İmran Verdiyev, Azərbaycan Respublikasının Əməkdar müəllimi.

“Ədəbiyyat və incəsənət” portalının Oğuz təmsilçisi

10 may 2025-ci il tarixdə Ümummilli Lider Heydər Əliyevin anadan olmasının 102-ci ildönümü münasibətilə Oğuz rayon İcra Hakimiyyətinin təşkilatçılığı, Oğuz rayon Mədəniyyət Mərkəzinin yaradıcı kollekktivinin və Oğuz rayon Uşaq Musiqi Məktəbinin müəllim və şagirdlərinin iştirakı ilə Oğuz rayon Mədəniyyət Mərkəzində "Xalqa bağışlanan ömür " adlı ədəbi-musiqili tədbir təşkil edilib.

Tədbirdə əvvəlcə Dövlət himnimiz səsləndirilib, Ulu Öndər Heydər Əliyevin, müstəqilliyimiz və vətənimiz uğrunda şəhid olmuş oğullarımızın əziz xatirəsi bir dəqiqəlik sükutla yad olunduqdan sonra Ümummilli Lider Heydər Əliyev haqqında videoçarx izlənilib.

Oğuz rayon İcra Hakimiyyətinin Başçısı cənab Əbdul-Qədirov tədbirdə çıxış edib.

Ulu Öndər Heydər Əliyevin anadan olmasının 102-ci ildönümü münasibətilə Oğuz rayonunda keçirilən velosiped yürüşü, kros qaçışı üzrə qaliblər və “Nə, harada,nə zaman?” intellektual bilik yarışının qalibləri mükafatlandırılıb.

Yeni Azərbaycan Partiyasının Oğuz təşkilatı tərəfindən yeni partiya üzvlərinə partiyanın vəsiqələri təqdim olunub.

Daha sonra Oğuz rayon Mədəniyyət Mərkəzinin yaradıcı kollekktivinin və Oğuz rayon Uşaq Musiqi Məktəbinin müəllim, şagirdlərinin iştirakı ilə, Ulu Öndərə həsr edilmiş mahnılar ifa edilib, şerlər söylənilib. Milli rəqslərimiz təqdim edilib.

“Ədəbiyyat və incəsənət”

(12.05.2025)