Qazaxıstanın Almatı şəhərində yaşayan azərbaycanlı heykəltəraş Vaqif Rəhmanın 85 illik yubileyi münasibətilə sərgi keçirilib.
Ölkənin paytaxtı Astanada “Has Sanat” İncəsənət Qalereyasında təşkil edilən sərgi “Əbədi sevgi” adlanıb. “Ədəbiyyat və incəsənət” portalına Diasporla İş üzrə Dövlət Komitəsindən verilən məlumata görə, burada heykəltəraşın bir-birindən maraqlı əsərləri nümayiş olunub. Ekspozisiyada yer alan bürünc və şüşədən hazırlanan heykəllər ziyarətçilərin rəğbətini qazanıb.
Sərginin açılış mərasimində Astanada fəaliyyət göstərən Azərbaycan diasporunun üzvləri fəal iştirak ediblər.
Qeyd edək ki Vaqif Rəhman Qazaxıstanda bürünc və şüşə ilə sənət əsərləri yaradan istedadlı heykəltəraş kimi tanınıb.
“Ədəbiyyat və incəsənət”
(25.11.2025)
