Super User
Sultan Rayev: “Məqsədimiz türk xalqlarının gənc düşüncə adamlarını üzə çıxarmaqdır…”
SÖHBƏT KAŞQARLI MAHMUT HEKAYƏ MÜSABİQƏSİNDƏN GEDİR
Beynəlxalq Türk Mədəniyyət Təşkilatı - TÜRKSOY-un, onun nəzdində yaradılan Türk Dövlətləri Yazarlar Birliyinin, UNESKO-nun və Avrasiya Yazarlar Birliyinin dəstəyi ilə Azərbaycan da daxil olmaqla türk dünyasının 30-dan çox türk xalqları arasında "VII Beynəlxalq Kaşqarlı Mahmut hekayə müsabiqəsi" keçirilir.
TÜRKSOY-un Baş Katibi, qırğızıstanlı yazıçı Sultan Rayev müsabiqənin türk dünyası ədəbiyyatı nümayəndələri arasında daha istedadlı qələm adamlarını aşkar etmək və onları dünyaya tanıtmaq məqsədilə keçirildiyini qeyd edib.
Bu yerdə Rayevin öncəki günlərdə Report-a açıqlamasını xayırlayaq. Rayev demişdi:
"Bizim qırğız xalqı Çingiz Aytmatov kimi bəşəri dəyərləri özündə daşıyan, hələ sovetlər dönəmində cəsarətli fikirləri ilə təkcə qırğız cəmiyyətində deyil, dünyada tanınan azad düşüncə adamı yetişdirib. Məqsədimiz türk xalqlarının gənc düşüncə adamlarını üzə çıxarmaq, onları tanıtmaq, dostlaşdırmaq, aralarında fikir mübadiləsinə zəmin yaratmaqdır".
Qeyd edək ki, müsabiqə Türkiyə Cümhuriyyətinin quruluşunun 100, TÜRKSOY-un yradılmasının 30 illiyinə həsr olunub. Müsabiqənin mövzusu sərbəstdir. Hekayələr sentyabrın 15-dək qəbul olunacaq.
İndi isə mükafat fondu barədə:
Birinci yerin qalibi 35 min, ikinci yer 25 min, ücüncü yer 20 min Türk lirəsi ilə mükafatlandırılacaq. 10 min türk lirəsi isə bir nəfər fərqlənənə həvəsləndirici mükafat kimi veriləcək.
Qaliblərin müəyyənləşdirilməsi oktyabrın 1-də, beynəlxalq mükafatlandırma mərasimi isə dekabrın 4-də Ankarada keçiriləcək.
“Ədəbiyyat və incəsənət”
(26.07.2023)
Rejissor Qreta Qerviq kino tarixinə düşdü
QADIN REJİSSORUN ÇƏKDİYİ “BARBİ” FİLMİ REKORD QIRDI
Amerikalı qadın rejissor, mamblkor janrında hədsiz uğurlar qazanmış 40 yaşlı Qreta Qerviqin çəkdiyi "Barbi" filmi qısa zaman ərzində rekord məbləğdə gəlir əldə edib.
“Ədəbiyyat və incəsənət” portalı Kino.ru-ya istinadən xəbər verir ki, ekran əsəri 155 milyon dollar gəlir qazanıb. Nəticədə film kino tarixində qadın rejissorun çəkdiyi ən çox gəlir gətirən layihə olub.
Bundan əvvəlki rekord isə 2019-cu ildə rejissorlar Anna Boden və Rayan Flekin çəkdiyi “Kapitan Marvel” filminin 153 milyon dollar qazancı idi. Rekord daha əvvəl 2017-ci ildə 103 milyon dollar gəliri olan Pati Cenkinsin "Möcüzə qadın" adlı ekran əsərinə məxsus idi.
“Barbi”nin ilkin büdcəsi marketinq xərcləri nəzərə alınmadan 145 milyon dollar təşkil edib. “Warner Bros.” kinostudiyası marketinq xərclərinin məbləği barədə məlumat açıqlamır, lakin təxminlərə görə bu məbləğ əlavə olaraq 150 milyon dollara çata bilər. Ekran əsəri “Warner Bros.” kinostudiyasının Barbi kuklalarını istehsal edən ABŞ oyuncaq istehsalçısı “Mattel” şirkəti ilə əməkdaşlığın nəticəsidir.
Qeyd edək ki, rejissor Q.Qerviq 2017-ci ildə çəkdiyi “Ledy bird” və 2019-cu ildə lentə aldığı “Kiçik qadınlar” adlı ekran əsərləri ilə rejissor kimi tanınıb. Halbuki buna kimi onu aktrisa kimi tanıyırdılar. Hər iki film xeyli sayda “Oskar” və “Qremmi” nominantı olub.
Qerviq çox həcvəslidir və növbəti ilkərdə “Barbi”2,3,4 və sairləri sıralamaq fikrindədir.
Niyə də yox?
“Ədəbiyyat və incəsənət”
(26.07.2023)
YARAT Qısa Filmlər Festivalı üçün film qəbulu keçirir
Bu il təşkil olunacaq YARAT Qısa Filmlər Festivalı (YARAT Shorts) çərçivəsində öz qısametrajlı bədii ekran əsərlərini nümayiş etdirmək istəyən, yenicə fəaliyyətə başlamış və ya karyeralarının inkişaf mərhələsində olan Azərbaycan kinorejissorları üçün filmlərin qəbulu keçirilir.
YARAT-dan verilən məlumata görə, layihənin məqsədi Azərbaycan, Gürcüstan və Böyük Britaniyadan olan, gənc istedadlar üçün platforma yaratmaq, yerli kinorejissorların filmlərinin geniş auditoriya arasında tanınmasını təmin etməkdir.
Layihənin bütün missiyası YARAT məkanlarında keçiriləcək açıq havada və ya qapalı meydançalarda film nümayişləri, habelə beynəlxalq səviyyədə tanınmış rejissorlar, ssenaristlər və aktyorların iştirakı ilə baş tutacaq seminarlar, mühazirələr və müzakirələr daxil olmaqla, zəngin və rəngarəng maarifləndirici tədbirlər proqramı vasitəsilə həyata keçiriləcək. Bu il nümayiş olunacaq filmlər “Qadınlar və qadınların cəmiyyətdəki rolu”, “Tənhalıq və özünüinkişaf”, “Yaddaş və mental landşaftlar” mövzularına toxunmalı, yaxud müəyyən dərəcədə bu mövzuları əhatə etməlidir.
İştirak etmək istəyənlər filmlərini avqustun 20-dək e-poçtla Bu email ünvanı spambotlardan qorunur. Onu görmək üçün JavaScripti qoşmaq lazımdır. ünvanına təqdim etməlidirlər.
Seçilmiş filmlər sentyabrın ilk həftəsində nümayiş olunacaq.
Festivalda iştirak hüququ qazanmaq üçün filmlər ilkin seçim tələblərinə də cavab verməlidir.
Festivala Azərbaycan mənşəli və ya əsilli kinematoqrafçılarının birgə prodüser, rejissor və ya ssenari işi olan, ümumi müddəti 30 dəqiqədən az olan (yekun titrlər daxil olmaqla) istənilən film və ya videolayihəsi ilə müraciət etmək mümkündür. Bura ssenari əsasında hazırlanmış və ya improvizasiya xarakterli fantastika, eksperimental film, video və animasiya daxil ola bilər.
Qısametrajlı filmlərin festivalda iştirak hüququna təsir edən, premyera ilə bağlı xüsusi tələblər və ya məhdudiyyətlər yoxdur.
Filmlər daha əvvəl istənilən festivallarda və ya digər ictimai sərgilərdə nümayiş etdirilə, televiziya kanalları və ya İnternetdə yayımlana/translyasiya edilə, yaxud dünyanın istənilən yerində, istənilən məişət texnikası və ya digər ictimai yayım platformasından istifadə etməklə təqdim edilə bilər.
“Ədəbiyyat və incəsənət”
(26.07.2023)
Rəsm qalereyası: Yuliya Turbina, “Qoca”
Rəsm qalereyası: Yuliya Turbina, “Qoca”
“Sarı gəlinin sorağında” tammetrajlı sənədli filmin çəkilişləri başlayıb
Azərbaycan Kinematoqrafçılar İttifaqı (AKİ) Azərbaycan Respublikası Qeyri-Hökumət Təşkilatlarına Dövlət Dəstəyi Agentliyinin elan etdiyi müsabiqənin qalibi olmuşdu. “Qərbi Azərbaycan: maddi və mədəni irsimiz” adlı layihənin rəhbəri Xalq artisti, AKİ-nin sədri Rasim Balayevdir.
AKİ-dən AzərTAC-a bildirilib ki, layihə çərçivəsində “Sarı gəlinin sorağında” tammetrajlı sənədli filmin çəkilişlərinə artıq start verilib.
Filmin ssenari müəllifi Füzuli Sabiroğlu, rejissoru Mübariz Nağıyev, operatoru Fahir Səmədoğlu, prodüseri AKİ-nin katibi Əli İsa Cabbarov, xətti prodüseri isə İsmayıl Qasımovdur.
Film ingilis və erməni dillərində də yayımlanacaq. Sənədli filmlə yanaşı, layihə çərçivəsində sözügedən mövzuda sayt və infoqrafikaların da (erməni və ingilis dillərində) hazırlanması nəzərdə tutulur.
“Ədəbiyyat və incəsənət”
(25.07.2023)
Tanınmış tədqiqatçı Vasif Quliyevin “Bu qala- daşlı qala” kitabı çapdan çıxıb
Qarabağ tarixinin, o cümlədən Şuşa tarixinin tanınmış tədqiqatçısı, əslən şuşalı Vasif Quliyevin “Bu qala- daşlı qala” adlı kitabı çapdan çıxıb.
Kitabda Azərbaycanın elm və mədəniyyət tarixinə çoxlu məşhur simalar bəxş etmiş Şuşa şəhərinin bünövrəsinin qoyulduğu, qala divarlarının tikilməyə başladığı XVII əsrin ortalarından başlamış müasir dövrə qədərki şəhərin tarixi, küçə və məhəllələri, sosial obyektləri və ona şöhrət gətirən ayrı-ayrı istedadlı ziyalıları və sənət adamlarından bəhs olunur.
İndiyədək 20-dən çox kitabın müəllifi olan Vasif Quliyev Bakı, Moskva və Tbilisinin arxivlərində apardığı axtarışlar nəticəsində əldə etdiyi çoxlu maraqlı mənbə və məlumatlar əsasında Qarabağ tarixi ilə əlaqədar çoxlu maraqlı faktlar üzə çıxarıb. Həmin məlumatların bir hissəsi kitabda öz əksini tapıb.
“Bu qala- daşlı qala” kitabının redaktoru və “Ön söz”ünün müəllifi Mehman Cavadoğludur.
“Ədəbiyyat və incəsənət”
(25.07.2023)
“Women talking” Bakıya da gəlib çıxdı
Ötən ilin 2 sentyabrında Tellurid kinofestivalında debüt edən və kifayət qədər rezonans doğurmuş “Women talking” (Danışan qadınlar) filmi axır ki, Azərbaycanda da nümayiş olundu, özü də Azərbaycan Rəngkarlığı Muzeyində.
“Ədəbiyyat və incəsənət” portalı xəbər verir ki, yazıçı Miriam Tovsun 2018-ci ildə yazdığı eyniadlı romanı əsasında rejissor Sara Pollinin çəkdiyi “Danışır qadınlar” adlı filmi qadınların - bu zərif məxluqların sərt qanunlu qəddar cəmiyyətdə mövcudiyyatlarını necə aoruyub saxlamaqlarından bəhs edir.
Film ingilis dilində altyazı ilə təqdim olunur, ekran əsərinin xronometrajı 104 dəqiqədir.
Filmin maraqlı süjet xətti var. Bir axşam səkkiz mennonit qadın gizli görüş keçirmək üçün samanlıqda toplaşırlar. Son iki il ərzində ucqar koloniyanın bu qadınları, həmçinin yüzlərlə digər qız narkotiklərlə bihuş edilərək, yerli kişilər tərəfindən seksual təcavüzə məruz qalıblar. Bu kişilər, qadınların günahlarına görə onları cəzalandırmaq üçün gələn cinlər olduğunu söyləyirlər.
Film 28-ci “Critics' Choice Awards”ın 6 mükafatının, o cümlədən “Ən yaxşı film” və “Ən yaxşı uyğunlaşdırılmış ssenari” nominasiyaların qalibidir, həmçinin 75-ci ABŞ Ssenaristlər Gildiyası və 95-ci Oskar mükafatının “Ən yaxşı film” kateqoriyasının nominantı olub.
Baş rolda Frensis Makdormand çəkilib.
“Ədəbiyyat və incəsənət”
(25.07.2023)
Sobada Yumurtalı Çörək Qızartması
Aysel Qarayeva, “Ədəbiyyat və incəsənət”
Səhər yeməkləri içində ən sevilən və ən çox tələb olunan reseptlərindən biri ləziz yumurtalı çörək qızartmasıdır.
Tərkibi:
* 3 ədəd yumurta
* 3-4 budaq cəfəri
* 8 dilim çörək
* bir çay qaşığı duz
* 2 xörək qaşığı zeytun yağı
* zövqə görə qırmızı bibər tozu
* 1/2 stəkan çeddar pendir
Və hazırlanma qaydası:
İlk öncə yumurtaları dərin bir qaba sındırın. Üzərinə xırda doğranmış cəfərini, sürtgəcdən keçirilmiş çeddar pendirinin yarısını və ədviyyatları əlavə edib yaxşıca çırpın. Yağı əlavə etdikdən sonra yaxşıca qarışdırın. Çörək dilimlərini yumurtalı qarışığa yaxşıca bulayın. Hər iki tərəfi yaxşıca bulanmış yumurtalı çörəkləri yağlı kağız sərilmiş soba sinisinə aralıqlarla düzün. Qalan pendiri də çörəklərin üzərinə səpib əvvəlcədən 230 dərəcə qızdırılmış sobada üstü qızılı rəng alana qədər bişirin. Bişən çörəkləri isti halda süfrəyə verin.
Nuş olsun!
“Ədəbiyyat və incəsənət”
(25.07.2023)
“CinemaPlus” Şamaxıda açıq havada filmlərin nümayişini keçirir
Şamaxı şəhərində, Abqora restoranının ərazisində “CinemaPlus” və “Meysəri” şərablarının birgə layihəsi çərçivəsində “Open Air Cinema” fəaliyyət göstərir.
"Report" xəbər verir ki, hər həftənin sonu 5, 6 və 7-ci günlər və bayram günlərində qonaqlar açıq havada yeni filmləri izləyə bilərlər.
Film və seanslar haqqında məlumatı “CinemaPlus” kinoteatrlar şəbəkəsinin saytı və sosial şəbəkə hesablarından əldə edə bilərsiniz.
Ətraflı məlumat üçün +994 55 756 66 55 nömrəsi ilə əlaqə saxlayın.
“Ədəbiyyat və incəsənət”
(25.07.2023)
Şuşada fotoqraflar üçün master-klas keçirilib
Azərbaycanın mədəniyyət paytaxtı Şuşa şəhərində Milli Mətbuat Günü münasibəti ilə keçirilən "4-cü Sənaye İnqılabı dövründə yeni media" Qlobal Forum çərçivəsində yerli fotoqraflar üçün tanınmış rusiyalı fotojurnalist Sergey Kivrin tərəfindən master-klas keçirilib.
"Report" xəbər verir ki, "Gilavar Foto Klubu" ictimai birliyinin "PeşəkarSƏN" proqramının növbəti belə təlimində 12 gənc fotoqraf iştirak edib.
İlk dəfə Şuşada olmağın sevincini yaşayan gənclər təlimdən öncə şəhəri gəziblər. Fotoqraflar öz gələcək arxivləri üçün Cıdır düzündə, Molla Pənah Vaqifin türbəsi, Xan qızı Natəvanın dağıdılmış evinin qarşısında, Şuşa qalasında və mədəniyyət paytaxtının digər görməli yerlərində fotolar çəkiblər.
Tədbirin əvvəlində, təlimçi gənc iştirakçılara öz peşəkar fəaliyyəti haqqında məlumat verdi. Uzun illər ərzində çəkilən fotoları nümayiş etdirdi.
Təlim zamanı gənc fotoqraflar foto sənətinin bir çox sirlərini öyrənmək imkanını əldə ediblər.
Daha sonra iştirakçılar onları maraqlandıran sualları Sergey Kivrinə ünvanladılar.
Sonda master-klasda iştirak fotoqraflara rusiyalı fotoqraf Sergey Kivrinin imzası ilə sertifikatlar verilib. Öz növbəsində Gilavar Foto Klubu tərəfindən qonağa fotoqraflar adından tarixi Şuşa şəhərini xatırladan xatirə hədiyyəsi təqdim olunub.
Qeyd edək ki, Qlobal Forumda Sergey Kivrinin və azərbaycanlı fotoqrafların 44 günlük Vətən müharibəsi dönəmində və ondan sonrakı dövrlərdə işğaldan azad olunmuş torpaqlarda çəkdiyi fotolar sərgilənib. Sərgidə Rəşad Mehdiyev, Famil Mahmudbəyli, Kərim Abbasov, Elxan Qəniyev, Murad Orucov, Roman İsmayılov, Orxan Əzim və Vüqar İbadovun şəkilləri yer alıb.
“Ədəbiyyat və incəsənət”
(25.07.2023)
