Elvin Arifoğlunun “Sükutla danışanlar” adlı kitabı işıq üzü görüb

Gənc yazar Elvin Arifoğlunun “Sükutla danışanlar” adlı kitabı işıq üzü görüb. Biblioqrafik dram janrında yazılmış bu roman uşaqlıq illərində analarını itirmiş və ögey anaları tərəfindən incidilən bacı-qardaşın həyat macərasına həsr olunub. Əsər iztirab, sıxıntı, yeni tanışlıqlar, ayrılıqlar, sevgi və nifrət, xəyanət və sədaqət, 

uğur və iflas, qayğıkeşlik və biganəlik, intihar və tövbə, ilahi cəza və mükafat,

bir sözlə, xoşbəxtlik və bədbəxtlik səhnələrini ehtiva edir. Burada 

müvəffəqiyyətə doğru motivasiya, xoşbəxtliyin həqiqi formulu və ilahi 

mənəviyyat qanunlarının sirləri oxuculara təqdim olunur. 

Elvin İntiqamoğlu “Ədəbiyyat və incəsənət” portalına açıqlama verərək bildirib: “Roman yeniyetmə və gənclərə real həyatda xoşbəxt həyat qurmağın prinsiplərini məhz həyati nümunələrlə göstərir. Bununla paralel, oxucunu maraqlı elmi məlumatlarla, dini bilgilərlə, müxtəlif mədəniyyətlərlə,

fəlsəfi -ideoloji fikirlərlə maarifləndirir, xurafat və mövhumat, dini ekstremizm və radikalizm, habelə narkomaniya, yüngül həyat tərzi, dələduzluq və fırıldaqçılıq kimi mənfi halların insan həyatını uçuruma 

apardığını bariz sübutlarla aşılayır. Bir sözlə, bu əsər hər bir gəncin ləyaqətli

həyat sürməsi üçün bələdçi bir vəsaitdir.”

“Ədəbiyyat və incəsənət”

(26.12.2022)