Gəncədə Aygün Səmədzadənin mahnılarından ibarət konsert izdihamla keçib

Fikrət Əmirov adına Gəncə Dövlət Filarmoniyasında Xalq artisti, öz bəstələri ilə qəlbləri fəth edən bəstəkar Aygün Səmədzadənin mahnılarından ibarət konsert proqramı baş tutub.

 

“Ədəbiyyat və incəsənət” portalına Filarmoniyadan verilən məlumata görə, gecədə Xalq artistləri İlqar Muradov, Eyyub Yaqubov, Teyyub Aslanov, Əməkdar artistlər Gülüstan Əliyeva, Abbas Bağırov, həmçinin Ayaz Qasımov, Kəmalə Əhmədova, Zaur Gəray, Zəminə Rəhimova, Səttar Qəmbərov, Sehri Əliyeva, Vüsal Hacıyev, Yeganə, Nazim Məmmədov, Emil Bədəlov, Elnaz Eyvazlı, Leyla İdrisova, İlkin Dövlətov, Zabitə, Pəviz Abdullayev, Leyla Rəhimova bəstəkarın sevilən mahnıları ilə çıxış ediblər.

 "Tut ağacım", "Arzular limanında", "Gecikmiş etiraf", "Bayatılar", "Eşq yağışı", "Peşmanam" və digər mahnılar gəncəlilər tərəfindən hərarətli alqışlarla qarşılanıb.

 

“Ədəbiyyat və incəsənət”

(13.03.2025)

 

Sayt Azərbaycan Respublikası Mədəniyyət Nazirliyi tərəfindən 2024-cü ildə “Qeyri-hökumət təşkilatları üçün qrant müsabiqəsi” çərçivəsində Azərbaycan Ədəbiyyat Fondunun həyata keçirdiyi “Yeniyetmə və gənclərdə mütaliə mədəniyyətinin formalaşdırılması” layihəsinin tərəfdaşı olaraq yenilənmiş, yeni bölmələr əlavə ediımiş, layihənin təbliği üzrə funksional fəaliyyət aparılmışdır.