Soydaşımız Eldar Əhədov Rusiyada yaşayır, ədəbi dairələrdə öz fəallığı ilə seçilir. Azərbaycan Yazıçılar Birliyinin də fəxri üzvüdür. Bu yaxınlarda Eldar Əhədov növbəti beynəlxalq uğura imza atıb. 

Şairin “Ədəbiyyat və incəsənət” portalına verdiyi məlumata görə bu uğur Livanla bağlıdır. Eldar Əhədov deyir:

-Naci Naaman beynəlxalq mükafatı Livanın nüfuzlu ədəbiyyat mükafatıdır. 2024-cü il üçün Naci Naaman beynəlxalq mükafatına layiq görüldüyüm barədə bir mesaj aldım. Müsabiqədə səksən ölkədən otuz beş dildə və ləhcədə yazan 3616 nəfər iştirak etdi, onlardan 74 müəllif Naaman ədəbi mükafatına layiq görüldü. Mən müsabiqəyə Azərbaycanın nümayəndəsi kimi qatılmışdım və nə xoş mənə ki, qalib gəlmişəm. Əsərlərim Livanda Naci Naaman Fondu hesabına nəşr olunacaq.

“Ədəbiyyat və incəsənət”

(20.06.2024)