Super User
Şəkildən qoltuq ağaclarını silib atasına ayaq çəkən uşaq – qazi şair Emin Pirinin şeirləri
Emin Piri - Piriyev Emin Sabir oğlu 1986-cı ildə anadan olub. Sumqayıt şəhərində "Şərq" liseyində oxuyub. 2008-ci ildə Bakı Dövlət Universitetinin Tarix fakültəsini bitirib. Həmin il Ehtiyat Zabit Hazırlığı Kursunu müvəffəqiyyətlə bitirərək leytenant rütbəsi alıb. 2008-10-cu illərdə Ağdamda - cəbhə bölgəsində tağım komandiri kimi xidmət edib.
2013-cü ildə Azərbaycan Yazıçılar Birliyi və Mədəniyyət Nazirliyinin birgə layihəsi olan "Gənc Ədiblər Məktəbinin" məsul katibi olub. 2013-cü ildə Azərbaycan Yazıçılar Birliyinin üzvlüyünə qəbul edilib. Həmin il Prezident təqaüdünə layiq görülüb.
2014-cü ildə Gənclər və İdman Nazirliyi tərəfindən "İlin gənci" mükafatını alıb.
"Nəsimi", "Ən yaxşı şeir", "Ülvi Bünyadzadə" və. s mükafatlara layiq görülüb.
2014-cü ildə və 2016-cı ildə Sumqayıt Şəhər İcra Hakimiyyəti tərəfindən "İlin gənc yazarı" seçilib.
2015-ci ildə "Tanrının kölgəsi", 2017-ci ildə "Sağ qalan varmı?!" şeirlər kitabı dərc olunub. Şeir, məqalə və hekayələri İran, Türkiyə, Özbəkistan, Qazaxıstan kimi ölkələrdə müntəzəm çap olunur. "Ədalət" qəzetinin əməkdaşıdır.
2020-ci ilin Vətən Müharibəsi zamanı könüllü cəbhəyə yollanıb. Müharibə dövründə tağım komandiri olub. Füzuli, Cəbrayıl, Xocavənd, Xocalı və Şuşanın azad olunması uğrunda döyüşüb. "Vətən Müharibəsi iştirakçısı", Hərbi xidmətdə fərqlənməyə görə", "Xocavəndin azad edilməsinə görə" medallarıyla təltif olunub.
Emin Piri 2022-ci ildə SilkWay Beynəlxalq Ədəbiyyat Festivalının Azərbaycan turunun finalçısı olub.
Emin gözəl şairimiz Sabir Yusifoğlunun oğludur.
Sən azadsan!
(Savaş qazisinin dilindən)
Saçımda anamın xınası,
yolların ayaqlarımçün duası,
gözlərimdə hələ bizim olmayan uzaqlıq
deyir:
Sən azadsan!
Sən azadsan!
Ayaqlarım cığırlara yalvarır;
QARABAĞ,
biz sənin övladınıq,
ilk dəfə gördüyün övladlar.
Uzaq tut ayaqlarımızdan
bətnində gizlətdiyin minaları.
Füzuli, Cəbrayıl, Hadrut cəbhəsi...
Burda ulduzlarla deyil,
hər minamyot mərmisiylə sayırıq
yarım qalan ümidləri,
anaların göz yaşını,
bir döyüşçü sevgilisinin
bətnində ölən arzusunu.
Günlərdir danışmırıq.
bilirəm, narahatsan, ana.
bəlkə gecələri ağlayıb,
şəklimlə ovunursan, ana,
səni Füzulidən eşidirəm, ana,
səni Cəbrayıldan görürəm, ana,
sənə Şuşadan əl yelləyirəm, ana.
Formamda şəhid qardaşlarımın qanı,
gözlərimdə 44 gecənin yuxusuzluğu,
bir az həyəcan, bir az da
sevinc tərinə qarışan geyimim.
Qarabağ torpağıyla, palçığıyla
büsbütün vətənləşən bədənimiz
və
bizi gözləyən Azərbaycan
meydanlarda, ürəklərdə, gözləriylə hayqırır;
Sən azadsan!
Sən azadsan!
(Xocalı, Siqnax. Noyabr 2020)
Tanrılar məbədi qadın
(səngərdən məktub)
Öpüşümlə dərərəm barmaqlarını bir-bir,
çobanyastığı ləçəkləri kimi sayaram
sevir, sevir
və...
Sevir.
Unutmaq
yeri yaddan çıxan basdırdığın
mina kimidir.
bir gün üzər ayaqlarını həyatdan
gözləmədiyin anda.
Küsər,
Baxışları-
şimal buzlu okeanın sahilə vurduğu
sərt, dondurucu ləpələr kimi.
Yeddi yox,
bütün notların sayı cəmi birdi.
təbəssümündən qopmadı hər bəstə.
Gözlərin
dənizlərin şahı,
görsə
Poseydon utanardı məqamından.
Ürəyim yerindən çıxıb
düşər ovuclarına.
Sən Tanrı Kukulkan
mənsə yağış duası.
Qəlbim əllərində döyünər
rahib taxçasındakı ürək kimi.
Indi anlayırsan ki,
yollar qovuşmaq yox, ayırmaqçündü.
Bütün yolları dağıtmaq lazım,
körpüləri uçurtmaq...
Xatırladınmı,
Ata-anası savaşarkən
oyuncağının gözlərini tutan
qızcığaz
bu gün “xilaskar” kimi
“Can qurtarırdı” abort masasında.
Burda anlayırsan ki,
Sevmək - solunda qəlbin döyüntüsü yox,
hər sabah oyandığında
sağında
bir ürəyin yatdığını görməkdir.
Qurmaq istərsən
o uşaq kimi dünyanı.
Divardan endirib ata rəsmini
silib qoltuq ağaclarını onun şəklindən,
ayaq çəkirdi atasına
Mərmilərin acığına.
Bilirsənmi, necə dəhşətlidir
ilk kərədən qınanmaq.
Başının üstünü kəsdirən qızın:
“Niyə ayağa qalxmır, bu mədəniyyətsiz” baxışı.
Deyə bilməzsən
ayaqlarının iki il öncə
mina üstündə centlmenlik etdiyini...
Protez ayağın utanar özündən
qayıda sənə:
“Xahiş edirəm, daha mənsiz get”
Məktəbdə kökə bölüşdürən uşaqları
burda mərmilər bölüşdürür
öz aralarında, sevgili.
Bəlkə də dönərəm,
hər duamı tellərinə deyərəm,
bütün arzularımı ovcuna pıçıldayaram,
dodaqlarında alaram dəstəmazı,
Tanrılar məbədi, qadın.
Şəhid oğlunun dedikləri
Darıxır
anamın cehizlik ütüsü
Atamın biçənək ətirli
pal-paltarıyçün...
Ütüyə gəlmir ancaq
heç birisi!
Atamdan qalanlar
sandıq vətəndaşı
illərdir qırışmır
Anamın əlləri qırışıb ancaq,
ütümüz də qocalıb.
Atamın pal-paltarı
cəzasını çəkir
sandıq küncündə
dərsə hazırlıqsız bir şagird kimi.
Gözləyirəm...
iki ilə,
üç ilə ...
bəlkə nə vaxtsa...
boyum çata atama.
Geyəm paltarlarını.
yıxam özümü yerdən-yerə,
sürünəm asfalt üstdə,
bəlkə bir az qırış qatam
bəlkə bir az çirkləndirəm
sevindirəm anamın əllərini,
sevindirəm ütümüzü...
...Anamı heç elə görməmişdim
Atamı gətirəndə
sıxmışdı əllərini...
camaat görməsəydi
yumruqlardı atamı:
“bu iki yetimə bəs, kim baxacaq?!”
...Sonralar
üzümə baxıb,
saçıma əl gəzdirdi
və...
“şəhidlər ölməz” dedi...
Yayın gözü açılan kimi
anam yorğan-döşək çırpır
həyətdə.
Gözündə sevgi,
qolunda nifrət.
Çırpır
ürəyinin çırpıntısını,
çırpır atamın yoxluğunu.
...Atamın izini,
dizini döyür anam.
Sonra nəsə fikirləşib
gözünü döyür anam...
Şəhid məzarlarını...
Şəhid məzarlarını
mərmərə bükdük,
daş qoyduq başlarına
qalxa bilməsinlər
üzümüzə tüpürməyə.
Bu yaşıma görə
Şəhidlər Xiyabanında
18 yaşlı
başdaşları
utandırdı məni.
məndən kiçikdi hələ
məndən öncə doğulanlar
əmi deyib
üstümə qaçır başdaşları
bir əsgərin ölüm günü
başdaşının doğum günüymüş.
can qoydular
nə düşdü paylarına
sağ qalanlar
daşladılar
torpağının başını.
Şəhid məzarlarını
mərmərə bükdük,
daş qoyduq başlarına
qalxa bilməsinlər
üzümüzə tüpürməyə.
Əhməd Cavadın 130 illiyi ilə əlaqədar sərgi də açılıb
Bakı Şəhər Mədəniyyət Baş İdarəsi Xəzər rayon Mərkəzləşdirilmiş Kitabxana Sisteminin Mərkəzi Kitabxanasında Əhməd Cavadın anadan olmasının 130 illiyi ilə əlaqədar sərgi açılıb.
Baş İdarədən bildirilib ki, Mərkəzi Kitabxananın direktor əvəzi Jalə Əliyeva və İnformasiya-resurs şöbəsinin müdiri Nilufər Abdulova Azərbaycan ədəbiyyatının görkəmli simalarından olan Əhməd Cavadın həyat və yaradıcılığı barədə oxuculara geniş məlumat verib.
Tədbirin bədii hissəsində şairin şeirləri səsləndirilərək, onun 130 illiyi ilə əlaqədar təşkil olunmuş sərgiyə baxış keçirilib.
Milli istiqlal şairi Əhməd Cavadın 130 illiyi ilə əlaqədar tədbir keçirilib
Ötən gün Bakı Şəhər Mədəniyyət Baş İdarəsinin Nərimanov rayon Mərkəzləşdirilmiş Kitabxana Sisteminin Mərkəzi Kitabxanasında öz şeirləri ilə xalqı milli azadlığa səsləyən böyük şair Əhməd Cavadın 130 illiyi ilə əlaqədar tədbir keçirilib.
Baş İdarədən AzərTAC-a bildirilib ki, əvvəlcə sözləri görkəmli Azərbaycan şairi Əhməd Cavada məxsus olan Azərbaycan Respublikasının Dövlət Himni səsləndirilib.
Kitabxananın əməkdaşı Günay Süleymanova şair Əhməd Cavadın həyat və yaradıcılığı haqqında ətraflı məlumat verərək bildirib ki, ədəbi mühitdə və geniş ictimaiyyətdə həm də cümhuriyyət dövrünün ən parlaq şairi kimi tanınan Ə.Cavadın bədii, siyasi ideya dünyası təbiət və sevgi lirikası qədər zəngindir: “Onun Azərbaycanın müstəqilliyi, dövlət quruculuğu sahəsindəki fəaliyyəti, həmçinin mövqeyi yeni romantik və vətəndaşlıq poeziyamızın parlaq nümunələrini yaratması ilə xarakterizə olunur. Ə.Cavad şeir-sənət aləminə qatıldığı ilk günlərdən Azərbaycan türklərinin və türk dünyasının milli şairi kimi sevilib. Onun “Çırpınırdı Qara dəniz” şeirinə dostu dahi Üzeyir bəyin bəstələdiyi musiqi 75 ildən çoxdur ki, dost və qonşu Türkiyənin ən önəmli marşlarından biri kimi mütəmadi olaraq radiolarda, televiziyalarda səsləndirilərək rəsmi tədbirlərdə, məclislərdə, mərasimlərdə, eləcə də təntənəli ziyafətlərdə ifa olunmaqdadır”, - deyə kitabxana əməkdaşı bildirib.
Sonra tədbirdə böyük şair Əhməd Cavadın ömrünün sonuna qədər milli istiqlal ideyalarına sadiq qalaraq, hüquqları çeynənən bir ölkənin haqq səsi olmasından danışılaraq, təqiblərin, məhbəs və işgəncələrin onun iradəsini qıra bilməməsi və şairin bir dəfə də olsun xalqına, eləcə də qələminə xəyanət etməməsindən bəhs edilib: “Ə.Cavad son nəfəsinədək Azərbaycanın azadlığına sadiq qalaraq, bu yolda şəhidlik zirvəsinə ucalan vətənpərvər kimi, həmçinin Azərbaycan istiqlalının böyük şairi kimi yaddaşlarımızdan heç zaman silinməyəcək”.
Tədbirə bədii hissə ilə yekun vurulub.
“Avroviziya 2023” mahnı müsabiqəsi Ukraynada deyil, Böyük Britaniyada keçiriləcək
“Avroviziya 2023” mahnı müsabiqəsi Böyük Britaniyada keçiriləcək, bu barədə xarici KİV xəbər verir ki. Onlar Avropa Yayım Birliyini (EBU) məlumatını yayıblar.
Təşkilat yarış iştirakçılarının, əməkdaşların və təşkilatçıların təhlükəsizliyinin təmin edilməsində üzərinə düşən məsuliyyəti nəzərə alaraq, bu qərarı verib. EBU ev sahibi ölkədə müvafiq şəraitin təmin edilməsi istiqamətində işlərin dərhal başlamalı olduğunu vurğulayıb.
Xatırladaq ki, Ukrayna 631 xalla “Avroviziya- 2022” mahnı müsabiqəsinin qalibi olmuşdu. Təşkilat “Avroviziya -2023”ün Ukraynadan keçiriləcəyi ilə bağlı qərar da qəbul etmişdi.
“Qarabağ Gecəsi” xeyriyyə konsertinin iştirakçıları təltif olunub
Azərbaycan Respublikası Mədəniyyət Nazirliyi və Qarabağ Dirçəliş Fondu tərəfindən “Qarabağ Gecəsi” xeyriyyə konsertinin ərsəyə gəlməsində dəstək olan iştirakçılar təltif olunublar.
“Ədəbiyyat və incəsənət” portalı Mədəniyyət Nazirliyinə istinadən xəbər verir ki, Q.Qarayev adına Azərbaycan Dövlət Kamera Orkestri, xalq artistləri Fəxrəddin Kərimov, Fərhad Bədəlbəyli, əməkdar artistlər Aygün Mübariz, Arzu Əliyeva, Ceyla Seyidova, Nərgiz Əliyeva, ifaçılar Günay İmamverdiyeva, Babək Şuşalı, Cəlal Kərimov, tarzən Rövşən Qurbanov, aparıcılar, Azərbaycan Dövlət Akademik Filarmoniyasının nümayəndəsi “Təşəkkür Sertifikatı” ilə təltif olunub.
Qeyd olunmalıdır ki, xeyriyyə konsertindən əldə edilən vəsait işğaldan azad olunan ərazilərin bərpası və yenidən qurulması istiqamətində həyata keçirilən tədbirlərə yönəldiləcəkdir.
“Şuşa mədəniyyətinin inciləri” layihəsində bu dəfə Vasif Adıgözəlov
Mədəniyyət Nazirliyinin “Şuşa mədəniyyətinin inciləri” layihəsi müxtəlif bölmələr üzrə təqdimatlarla davam edir. “Şuşa İli” münasibətilə həyata keçirilən layihənin “Şuşanın simaları” bölməsinin növbəti təqdimatı Vasif Adıgözəlova həsr olunub.
“Ədəbiyyat və incəsənət” portalı Mədəniyyət Nazirliyinə istinadən xəbər verir ki, musiqi mədəniyyətimizə möhtəşəm töhfələr verən Vasif Adıgözəlov bu gün də incəsənət xadimləri, musiqiçilər tərəfindən böyük minnətdarlıqla xatırlanır, əsərləri repertuarlardan düşmür.
Vasif Adıgözəlov Bakıda doğulub boya-başa çatsa da, ata yurdu Qarabağı heç vaxt unutmayıb. İlk musiqi təhsilini konservatoriyanın nəzdindəki 10 illik musiqi məktəbində pianoçu kimi alıb. 1953-cü ildə Azərbaycan Dövlət Konservatoriyasına daxil olub. Bəstəkarlıq üzrə Qara Qarayevin, fortepiano üzrə Simuzər Quliyevanın sinfində təhsilini davam etdirib. 1959-cu ildə həmin təhsil ocağını iki ixtisas üzrə bitirib. 1958-ci ildən əmək fəaliyyətinə başlayan sənətkar müxtəlif mədəniyyət ocaqlarında məsul vəzifələrdə çalışıb. Bəstəkarın əməyi hər zaman yüksək qiymətləndirilərək ən yüksək fəxri adlara, orden və medallara layiq görülüb.
Vasif Adıgözəlovun əsərləri nəinki ölkəmizin, dünyanın bir çox yerlərində, o cümlədən, Almaniya, Bolqarıstan, Çexiya, Meksika, Kosta-Riko, Venesuela, Kuba, Türkiyə, İran və keçmiş SSRİ respublikalarının musiqi ictimaiyyətinə yaxşı tanışdır.
Bəstəkar 2 operanın - "Ölülər" və "Natəvan", 6 musiqili komediyanın - o cümlədən, "Nənəmin şahlıq quşu", bəstəkar Ramiz Mustafayevlə birgə yazdığı "Hacı Qara", "Boşanaq - evlənərik", "Aldın payını, çağır dayını", həmçinin, "Odlar yurdu", "Qarabağ şikəstəsi", "Çanaqqala-1915", "Qəm karvanı" oratoriyalarının, 3 simfoniyanın, "Segah" muğam-simfoniyasının, "Mərhələlər", "Afrika mübarizə edir" simfonik poemalarının, 5 instrumental konsertin, çoxlu sayda kamera-instrumental əsərlərin, 100-ə qədər mahnı və romansın, dram tamaşalarına və kinofilmlərə yazılmış musiqinin müəllifidir.
Bəstəkarın yaradıcılığında monumental vokal-simfonik əsərlər də üstünlük təşkil edir. Onun müxtəlif illərdə bəstələdiyi "Odlar yurdu", "Qarabağ şikəstəsi", "Çanaqqala-1915" oratoriyaları xalqın tarixini, onun azadlıq və müstəqillik uğrunda mübarizəsini və qələbəsini tərənnüm edən yüksək vətənpərvərlik ruhunda yazılmış sənət əsərləridir. Xüsusilə, "Çanaqqala-1915" qəhrəmanlıq epopeyasına ilk dəfə Azərbaycan bəstəkarı Vasif Adıgözəlov müraciət etmiş və bu monumental əsər Türkiyə xalqının həyatında əlamətdar bir hadisə kimi yüksək qiymətləndirilib.
İri monumental əsərlərlə yanaşı, bəstəkarın mahnıları da öz səmimi, ecazkar melodiyası ilə xalqımızın ürəyinə yol tapıb. Onun dillər əzbəri olan "Qərənfil", "Bakı", "Xoşum gəlir", "Naz-naz", "Şuşa laylası", "Ana" kimi mahnıları insanın ülvi hisslərinin yüksək bədii təzahürüdür.
Şuşanın, daha sonra bütün Qarabağın işğal edilməsi Vasif Adıgözəlovu son dərəcə sarsıtmışdı. Təsadüfi deyil ki, ömrünün sonlarında bəstələdiyi əsərlərdə kədər notları daha çox sezilirdi. “Qarabağ şikəstəsi” oratoriyası, “Qəm karvanı”, “Şuşam laylay” əsərləri, üzərində sərasər on bir il işlədiyi “Natəvan” operası Qarabağ həsrətindən yaranmışdı.
Görkəmli bəstəkar 2006-cı il sentyabrın 16-da dünyasını dəyişib və Fəxri xiyabanda dəfn olunub.
Şuşa şəhərinin 2020-ci il noyabrın 8-də müzəffər Ali Baş Komandan İlham Əliyevin rəhbərliyi ilə rəşadətli Ordumuz tərəfindən azad edildi.
Ölkəmizin mədəniyyət paytaxtı Şuşanın Cıdır düzündə keçirilən “Xarıbülbül” musiqi festivalında Vasif Adıgözəlovun “Qarabağ oratoriyası”na görkəmli bəstəkarın oğlu Yalçın Adıgözəlov dirijorluq edirdi.
Şuşadan, Qarabağdan ayrılmağı sonsuz kədərlə qarşılayan bəstəkar təbii ki, bu itkinin müvəqqəti olmasına inanırdı və bu inamın, bu təntənəli qayıdışın akkordları elə ilk notlardan hiss olunurdu. Bu unudulmaz günədək yaşamaq bəstəkara nəsib olmasa da, 30 ildən sonra onun möhtəşəm Zəfər müjdəli notlarının Cıdır düzündə səslənməsi qala-konsertin kulminasiya nöqtəsi oldu.
Bir hissəsi Bakıda çəkilən Hollivud filmi “Netflix”də yayımlanıb
Bir qismi Bakıda çəkilən "The Gray Man" filmi 22 iyulda "Netflix" platformasında yayımlanıb.
Xarici mətbuat xəbər verir ki, ekran işində Ana de Armas, Rayan Qoslin, Kris Evans və Riqi-Cin Peys kimi dünya ulduzları yer alır.
"The Gray Man" üçün 200 milyon dollardan çox büdcə sərf edilib.
Qeyd edək ki, sözügedən layihədə azərbaycanlı personaj da var.
Füzuli Məcidlinin beynəlxalq münasibətlərdən bəhs edən monoqrafiyası nəşr olunub
Beynəlxalq Türk Akademiyasının vitse-prezidenti Füzuli Məcidlinin “Qloballaşma - beynəlxalq münasibətlərdə paritetlik problemi” adlı monoqrafiyası işıq üzü görmüşdür.
“Ədəbiyyat və incəsənət” portalı xəbər verir ki, bir neçə il öncə çox az sayda çapdan çıxmış bu monoqrafiya aktuallığı nəzərə alınaraq yenidən nəşr edilmişdir.
Moniqrafiya politoloqlar, diplomatlar, beynəlxalq münasibətlərlə maraqlananlar, tələbələr, mütəxəssislər üçün olduqca maraqlıdır, oxumağa dəyər.
Nigar Arif “Global Poet 2022” Sertifikatına layiq görülüb
2021-ci ildə ABŞ-ın Texas ştatında hazırlanan Dünya Şeir Marşı videosu boyunca 67 ölkədən 329 şairin şəkil, ad və ölkələrinin bayrağı rəsmi paylaşım saytında yer almışdı, azərbaycanlı şairə Nigar Arif də onların arasındaydı.
“Ədəbiyyat və incəsənət”portalı xəbər verir ki, bu il bu siyahı daha da artırılıb, əlavə ölkələrdən şairlər əlavə olunub. Dünya şeir marşında iştirakına görə şairlərə “Global Poet 2022” sertifikatları verilib.
Həmyerlimiz də sertifikata layiq görülüb.
Böyük yolun zəvvarı… - Bir jurnalist haqqında ballada…
“Seçilmişlər” rubrikasında Elman Eldaroğlu sizlərə npvbəti seçilmişi təqdim edir.
Qayğıkeş adamdır. İmkanlarını bölüşməyi bacarır. Xeyli dostları var. Mübahisə etməyi xoşlamır. Bu da ona insanlarla münasibətdə sevgi və şöhrət gətirir. Həyatda nəyinsə həddindən artıq olmasını arzulamır, tünlükdən, gündəmə düşməkdən yayınır…
Haqqında söhbət açmaq istədiyim Vüqar Zifəroğlu 1978-ci ildə Bakı şəhərində anadan olub. 1995-ci ildə 190 № orta məktəbi bitirdikdən sonra Bakı Dövlət Universiteti Beynəlxalq jurnalistika ixtisasına qəbul olunub. Həmin ixtisas üzrə 1999-cu ildə fərqlənmə diplomu ilə bakalavr, 2001-ci ildə isə yüksək nəticələrlə magistr pillələrini bitirib. 1997-ci ildən mediada analitik və araşdırma məqalələrilə çıxış edir. Eyni zamanda müxtəlif televiziya kanallarına ekspert olaraq dəvət olunur.
2001-ci ildən BDU-nun Jurnalistika fakültəsində çalışırır. 2001-2004-cü illərdə jurnalistikanın nəzəriyyəsi və təcrübəsi kafedrasında, 2004-2006-cı illərdə isə beynəlxalq jurnalistika kafedrasında baş laborant vəzifəsində çalışıb. 2006-cı ildən Beynəlxalq jurnalistika kafedrasının müəllimi, 2011-ci ildən dosentidir. 2010-2017-ci illərdə “Jurnalistika” Elmi Tədqiqat Laboratoriyasını müdiri-aparıcı elmi işçi vəzifəsində çalışıb. 2017-ci ilin may ayından Jurnalistika fakültəsinin dekanıdır. 2005-ci ildə jurnalistika ixtisası üzrə elmi iş müdafiə edərək, filologiya elmləri namizədi, 2017-ci ildə isə yenə də həmin ixtisas üzrə doktorluq dissertasiyasını müdafiə edərək, Filologiya elmləri doktoru alimlik dərəcələrinə yiyələnib.
“Əməkdar jurnalist” fəxri adına layıq görülüb…
Yüksək bilik, mütaliə istedadın cövhəridir. İfadə olunan fikri cilalayıb, məzmununa xüsusi rəng qatır. Vüqar Zifəroğlu məhz bu keyfiyyətləri sayəsində uğurlara imza atıb və jurnalistikanın işıqlı simalarından biri kimi tanınır. Bir neçə kitabın müəllifidir…
Tapdım! O, böyüklüyə tərəf gedən yolun zəvvarıdır. İbadətin qəbul olsun, professor!..
