu kitab dünyagörüşünü dəyişir, insan həyatının əsl anlamını açıb göstərir, sahibkarlığın əlifbasını öyrədir. Və həm də bu kitab cəsarətli, güclü və qətiyyətli olmağa da bir çağırışdır.
Əsl adı Alisa Rozenbaum olan bu xanım insanlara öyrətmək istəyir ki:
- İnsan düşüşünün yeganə forması məqsədi itirməkdir.
- «Mən səni sevirəm» söyləmək üçün ilk öncə «Mən» söyləməyi öyrənməlisən.
- İnsan yumor hissini itirəndə hər şeyini itirir.
- Öz qəlb məbədində insan tənhadır.
- Xüsusi adlardan başqa hər bir söz abstraktdır.
Ayn Rend yazır ki, özü nə istədiyini bilməyən adam üçün pul xoşbəxtlik gətirə bilməz. Yazır ki, öz yolunu gözübağlı seçən şəxsə pul məqsədi göstərə bilməz. Ayn Rendə görə, pulla səfeh özünə ağıl, ağıllı özünə şərəf, naqis özünə hörmət ala bilməz.
O yazır ki, əgər siz pul vasitəsilə özünüzü reklam edib özünüzdən yüksəkdə duran və özünüzdən ağıllı olan adamlarla əhatələnmək istəyirsinizsə və bununla nüfuz qazanacağınızı düşünürsünüzsə, onda əmin olun ki, sizdən aşağıda duranların qurbanına çevriləcəksiniz. Zira, ziyalılar dərhal sizdən üz döndərəcək, fırıldaqçı və oğrularsa pulunuzun işığına əhatənizə toplaşacaqlar ki, sizdən bir şeylər qopartsınlar. «İnsan heç vaxt öz pulunun həcmindən kiçik olmamalıdır. Əks halda, onu taptalayarlar».
“Ədəbiyyat və incəsənət”
(06.01.2023)
Sağ əlin verdiyini niyə sol əl bilsin ki?
Sevilən müğənni Zamiq Hüseynov qonaq olduğu "Xəzər axşamı" verilişində bildirib ki, geyinmədiyi köhnə geyimlərini maddi vəziyyəti aşağı olan qohumlarına verir.
O deyib:
"Qohumlar arasında çox kasıb insanlar var. Bir çox geyimlərimi hər uç, dörd aydan bir onlara bağışlayıram.
Deyirlər ki, güya geyimləri kiməsə verəndə öz enerjini onlara verirsən. Amma mən bu deyimlərə inanmıram. İllərdir ki, geyimlərimi qohumlarıma verirəm. Hansı qohumum mənimlə eyni ölçüdədirsə, ayaqqabılarımı, pencəklərimi və sairə əşyalarımı bağışlayıram".
İlk baxışda bir insanın humanizmi barədə xəbərdir. Amma iş ondadır ki, bunca xəbərlər günümüzə basqı etməkdədir. Heç bir vəclə insan etdiyi nəcib hərəkəti bunca reklam etməməlidir. Bizim xalq axı gözəl deyib: “Balığı tutub at dəryaya. Balıq bilməsə də xaliq biləcək”
“Ədəbiyyat və incəsənət”
(06.01.2023)
