“Ədəbiyyat və incəsənət” portalının Sumqayıt təmsilçisi
Sumqayıt şəhər Poeziya Evində Əli Kərim adına Poeziya Klubunun təşkilatçılığı ilə şair Yusif Olun "Səndə qalmışam" adlı şeirlər kitabının təqdimat mərasimi keçirilib.
Tədbiri kitabın redaktoru, Əli Kərim adına Poeziya Klubunun əməkdaşı, gənc şair Elvin İntiqamoğlu aparıb. O, qonaqları salamlayaraq müəllifin yaradıcılığı və yeni nəşr haqqında məlumat verib.
Şəhid Səbuhi Həsənquliyevin anası Maisə Səbuhi, şair və yazıçılar Hikmət Fərzəli, Hasil Cəfərli, Təranə Murad, Qafqaz Mövlaoğlu, Gülnar Laçın, Raidə Əlirzaqızı, Şəfəq Üfüq, Fərəməz Bağırov, Vüsalə Bərməki, Yusif Olun tələbə yoldaşları Kəmalə Şamilova, Ayaz Hümbətov, Altun Qarayev çıxış edib, Yusif Olun poeziyadakı dəsti-xətti və təzə kitabının əhəmiyyəti barədə fikirlərini bölüşüblər..
Orta məktəb şagirdləri Fatimə Məmmədli, Fərman Əzizov, Emil Elxanoğlu müəllifin şeirlərini səsləndirərək iştirakçılar tərəfindən maraqla qarşılanıblar.
SondaYusif Ol tədbirin təşkilatçılarına, iştirakçılara və Poeziya Evinin kollektivinə təşəkkürünü bildirib və yeni nəşrdə yer alan bir neçə şeirini söyləyib.
“Ədəbiyyat və incəsənət”
(25.06.2026)
