Gözəl lirik şeirləri ilə tanınan Xuraman Muradova qələmini həm də publisistikada sınayır. Onun təqdimatı olacaq növbəti kitabı məhz publisistika janrındadır.
“Ədəbiyyat və incəsənət” portalı xəbər verir ki, dekabrın 23-ü saat 11:00-da Azərbaycan Milli Elmlər Akademiyasının Mərkəzi Elmi Kitabxanasında Azərbaycan Prezidenti, Müzəffər Ali Baş Komandan İlham Əliyevin xalq üçün yaşanmış şərəfli ömür yoluna həsr edilən "Əsrin qəhrəmanı olan Komandan" kitabının təqdimat mərasimi keçiriləcək!
Xuraman Muradovanın Azərbaycan Prezidentinə həsr etdiyi kitabın prezidentin ad günü öncəsi ictimaiyyətə təqdim edilməsi özlüyündə həm də bir rəmzi məna daşıyır. Azərbaycana Qarabağ zəfəri yaşatmış İlham Əliyevə ad günü təbriki ünvanlamağa hər kəs səbirsizlənir, çünki bu zəfər hər bir azərbaycanlı üçün ən böyük hədiyyədir.
“Ədəbiyyat və incəsənət”
(18.12.2024)
