İmran Verdiyev,

Azərbaycan Respublikasının Əməkdar müəllimi. “Ədəbiyyat və incəsənət” portalının Oğuz təmsilçisi

1 sentyabr 2025-ci il tarixdə Şəki-Zaqatala Regional Mədəniyyət İdarəsinin təçkilatçılığı, Şəki Regional Turizm İdarəsinin dəstəyi ilə "Əllərin sehri" adlı ustad dərsləri və sərgi keçirilib.

Şəki Dövlət Resm Qalereyasında təşkil edilən ustad dərsləri və sərgidə Şəki-Zaqatala Regional Mədəniyyət İdarəsinin, həmçinin Şəki Regional Turizm İdarəsinin rəhbərliyi və əməkdaşları, şəkili sənətkarlar, ictimaiyyət nümayəndələri və şəhərin qonaqları iştirak edib.

Tədbir iştirakçılarına "Təkəlduz" sənətkarı Güləndam Alxaslı, "Şəbəkə" sənətkarı Tofiq Rəsulov və digər sənətkarlar tərəfindən ustad töhfəsi verilib. Həmçinin müxtəlif növ sənətkarlıq nümunələrindən ibarət əsərlər nümayiş etdirilib .

Şəki-Zaqatala RMİ-nin rəisi Emil Bədəlov, həmçinin Şəki Dövlət Rəsm Qalereyası və şəbəkə emalatxansında olub, sənərkarlar tərəfindən hazırlanan əl işləri ilə tanış olub.

M.F Axundzadə adına Şəki şəhər Mədəniyyət Mərkəzinin əməkdaşı Yusif Yusifli, İdris İdrisov və Cabir Camılov tədbir boyu rəngarən musiqi nümunələri ilə tədbirə rəng qatıblar.

“Ədəbiyyat və incəsənət”

(02.09.2025)