"ASAN Könüllüləri" Təşkilatının "ASAN Məktub" sosial proqramının təşkilatçılığı ilə həyata keçirilən “Bir qəlbi də sən isit!” aksiyası zamanı öhdəliyə götürülən 91 uşağın arzusu reallaşdırılıb. Bu barədə “Ədəbiyyat və incəsənət” portalına “ASAN xidmət” dən məlumat verilib.
Sumqayıt şəhərindən olan balacalara “Sevinc paylaşdıqca çoxalır” deyərək öz istəklərinə uyğun hədiyyələr təqdim olunub.
“ASAN Məktub” sosial proqramı çərçivəsində cari ilin yanvar və fevral ayları ərzində Bakı və bir sıra regionlar üzrə 374 uşağın arzusu reallaşdırılıb.
Siz də kiçik dostlarımızın sevgi dolu qəhrəmanına çevrilmək istəyirsinizsə, www.asanmektub.az saytına daxil olaraq öhdəliyə məktub götürə bilərsiniz.
“Ədəbiyyat və incəsənət”
(04.03.2024)
