İncəsənət nələrə qadirdir. O, hətta cansıza can da verər. İngiltərəli rəssam Den Roulinqs yararsız adı ilə silinmiş benzindaşıyan avtomobildən meşə instalyasiyası yaradaraq tamaşaçılara nümayiş etdirir.
“Ədəbiyyat və incəsənət” portalı BBC-yə istinadən məlumat verir ki, bütün yaradıcılığı “Təbiəti qiymətləndirməmək olmaz” mesajını verən rəssam öncə avtomobilin sistetnini kəsmiş, dörd ay ərzində onu “Gələcək qayıdır” adı altında 3D
heykəltaraşlıq məhsuluna çevirmişdir.
Den deyir ki, “Mən təbiətə ondan aldıqlarımızı geri qaytarıram, tamaşaçıları da ətraf mühitin möhkəmliyinə, əbədiliyinə inandırıram!”
Den deyir: “Mənim bir çox işlərim gələcəyin qəribə yozumuna hesablanıb. Orada sənayenin qalıqları təbiətə təslim olub.”
Onun 10,5 metrlik avtomobil-meşəsi sentyabrın sonlarınadək Skantorp metallurgiya şəhərciyinin məbəddən art mərkəzə çevrilən tikilisində nümayiş olunacaq.  
Və ən maraqlısı: Rəssam korporasiyaların hətta sağlam texnikalarla istismar müddətləri bitməmiş ayrılma tendensiyasını şiddətlə qınayır. Onun xammal kimi istifafə etdiyi benzindaşıyan maşın inventarlıqdan silinsə də tam saz vəziyyətdə imiş.
Bəli, Den Roulinqa avtomobildən meşə düzəldir, bizsə acımasızcasına meşələri doğrayırıq.