“Ədəbiyyat və incəsənət” portalı Qubadan, tanınmış şair Ramiz Qusarçaylıdan aldığı bir xəbəri diqqətinizə çatdırır.

Xalqımızın qəhrəman oğlu, uzun illər Şura hökumətinə qarşı dəyanətlə mübarizə aparmış tarixi şəxsiyyət Qaçaq Mayılın qızı Seyrə xanım 101 yaşında vəfat etmişdir. 

Seyrə xanım bu gün saat 13-də Qonaqkənddə, atasınun uyuduğu məzarlıqda torpağa tapşırılacaqdır.

Sənəddə təvəllüdü 1922-ci il göstərilən, özünün söylədiyində isə doğum ili təxminən 1916-cı ilə təsadüf edən Seyrə xanım tez-tez   Ramiz Qusarçaylının rəhbərlik etdiyi "Ay işığı" ədəbi məclisinin ən əziz qonağı olub, yazarlara Qaçaq Mayılın taleyi və mübarizə yolu haqqında  çox mətləbləri anladıb, çox sirləri açıb. 

Seyrə xanım Ramiz Qusarçaylının üzərində işlədiyi "Seyrə seyri" adlı poemanın baş qəhrəmanıdır.

Allah rəhmət eləsin!

“Ədəbiyyat və incəsənət”

(31.07.2023)