Bu iyul günlərində musiqisevərlərin fikri-zikri Avstriyadadır.  Orada, Zalsburq şəhərində klassik musiqi festivalı keçirilir.
Avropada ən məşhur musiqi festivallarından biri olan Zalsburq festivalı bu il 100 illik yubileyini qeyd edir. Pandemiya şəraiti olsa belə festivalı izləməyə dünyanın əksər guşəsindən minlərlə sənətsevər gəlib. Zalsburq festivalı hazırda öz populyarlığı ilə Tokioda keçirilən yay Olimpiya Oyunlarından heç də geridə qalmır.
“Ədəbiyyat və incəsənət” portalı Euronews-a istinadən məlumat verir ki, Zalsburqa gəlmiş qonaqlara
160-a yaxın tədbir - dünya opera və musiqi səhnəsinin ulduzlarının iştirakı ilə teatr tamaşaları və konsertlər təqdim olunur.
Opera proqramı iyulun 26-da Avropanın ən böyük teatr rejissoru Romeo Kastelluççinin quruluşunda V. Motsartın “Don Juan" operasının premyerası ilə başlayıb, bu böyük incəsənət hadisəsi bol ovasiya qazanıb.
Festival iştirakçıları arasında Vyana və Berlin Filarmonik orkestrləri, Çikaqo simfonik orkestri var.
Forumun təşkilatçıları 200 mindən çox bilet satıblar, qiymətlər 100 avrodan 450 avroya qədərdir. Turizm şirkətləri Zalsburqa birbaşa festival turları təşkil edirlər.
Festivalın rəsmi ünvanına Bakıdan onlayn bilellər də sifariş vermək olar:
Kartenbüro der Salzburger Festspiele
Herbert von Karajan Platz 11
Postfach 140
A-5010 Salzburg
Тел. +43662 8045-500
Festivalın elektron ünvanı isə belədir: This email address is being protected from spambots. You need JavaScript enabled to view it.
Festivalın büdcəsi 60 milyon avro təşkil edir.
Mədəniyyət proqramı avqustun 31-də başa çatacaq.
Gün o gün olsun ki, bizim əsl sənətsevərlərimizin, mədəniyyət xadimlərimizin, virtuoz ifaçılarımızın maddi durumu elə bir səviyyəyə çatsın ki, bu sayaq tədbirləri izləyə bilsinlər.
Amin!