Yasamal Rayon Mərkəzləşdirilmiş Kitabxana Sisteminin (MKS) M.Ş.Vazeh adına Mərkəzi Kitabxanasında gənc rəssam Ülkər Baxışovanın sərgisinin açılışı olub.

Kitabxanadan AzərTAC-a bildirilib ki, sərgidə rəssamın “Naməlum qadın”, “İstanbul. Ayasofya məbədi”, “Bakımız”, “Qədim Qobustan. Yallı”, “Quşların eşqi”, “Sülh”, “Üzüm səbəti”, “Rəqqasə” və “Qoşa minarəli məscid (Əmircan)” adlı əl işləri nümayiş etdirilir.

Ülkər Baxışovanın əsərlərində Vətənimizin qədim incəsənətinin modern üslubda təsviri öz əksini tapıb.

Sərgi bir ay davam edəcək.

“Ədəbiyyat və incəsənət”

(17.07.2024)