İmran Verdiyev,

“Ədəbiyyat və incəsənət” portalının Oğuz təmsilçisi, Azərbaycan Respublikasının Əməkdar müəllimi.

Oğuz rayon Mərkəzi Kitabxanasının, Oğuz rayon Gənclər və İdman İdarəsinin, Oğuz rayon Tarix Diyarşünaslıq Muzeyinin birgə təşkilatçılığı, Oğuz şəhər Emin Abdullayev adına 2 nömrəli Texniki - Təbiət Təmayüllü Liseyin şagird və müəllim kollektivinin iştirakı ilə qədim adət-ənənələrimizi özündə əks etdirən, baharın gəlişi ilə əlamətdar olan Novruz bayramına həsr olunmuş “Novruz milli irsimizin təcəssümüdür” adlı tədbir keçirilib.

Tədbirdə xalqımızın milli, qədim dövrlərdən xalq arasında çox sevilərək qeyd olunan Novruz bayramı ilə bağlı çıxışlar səslənib.

Qeyd olunub ki, tarixi çox qədim olan Novruz bayramı hər il xalqımız tərəfindən böyük təntənə ilə qeyd olunur. Novruz bayramı əslində baharın gəlişi, təbiətin canlanması, torpağın oyanması ilə xarakterik olan bayramdır. Bu bayram insanlar arasında birliyin və mehribanlığın möhkəmləndirilməsi, onların bir-birinə mərhəmət və diqqət göstərməsi kimi sağlam bir təməl yaratmışdır. Novruz bayramı sağlamlığın, firavanlığın başlanğıcıdır. Novruz xeyir bərəkət, gözəl əhval ruhiyyə, oyanış, əmək coşqunluğu, torpağa, insana məhəbbət bayramıdır.

Tədbirdə şagirdlərin təqimatında şeirlər səsləndirilib, baharın gəlişinə və Novruza aid mahnılar ifa olunub.Tədbirin sonunda Novruz tonqalı ətrafında yallı gedilib və müxtəlif oyunlar oynanılıb.

“Ədəbiyyat və incəsənət”

(19.03.2026)