“Sərt pandemiya qaydalarına tam riayət edəcəyik” deyə zəmanət verərək təşkilatçılar Almaniyanın  paytaxtı Berlin şəhərində Avropanın ən nüfuzlu üç kino forumundan biri olan (digərləri Venesiya və Kann festivalları) “Berlinale” Beynəlxalq Film Festivalının açılışını etdilər. 

“Ədəbiyyat və incəsənət” portalı RFİ saytına istinadən məlumat verir ki, 72-ci “Berlinale”nin əsas proqramında 27 tammetrajlı film (16 bədii, 11 sənədli), “Forum Special” proqramında isə 14 ekran əsəri var. Bundan əlavə, festivalın “Encounters”, “Generation 14+”, “Berlinale Series Market” kimi proqram və bölmələri də var.

Pandemiya ilə əlaqədar “Berlinale” formatını bir qədər dəyişib. Festivalın əsas müsabiqə filmlərinin (“Qızıl ayı” və “Gümüş ayı” uğrunda yarışanlar) nümayişi fevralın 16-dək keçiriləcək. Mükafatların təqdimetmə mərasimi də həmin gün olacaq. Bundan sonra isə fevralın 20-dək bütün “Berlinale” kinoteatrlarında festivalın filmlərinin təkrar nümayişi təşkil olunacaq. Pandemiya şərtlərinə görə “Berlinale” kinoteatrlarının tutumu 50 faizə qədər azaldılıb. 

İndi isə açılış filmi barədə. Bu, “Peter fon Kant” filmidir. Film Rayner Verner Fissbinderin məşhur “Peter fon Kantın acı göz yaşları” filminə çəkilmiş remeykdir. Hadisələr 1972-ci ildə baş verir. Normal  qəhrəmanlarla yanaşı homoseksual və lezbiyan qəhrəmanlar da filmdə “at oynadırlar”.

Təbii ki, alman filmidir. Özlərini sevən almanlar öz festivallarını nəyə görə əcnəbi filmi ilə açsınlar ki?