“Nərimanov Rayon Ağsaqqallar Şurası”nda “Zaman XXI” əsr jurnalının təqdimat mərasimi baş tutmuşdur. Jurnalın xüsusi buraxılışı Ümummilli lider Heydər Əliyevin 100 illiyi münasibəti ilə işıq üzü görmüşdür. Tədbirə qatılan “Ədəbiyyat və incəsənət” portalının əməkdaşı Habil Yaşar xəbər verir ki, sözügedən jurnalın təsisçisi Həsən Səfərovdur.

Həmçinin jurnalın ərsəyə gəlməsində gənc yazar Ülviyyə Əbülfəzqızı və Şəhla Hüseynovanın böyük xidmətləri olmuşdur. Jurnalda müstəqil “Orenda Yazarlar Birliyi”nin üzvlərindən ibarət gənc heyətin – o cümlədən Nigar Həsənzadə, Jalə İslam, Mahman Xaliq, Elsəvər Müseyibzadənin şeir, esse, hekayələri dərc olunmuşdur. Orendaçılarla yanaşı, jurnal Təranə Dəmir, Mərcan Şahbuzlu, Habil Yaşar kimi yazarların da əsərlərinə yer ayırmışdır.

“Ədəbiyyat və incəsənət”

(22.05.2023)