Mədəniyyət Nazirliyinin təşkilatçılığı ilə Türkiyənin İzmir şəhərində Ege Universitesi Dövlət Türk Musiqi Konservatoriyasında Azərbaycan Dövlət Akademik Filarmoniyasının "Gənclərə dəstək" layihəsi çərçivəsində görkəmli bəstəkar Fikrət Əmirovun 100 illiyinə həsr olunmuş konsert keçirilmişdir. 

“Ədəbiyyat və incəsənət” portalı Mədəniyyət Nazirliyinə istinadən xəbər verir ki, konsertdə dahi bəstəkar Fikrət Əmirovun əsərləri səslədirilmişdir. Konsertin solistləri "Gənclərə dəstək" layihəsi iştirakçıları, respublika və beynəlxalq müsabiqələr laureatları, prezident təqaüdçüləri idi. Qeyd edək ki, layihənin rəhbəri Xalq artisti, Filarmoniyanın direktoru Murad Adıgözəl-zadə, koordinatoru isə musiqişünas Ayla Kərimova-Zəkəriyyədir.

*

Azərbaycan Respublikası Mədəniyyət Nazirliyinin təşkilatçılığı ilə İzmir şəhərində Suat Taşer Sanat Mərkəzində Azərbaycan Dövlət Akademik Filarmoniyasının "Gənclərə dəstək" layihəsi iştirakçılarının "Şuşa ili" çərçivəsində konserti də keçirilmişdir.

Proqramda respublika və beynəlxalq müsabiqələr laureatları Nurlanə Abdullazadə (vokal), Zümrüd Məmmədova (xanəndə), Zəminə Babayeva Yalçın (qanun), Nuranə Əliyeva (piano), Elçin Hetəmli (tar), Surə Rüfət (violin) və Azərbaycan Milli Konservatoriyasının baş müəllimi, prezident mükafatçısı, Azərbaycan Dövlət Akademik Filarmoniyasının Xalq Çalğı alətləri orkestirinin artisti qanun ifaçısı Natəvan Həsənova və onun tələbələri İlkanə Cəfərova, Təhminə Əlixanova, Ülviyyə Dadaşova, Zilhiccə İsmayılova tamaşaçılara biri birindən gözəl ifalar təqdim etdilər. Bütün iştirakçıları konsertdə Azərbaycan Respublikasının Əməkdar artisti Nərgiz Əliyeva müşayiət edirdi.

Tədbirin koordinatorları - Azərbaycan Dövlət Akademik Filarmoniyasının quruluşçu rejissoru, musiqişünas Ayla Kərimova-Zəkəriyyə və Ege Universitesi Dövlət Türk Musiqi Konservatoriyasının doktorantı, qanun ifaçısı Zəminə Babayeva Yalçın idi. Onu da qeyd etmək lazımdır ki, Zəminə Babayeva Yalçın ilk azərbaycanlı qanun ifaçısıdır ki xaricdə “Türkiyə və Azərbaycan musiqisində qanun ifaçılığı” adlı kitabını nəşr etdirib.

Konsertin sonunda Zümrüd Məmmədovanın ifasında “Qarabağ şikəstəsi” səslədirilmişdir və iştirakçılar diplom və təşəkkürnamələr ilə təltif olunmuşdurla. “Halk Eğitimi  Merkezi”nin direktoru Suat Korkmaz "Gənclərə dəstək" layihəsinin təşkilatçılarına, Mədəniyyət Nazirliyi və Akademik Filarmoniyaya təşəkkürünü bildirib.

Qeyd edək ki, M.Maqomayev adına Azərbaycan Dövlət Akademik Filarmoniyası rəhbərliyinin təşəbbüsü və Mədəniyyət Nazirliyinin dəstəyi ilə "Gənclərə dəstək" layihəsi 2016-cı ildən həyata keçirilir. Ötən müddətdə gənc musiqiçilərə sənət yolunda dəstək olan layihə üzrə çoxsaylı konsertlər təşkil edilib.

Azərbaycan Respublikası Mədəniyyət Nazirliyinin Ekologiya və Təbii Sərvətlər Nazirliyi ilə birgə Şuşa şəhərində təşkil etdiyi “Postmünaqişə dövründə humanitar gündəliyin inkişafı: mədəni mühitin canlandırılması yolu ilə davamlı inkişaf” mövzusunda beynəlxalq konfrans başa çatıb. 

“Ədəbiyyat və incəsənət” portalı AzərTAC-a istinadən xəbər verir ki, iki gün davam edən konfrans çərçivəsində bir neçə plenar sessiya keçirilib. Beynəlxalq layihənin qonaqları sırasında ICESCO-nun baş direktoru Salim bin Məhəmməd əl-Malik, Türkdilli Dövlətlərin Əməkdaşlıq Şurasının (Türk Şurası) Baş katibi Bağdad Əmrəyev, Maltanın UNESCO üzrə Milli Komissiyasının sədri Raymond Bondin, BMT-nin Sivilizasiyalar Alyansının ali nümayəndəsi Migel Anhel Moratinos, Beynəlxalq Türk Mədəniyyəti və İrsi Fondunun prezidenti Günay Əfəndiyeva və digər rəsmilər iştirak ediblər.

Mayın 20-də keçirilən konfransın üçüncü plenar sessiyası “Keçmiş problemlər - gələcək perspektivlər: urbisid kontekstində irsin idarə olunması siyasətinin tətbiqi” mövzusuna həsr edilib. 

Sessiyada mədəni irs üzrə ekspert Alessandro Bianki, Şuşa Şəhəri Dövlət Qoruğu İdarəsi İdarə heyətinin sədri Məftun Abbasov, “Romualdo Del Bianko” fondunun baş katibi Simone Ciometti, “Cultural Futures LLC” təşkilatının direktoru Terri Sandel, Tarixi Yerlər və Abidələrin Mühafizəsi Şurası – ICOMOS-un Azərbaycan Milli Komitəsinin prezidenti Sədaqət Davudova, “Viafrancigena” mədəni marşrutu elmi komitəsinin üzvü Kristian Şule çıxış ediblər.

Çıxışlarda bildirilib ki, Şuşa nəinki Azərbaycan üçün, həm də region üçün mühüm əhəmiyyətə malik bir şəhərdir. Qeyd edilib ki, Azərbaycan dövləti tərəfindən Qarabağda həyata keçirilən bərpa prosesi dünya üçün yeni bir nümunədir və burada öyrəniləsi çoxlu dərslər var. 

Diqqətə çatdırılıb ki, mədəni fəaliyyətlər, eyni zamanda, ölkədə turizmin inkişaf etməsinə böyük töhfə verir. Tarix və irs mədəni bərpanın əsasıdır. Məhz tarixi bilgilər əsasında ərazi haqqında geniş təsəvvür əldə edilir.

Panelin sonunda iştirakçıların sualları cavablandırılıb.

Günün ikinci yarısında sayca dördüncü - sonuncu plenar sessiya keçirilib. Sessiyada “Yerli və regional icmalarda dayanıqlı həyat tərzinin dəstəklənməsi ilə ekosistemlərin qorunması” mövzusunda müzakirələr aparılıb. Plenar sessiyada İslam dünyası təhsil, elm və mədəniyyət təşkilatının (ICESCO) “Dayanıqlı və ağıllı şəhərlər” layihəsinin koordinatoru Fuad El Ayni, BMT-nin ərzaq və kənd təsərrüfatı təşkilatının mərkəzi Asiya üzrə subregional ofisinin eksperti Kaan Evren Basaran, Biomüxtəliflik, qorunan ərazilər, vəhşi təbiətin mühafizəsi və digər ekoloji problemlər üzrə ekspert Hartmurt Müller, Biomüxtəliflik və ekosistem xidmətləri üzrə hökumətlərarası elm-siyasəti platformasının (BEXHP/ IPBES) nümayəndəsi Rövşən Abbasov çıxış ediblər. 

Natiqlər bildiriblər ki, “Ağıllı şəhər” konsepsiyası modern dünyada mühüm əhəmiyyətə malikdir və bu kimi şəhərlərin yaradılması, inkişafı insanların yaşam şəraitinə müsbət təsir göstərəcək. Eyni zamanda, bununla bağlı müxtəlif təlimlər keçirilməlidir. 

Diqqətə çatdırılıb ki, dünyada baş verən iqlim dəyişikliyinin aclıq və digər resursların məhdudlaşmasına səbəb olur. Qarabağda ətraf mühitin yaşıllığı, havanın təmizliyi insanda pozitivlik yaradır və bu regionun yaşıllığı ətraf mühitə öz təsirini göstərir. Azərbaycanın gözəl, mükəmməl ərazi sistemi var. “Ağıllı kənd” layihəsinin həm ekosistem üçün, həm də modern texnologiyalardan istifadə üçün gözəl plan olduğu vurğulanıb. 

Panelin sonunda iştirakçıları maraqlandıran suallar cavablandırılıb və bağlanış mərasimi keçirilib. 

Beynəlxalq konfransın bağlanış tədbirində Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidmətinin rəisi Azad Cəfərli iki gün keçirilən tədbirin əhəmiyyətini qeyd edib, müzakirə olunan mövzuların perspektivliyini diqqətə çatdırıb. Qeyd edib ki, postmünaqişə mövzusu birgə düşünməyə vadar edir və müzakirə edilən məsələlər öz müsbət nəticəsini verəcək.

Tədbirin sonunda beynəlxalq konfransın iştirakçıları birgə müraciət yayıblar.

Daha sonra qonaqlar üçün Şuşa şəhərinə ekskursiya təşkil edilib. Qonaqlar şəhərin dağıdılmış obyektləri, mədəni irs nümunələrinə qarşı erməni vandalizminin şahidi olublar. 

Beynəlxalq konfrans çərçivəsində, həmçinin mədəni proqram da təqdim olunub. Proqramda Azərbaycan xalq rəqsləri, muğam və xalq musiqisi nümunələri ifa edilib.

Beynəlxalq konfransın bağlanış tədbirində Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidmətinin rəisi Azad Cəfərli  iki gün keçirilən tədbirin əhəmiyyətini qeyd etdi. İştirakçılara təşəkkür edərək müzakirə olunan mövzuların perspektivliyini diqqətə çatdırdı. 

Qeyd etdi ki, postmünaqişə mövzusu birgədüşünməyə vadar edir. Ümid edirəm ki, müzakirə edilən məsələlər öz müsbət nəticəsini verəcəkdir.

Daha sonra qonaqlar üçün  Şuşa şəhərinə ekskursiya təşkil edildi. Qonaqlar şəhərin  dağıdılmış obyektləri, mədəni irs  nümunələrinə qarşı erməni vandalizminin şahidi oldular.  

Beynəlxalq konfrans çərçivəsində həmçinin mədəni proqram da təqdim olundu. Proqramda Azərbaycan xalq rəqsləri, muğam və xalq musiqisi nümünələri təqdim edilib. Xarici qonaqlar ölkəmizin zəngin mədəniyyəti ilə tanış oldular.

Günün fotosu: Time-ın versiyasında Zelenski ilin ən nüfuzlu adamı seçilib

Ukrqyna prezidenti Vladimir Zelenski Time jurnalı oxucularının versiyasında 2022-ci ilin ən nüfuzlu adamı seçilib. 

Siyahı jurnalda mayın 23-də dərc ediləcək.

Foto: Euronews

Tofiq Məlikli “Vaqon”da Dağlarca ilə poeziya və həyat söhbətləri... –

Fazil Hüsnü Dağlarcanın şeirləri Tofiq Məliklinin təqdimatında

Janrın sərhədlərinə sığan və sığmayan mətnlər – Azər Turanın qurultayqabağı publisistika məruzəsi

Vaqif Yusifli – Hekayəçi (Təranə Vahidin yaradıcılığı haqqında)

Gülxani Pənah – Taleyin yazısı... (Rəsul Rza haqqında)

Cavanşir Yusifli – Müharibədən necə yazmalı... (Orxan Həsəninin “Qırmızı ayaqqabılar” hekayəsi haqqında)

İlqar Fəhmi – Azərbaycan Yazıçılar Birliyinin regional bölmələrinin və internet resurslarının fəaliyyəti haqqında məruzə

Rahid Ulusel – Vaqif Bəhmənli – özü və sözü barədə

Mahirə Quliyeva – Natəvan qədərli şairə

Sayman Aruz - Praktik irfanda insan azadlığı, ya ixtiyar məsələsi

Kənan Hacı – Sözə çevrilmiş səs. İki səs, bir söz ustadının xatirəsinə (Xanəndə Mirzə Güllər haqqında)

“Həqiqəti yazmaq asan məsələ deyil...” – “Fikir bucağı”nın qonağı şair Oqtay Şamildir (Söhbətləşdi: Tural Cəfərli)

Səddam Laçın – “Öldürən qəbirlər” (Hekayə)

Rəvan Cavid – Roman və ya miflərin tale oyunu (Şamxal Həsənovun “Səs və ya qırmızı” romanı haqqında)

Aləmzər Əlizadə - Mən də şükür deyirəm (Rəşad Məcidin “Səbəbi sənsən” kitabı haqqında düşüncələr)

Əlövsət Bəşirli – “Üzlərdə təbəssüm” (Hekayə)

Həmçinin bu sayımızda Nəriman Həsənzadə, Barat Vüsal, Sərvaz Hüseynoğlu, Elnur Uğur, Rafiq Oday, Zaur Ustac, Tural Turan, Kəmaləddin Qədim, Məhyəddin Məhərrəmoğlu və Zahid Avşar Eloğlunun şeirlərini oxuya biləcəksiniz.

Mənbə: Edebiyyatqazeti.az

Azərbaycanın mədəniyyət paytaxtı Şuşada “Münaqişədən sonrakı humanitar gündəliyin inkişafı: mədəni mühitin canlandırılması yolu ilə davamlı inkişaf” mövzusunda beynəlxalq konfrans keçirilib.

Konfransın dördüncü və sonuncu plenar sessiyasında “Yerli və regional icmalarda dayanıqlı həyat tərzinin dəstəklənməsi ilə ekosistemlərin qorunması” mövzusunda müzakirələr aparılıb. Plenar sessiyada spikerlər - İslam dünyası təhsil, elm və mədəniyyət təşkilatının (ICESCO) “Dayanıqlı və ağıllı şəhərlər” layihəsinin koordinatoru Fuad El Ayni, BMT-nin ərzaq və kənd təsərrüfatı təşkilatının mərkəzi Asiya üzrə subregional ofisinin eksperti Kaan Evren Basaran, Biomüxtəliflik, qorunan ərazilər, vəhşi təbiətin mühafizəsi və digər ekoloji problemlər üzrə ekspert Hartmurt Müller, Biomüxtəliflik və ekosistem xidmətləri üzrə hökumətlərarası elm siyasəti platformasının (BEXHP/ IPBES) nümayəndəsi Rövşən Abbasov çıxış ediblər. 

Konfransda çıxış edənlər bildiriblər ki, “Ağıllı şəhər” konsepsiyası modern dünyada mühüm əhəmiyyətə malikdir və bu kimi şəhərlərin yaradılması, inkişafı insanların yaşam şəraitinə müsbət təsir göstərəcək. Eyni zamanda bununla bağlı müxtəlif təlimlər keçirilməlidir. 

Diqqətə çatdırılıb ki, dünyada baş verən iqlim dəyişikliyinin aclıq və digər resursların məhdudlaşmasına səbəb olur. Qarabağda ətraf mühitin yaşıllığı, havanın təmizliyi insanda pozitivlik yaradır və bu regionun yaşıllığı ətraf mühitə öz təsirini göstərir. Azərbaycanın gözəl, mükəmməl ərazi sistemi var. “Ağıllı kənd” layihəsinin həm ekosistem üçün, həm də modern texnologiyalardan istifadə üçün gözəl plan olduğu bildirilib. 

Panelin sonunda iştirakçıları maraqlandıran suallar cavablandırılıb və bağlanış mərasimi keçirilib.

CIBS Europe şirkəti və Milli QHT Forumu sizə inanılmaz bir layihə təqdim edir. Türkiyənin ən tanınmış fizioqnomisti, "Yüzebakan adam - Dünyanın Ən Yaxşı Üz Oxuma Mütəxəssisi" patentini almış Ahmet Akca və Profayler Təbriz Hacınskinin təqdimatında “İNSAN TANIMA SƏNƏTİ" layihəsi ilə tanış olacaqsınız. Layihə ödənişsizdir.

“Ədəbiyyat və incəsənət” portalı xəbət verir ki, “İNSAN TANIMA SƏNƏTİ” insan şəxsiyyətinin üz əzələlərinin formalaşması vasitəsi ilə tanınmasıdır. Bu təlimdə iştirak etməklə qarşınızdakı insanın foto və ya canlı olaraq üz əzələləri vasitəsi ilə xarakterini müəyyən edə biləcəksiniz.

Bir şeyi unutmayın: Hər bir insanın həyatını necə yaşaması onun birbaşa simasında əksini tapır... 

Beləliklə, Şəxsi İnkişaf Yarmarkası + 2 saatlıq təlim + Sertifikat - bunlar hamısı sizə ödənişsiz başa gələcək. Seminar 30 % nəzəriyyə, 70 % isə praktikanın üzərində qurulacaq.

Keçirilmə yeri: Ask Arena (keçmiş “Şəfa” stadionu)

Tədris müddəti: 1 gün 

Başlanma tarixi: 22.05.2022

Başlanma saatı : 15:00

Təlimdə 6000 nəfərin iştirakı nəzərdə tutulmuşdur. Saat : 11:00-18:00 -dək Şəxsi İnkişaf Yarmarkası fəaliyyət göstərəcək. 

BURADAN QEYDİYYATDAN KEÇƏ BİLƏRSİNİZ:

 https://docs.google.com/forms/d/1dN8SbuqEMJ6X0wYNBkQyy5jOsj8gzaSbcCipR-I65EM/edit

Ətraflı məlumat və qeydiyyat üçün telefon nömrəsi (055) 374-80-63

#cibs #insantanima #tabrizhajinski #ahmetakca

Günün fotosu: Avropada anomal istilər olacaq

Bu həftəsonu Avropada, xüsusən İspaniya və Fransada anomal istilərin müşayiət olunacağı bildirilir. Elə bu gün İspaniyada 39, Ftansada 30 dərəcə isti qeydə alınıb.

Son dəfə mayın bu vədəıərində belə istilər 20 il öncə qeydə alınıb.

Foto: Euronews

Mədəniyyət Nazirliyinin təşkilatçılığı ilə mayın 20-dən 27-dək Bakıda ilk dəfə Beynəlxalq Piano Festivalı keçiriləcək.

“Ədəbiyyat və incəsənət” portalı Mədəniyyət Nazirliyinə istinadən bildirir ki, "Piano sizə ilham versin!" şüarı altında təşkil olunacaq I Bakı Beynəlxalq Piano Festivalı dünyanın hər yerindən olan virtuoz pianoçulara özünü Bakı səhnəsində nümayiş etdirməyə imkan verəcək. 

Festival çərçivəsində şəhərin bir neçə konsert müəssisəsində 15-ə yaxın konsertin keçirilməsi nəzərdə tutulub. Həmin konsertlərdə ilk dəfə olaraq pianoda mümkün olan bütün janrların – caz, flamenko, tanqo, klassik və s. ifası planlaşdırılıb.

Festival klassik musiqi sədaları ilə açılacaq. Xalq artisti Yalçın Adıgözəlovun dirijorluğu ilə Üzeyir Hacıbəyli adına Azərbaycan Dövlət Simfonik Orkestrinin müşayiəti və Fransız pianoçu Remi Jenyenin ifasında Lüdviq van Bethovenin fortepiano və orkestr üçün 5 nömrəli konserti səslənəcək.

Növbəti konsertdə çıxış edəcək kvartetin tərkibinə Argentina, Belçika və Estoniyadan ən yaxşı musiqiçilər daxildir. Onları köhnə tanqo ənənəsinə olan ümumi ehtiras birləşdirir, onların köhnə və yeni tanqo klassikasının birləşməsindən yaranmış oynaq və nikbin musiqi alovunu Azərbaycandan hərarətli rəqs duetləri müşayiət edəcək.

Maks Villavekkia və Los Avrora qrupunun çıxışı flamenkoda, sanki artıq oturuşmuş klassikada yeni nəfəsdir. Flamenko səhnəsində xariqələr yaradan insanlar nəhayət ki, Bakıdadırlar.

Qırğızıstanlı Vikram Ruzaxunov bütün Mərkəzi Asiya regionunda cazın populyarlığında mühüm rol oynamış məşhur caz pianoçusudur.

Güvenç Dağüstün və Tanini Trionun musiqisi hər biri uğurlu beynəlxalq karyeraya malik eklektik və maraqlı musiqiçilərin ifasında yaranan türk bədii lirik mahnısıdır.

Valid Ağayevin rəhbərliyi altında Qara Qarayev adına Azərbaycan Dövlət Kamera Orkestrinin müşayiəti ilə Respublika və Beynəlxalq müsabiqələr laureatlarının çıxış edəcəyi “Gənclərə dəstək” layihəsinin iştirakçılarının konserti də festivalın maraqlı təqdimatlarından olacaq.

Həmçinin festival çərçivəsində Kəmalə Əlizadənin müasir musiqi axşamı təşkil olunacaq. K.Əlizadə Azərbaycanla İtaliya, Yunanıstan, İspaniya, Portuqaliya, İsrail, Niderland Krallığı, İtaliya arasında keçirilən “Dante ilə Füzuli dialoqu” kimi müxtəlif festivallarda bədii rəhbər, bəstəkar və pianoçu kimi fəaliyyət göstərib.

Vadim Abramov təkcə virtuoz piano ifaçısı deyil, o, ilk növbədə, emosional, rəqsə dəvət edən və həmişə heyrətamiz harmoniyalarla ilhamlandıran, ovsunlayan və cazibədar bir ab-havadır.

Nərgiz Əliyevanın lirik musiqisinin müşayiəti ilə Tərlan Növrəslinin yeni "Qarabağıma gəl" kitabının təqdimatı da yaddaqalan tədbirlərdən olacaq. Tərlan Növrəsli minlərlə romantik fəlsəfi şeirin, romanların, poemanın, elmi məqalələrin, dərsliklərin, proqramların, tədris-metodiki əsərlərin, müxtəlif nəşrlərdə çap olunmuş elmi məqalələrin müəllifidir.

Helqe Lin. İki ənənənin – Amerika və Skandinaviyanın sintezi. Müxtəlif mədəniyyətlər arasında körpülər qurmaq və təzadlarla məşğul olmaq həmişə onun yanaşmasının mərkəzində olub. Bu körpü geniş, ornamental və melodikdir. O, texniki virtuozluğu ilə, həyəcanlandıra bilən formaların zənginliyi, ilham və təsir imkanlarının geniş spektri ilə valeh edir, bu, müasir həyatla qırılmaz əlaqədir. O, introspektiv, minimal və ritmikdir.

Səidə Zülfüqarovanın ifasında Qriqin fortepiano konserti solo karyerasından kamera musiqisinə qədər şoular yaratmaqdan tamamilə fərqli mənşəli sənətçilərlə çıxış etməyə, enerjili, innovativ senarilərə qədər onun zəngin, axtaran və araşdıran şəxsiyyətini parlaq şəkildə əks etdirir. Eləcə də Vurğun Vəkilovun ifasında S.Raxmaninovun möhtəşəm II konserti. Adı gənc istedadların “Qızıl kitabı”na düşən və xüsusi aylıq təqaüdə layiq görülən klassik pianoçu. 2017-ci ildə "Prezident Gənclər Mükafatı"na layiq görülüb və hazırda Alfred Kortonun sinfində, "Ecole Normale de Musique de Paris"-də təhsil alır.

Marek Novotnı bir çox musiqi layihələri və ansambllar ilə eksperimentlər aparıb və qastrollarda olub. Onun son musiqi təcrübələri Chang-Şa/ÇİN Festivalının Qran-Prisinə layiq görülüb.

Züleyxa Usubova, Rövşən Əmrahov və Əyyub Əliyev Bakıdan olan üç istedadlı musiqiçidir. Onları müsabiqələrdəki qələbələr, uğurlu musiqi layihələri və musiqiyə böyük sevgi birləşdirir.

Festivala maestro Şahin Növrəslinin çoxdan gözlənilən konserti ilə yekun vurulacaq. Caz, klassik və muğamın çılğın vəhdəti, istənilən tamaşaçını heyran edəcək ifa tərzi.

Festival haqqında daha ətraflı məlumatı yarışmanın veb-saytından- https://bakupianofestival.com/ əldə etmək olar.