Azərbaycan Yazıçılar Birliyinin Natəvan klubunda təcrübəli pedaqoq, yazar Mətanət Ulu Şirvanlının təşkilatçılığı ilə kiçik yazarların hekayə və esselərindən ibarət “Bədii düşüncələr" adlı kitabın təqdimat mərasimi keçirilib.

“Ədəbiyyat və incəsənət” portalı xəbər verir ki, AYB-nin Uşaq poeziyası şöbəsinin müdiri, Əməkdar Mədəniyyət işçisi, şair Qəşəm Nəcəfzadə və AYB-nin katibi, yazıçı Elçin Hüseynbəyli tədbirə qatılmış kiçik yazarları salamlayaraq onlara yaradıcılıq yollarında uğurlar arzulayıblar.

Tədbirdə yazarlar Rəfiqə Qasımqızı, Narıngül Nadir, "Yada düşdü" jurnalının təsisçisi və redaktoru Nəzakət Məmmədova, filoloq-alim Arzu Nehrəmli, Güləmail Murad, Gülzar İbrahimova, Aləmzər Sadıqqızı çıxış edərək gənc yazarlara uğurlar arzulayıvlar.

Kiçik yazarlar diplomlarla təltif ediliblər.

Onlar hədiyyəsiz də qalmayıblar. Onlar üçün yazılmış və yeni nəşr olunmuş "Xallı böcək" adlı kitabını Rəfiqə Qasımqızı  uşaqlara hədiyyə edib. 

Tədbirdə Mətanət Ulu Şirvanlı hər bir kiçikyaşlı yazar haqqında məlumat verərək uşaqların özlərini də dinləməyə üstünlük verib.

Sonda xatirə şəkli çəkdirilib.