Rəqsanə Babayeva, “Ədəbiyyat və incəsənət”

İmişli rayonunun Heydər Əliyev Mərkəzində “2 fevral – Gəncləri günü” münasibətilə tədbir keçirilib. Tədbirdə İmişli Rayon İcra Hakimiyyətinin başçısı Elçin Rzayev, YAP İmişli rayon təşkilatının sədri Səfa Ağayev, rayonun fəal gəncləri, eləcə də ictimaiyyət nümayəndələri iştirak ediblər.

     Tədbir Azərbaycan Respublikasının Dövlət Himninin səsləndirilməsi, Ümummilli Lider Heydər Əliyevin və şəhidlərimizin xatirəsinin bir dəqiqəlik sükutla yad edilməsi ilə başlayıb.    

     Giriş nitqi ilə çıxış edən icra başçısı Müstəqil Azərbaycan gənclərini bu əlamətdar bayram günü münasibətilə ürəkdən təbrik edərək, onlara xoşbəxt gənclik, möhkəm sağlamlıq və uğurlu gələcək arzulayıb. Qeyd edib ki, Azərbaycan gənclərinin müasir, inkişaf etmiş, yüksək intellektli və aparıcı qüvvə kimi formalaşmasında dövlətimizin həyata keçirdiyi gənclər siyasətinin mühüm rolu olub. Bu siyasətin banisi xalqımızın Ümummilli Lideri Heydər Əliyevdir. İcra başçısı həmçinin vurğulayıb ki, Ulu Öndərin gənclərə göstərdiyi yüksək diqqət və qayğı Prezident cənab İlham Əliyev tərəfindən uğurla davam etdirilir. Bildirib ki, gənclərin mənəvi inkişafı, vətənpərvərlik tərbiyəsi, xarici ölkələrdə təhsili, sosial müdafiəyə ehtiyaclarının həlli, eləcə də gənclər təşkilatlarının formalaşması və inkişafı üçün yaradılan şərait və imkanlar dövlətin bu sahəyə göstərdiyi böyük diqqətin nəticəsidir. Azərbaycanda gəncliyə dövlət qayğısının gələcəyə hesablanmış bir siyasət olduğunu və bu siyasətin sağlam, intellektual nəslin formalaşmasına xidmət etdiyini diqqətə çatdırıb. Digər çıxış edənlər ölkədə və İmişli rayonunda gənclərlə bağlı görülən işlərdən danışmış, gəncləri bayram münasibəti ilə təbrik edərək, onlara uğurlar arzulayıblar.

    Tədbirdə rayonun ictimai-siyasi həyatında, təhsildə, idmanda, eləcə də elm sahələrində fərqlənən bir qrup fəal gəncə Fəxri Fərman təqdim olunub, sonda isə xatirə şəkli çəkilib.

“Ədəbiyyat və incəsənət”

(03.02.2026)