İmran Verdiyev,

Azərbaycan Respublikasının Əməkdar müəllimi. “Ədəbiyyat və incəsənət” portalının Oğuz təmsilçisi

Oğuz rayon Heydər Əliyev Mərkəzinin və Oğuz rayon Mərkəzi Kitabxanasının birgə təşkilatçılığı ilərayon Mədəniyyət Mərkəzində Azərbaycanın görkəmli yazıçısı Maqsud İbrahimbəyovun 90 illiyi münasibətilə dəyirmi masa təşkil edilib.

Tədbirdə Oğuz rayon Heydər Əliyev Mərkəzinin, Oğuz rayon Mərkəzi Kitabxananın əməkdaşları, fəal oxucular və şəhərdəki ümumtəhsil məktəblərinin müəllim və şagird kollektivlərinin nümayəndələri iştirak ediblər.

Tədbiri giriş sözü ilə açan Oğuz rayon Heydər Əliyev Mərkəzinin direktoru Mehriban Abbasova Maqsud İbrahimbəyovun 90 illik yubileyinin keçirilməsi haqqında Azərbaycan Respublikası Prezidentinin Sərəncamını diqqətə çatdırıb. Daha sonra Mərkəzin elmi işçisi Sevinc Rəsulova və Mərkəzi Kitabxananın əməkdaşı Alagöz Zeynalova Maqsud İbrahimbəyovun həyat və yaradıcılığından söz açmışlar. Oxucular ədibin ayrı-ayrı əsərləri barədə öz fikir və düşüncələrini söyləmişlər.

Tədbirdə qonaq qismində iştirak edən AYB-nin üzvləri, Oğuz rayonunun tanınmış yazarları Nazim Hüseynli və Yusif Rza Maqsud İbrahimbəyovun yaradıcılığının Azərbaycan ədəbiyyatında mühüm yer tutduğunu və gənc nəslin mədəni tərbiyəsində mühüm rol oynadığını bildiriblər.

“Ədəbiyyat və incəsənət”

(27.05.2025)