Habil Yaşar, “Ədəbiyyat və incəsənət”
Qardaş Türkiyənin dəyərli yazarları ilə müsahibələrim davam etməkdədir. Bu dəfəki müsahibim yazıçı, prodüser Songül Yorulmaz xanımdır.
-Salam xanım! Necəsiniz? Zəhmət olmasa öncə özünüz haqqında məlumat verərdiniz.
-15 dekabr 1983-cü ildə Konyada anadan olmuşam. İbtidai, orta və lisey təhsilimi Konyada bitirmişəm. Samsun Ondokuz May Universiteti Kompüter Proqramlaşdırma fakültəsini bitirmişəm. Dil təhsilimi İstanbul Oxford House Kollecində almışam. Hazırda Anadolu Universitetinin Ədliyyə Departamentində son kurs tələbəsiyəm. Burdurun Bucak rayonunda yaşayıram. Kanal 15-də proqram prodüseriyəm. Eyni zamanda ingilis dili müəllimi işləyirəm.
-Ədəbiyyata marağınız nə zaman və necə başladı?
-Ədəbiyyata marağım orta məktəb illərində başlayıb. Artıq kiçik eksperimentlər edirdim.
-Əsərləriniz mövzusu məlumat verə bilərsinizmi?
-Üç əsərim var. “Yakaza” mənim ilk kitabımdır. Fərqli bir detektiv kitabdır. Bu, şəxsi inkişafı özündə cəmləşdirən, həmçinin müqəddəs yadigarlardan biri olan Əhd sandığını müzakirə etdiyim, həm də personajların öz mahiyyətinə qayıdışından bəhs edən bir kitabdır. Müqəddəs kitablardan ayələrlə bəzədilmiş kitab. İkinci kitabım olan Yakazanın davamı “Yakaza 2 Yüzleşme” adlanır. Serialın davamı olan kitabda Hz.Süleyman haqqında detektiv kitabdır və üçüncü kitabım isə “Kendimi ararken bulduğum ben” şəxsi inkişaf kitabıdır.
-Hər hansı bir yazı rutininiz varmı?
-Xeyr. Mənim heç bir rutinim yoxdur.
-Türkiyədə mütaliədən (okuma) razısınızmı?
-Türkiyədə kitab oxuma nisbəti keçmişlə müqayisədə bir qədər yüksək olsa da, bizim istədiyimiz səviyyədə deyil. Təəssüf ki, rəqəmsallıq və sosial media səbəbindən bir az daha az oxunduğunu düşünürəm.
-Ənənəvi ya digital kitaplara üstünlük verirsiniz?
-Daha çox çap kitablarına üstünlük verirəm. Əslində texnologiya şəhərdə bir rahatlıqdır, amma kitabı açanda kağız qoxusunu əvəz edə biləcəyini düşünmürəm.
-Dünya ədəbiyyatında ən çox bəyəndiyiniz yazar kimdir və hansı yazarla görüşmək və ona hansı sualı vermək istərdiniz?
-Dawn Brown və Sarah jio. Mən bu iki yazarı izləyirəm və bütün kitablarını oxumuşam. Əgər tanış olmaq imkanım olsaydı, bədii ədəbiyyatlarını necə tənzimlədikləri haqqında soruşardım.
-Azərbaycan ədəbiyyatını izləyirsinizmi?
-Çox fürsətim olmur. Amma sizi sevgi ilə izləyirəm.
-Yazarlara hansı tövsiyələriniz vardır?
-Biz yazıçı olaraq çox oxumalıyıq, cəmiyyətə nümunə olmalıyıq. Oxuyaq, düşünək və çatdıraq.
Habil bəy sizlərə də müsahibəyə görə təşəkkür edirəm.
“Ədəbiyyat və incəsənət”
(20.05.2024)
