Bakı Dövlət Sirkinin yeni payız proqramı - Allahverdi İsrafilovun rəhbərliyi ilə “Möcüzələr şəhəri” beynəlxalq su sirk şousu başa çatıb.

Sirkin səhnəsində inanılmazlar baş verib: ilk dəfə olaraq tamaşaçılara 100 ton su ilə əhatə olunmuş 600 fəvvarənin simfoniyasının müşayiəti ilə çox maraqlı nömrələr nümayiş etdirilib.

Dünyaşöhrətli şou artistləri qəhrəmanların möcüzələr dünyasına nağıl gəmisi ilə getdikləri inanılmaz səyahət haqqında hekayəni təqdim ediblər. Təlxək, akrobatlar, gimnastlar, kəndirbazlar, ayılar, itlər, meymunlar və tutuquşuların çıxış etdiyi əsrarəngiz şou həm uşaqları, həm də böyükləri heyran edib.

"Möcüzələr şəhəri" ilk su sirk şousu xeyriyyə tədbiridir, bilet satışından əldə olunan bütün vəsaitin İkinci Qarabağ müharibəsi şəhidlərinin və qazilərinin ailələrinə verilməsi nəzərdə tutulub.

Qeyd edək ki, oktyabrın 13-də başlayan şou proqram noyabrın 26-dək davam edib.

"Möcüzələr şəhəri" beynəlxalq su illüziyası tamaşaçılar tərəfindən maraqla qarşılanıb.

AzərTAC su sirki şousundan maraqlı görüntüləri təqdim edib. Həmin görüntülərlə tanış olun.

“Ədəbiyyat və incəsənət”

(28.11.2023)