İmran Verdiyev, Azərbaycan Respublikasının Əməkdar müəllimi. “Ədəbiyyat və incəsənət” portalının Oğuz təmsilçisi

Beynəlxalq Ailə Günü münasibətilə Oğuz Rayon Tarix-Diyarşünaslıq Muzeyində "Beynəlxalq Ailə Günü: Oğuz rayonunda multikultural ailə dəyərləri" mövzusunda tədbir təşkil olunub.

Tədbirdə Oğuz Rayon İcra Hakimiyyətinin, YAP Oğuz Rayon təşkilatının, Oğuz Rayon Gənclər və İdman İdarəsinin məsul şəxsləri, Dini Qurumlarla iş üzrə Dövlət Komitəsinin Şəki Regional bölməsinin əməkdaşları, azsaylı xalqların nümayəndələri, ictimaiyyət üzvləri, yerli idarə və təşkilatların əməkdaşları iştirak ediblər. 

Çıxış edənlər Oğuz rayonunda müxtəlif xalqların sülh və qarşılıqlı hörmət və anlaşma şəraitində yaşadığını, ailə dəyərlərinin bu birgəyaşayışda mühüm rol oynadığını vurğulayıblar.

Oğuz rayonunda yaşayan müxtəlif etnik və dini icmalara mənsub ailələrin nümayəndələri öz ailə dəyərləri, adət-ənənələri barədə danışmış və birlik içində yaşama təcrübələrini bölüşüblər.

Tədbir çərçivəsində azsaylı xalqların nümayəndələrinin ifasında rəngarəng mahnılar səsləndirilib, rəqslər ifa olunub.

“Ədəbiyyat və incəsənət”

(15.05.2025)