İmran Verdiyev, Azərbaycan Respublikasının Əməkdar müəllimi. “Ədəbiyyat və incəsənət” portalının Oğuz təmsilçisi
Bu gün Oğuz Rayon Mərkəzi Xəstəxanasının akt zalında görkəmli oftalmoloq-alim, akademik Zərifə Əziz qızı Əliyevanın anadan olmasının 102-ci ildönümünə həsr olunmuş tədbir keçirilib.
Tədbirdə Oğuz Rayon İcra Hakimiyyəti İctimai-siyasi və humanitar məsələlər şöbəsinin müdirinin müavini Ayaz Ağayev, YAP Oğuz rayon təşkilatının sədri Saleh Məhərrəmov, Rayon Mərkəzi Xəstəxanasının direktoru Anar Əzizov və xəstəxananın əmək kollektivinin üzvləri iştirak ediblər.
Tədbirdə əvvəlcə Azərbaycan Respublikasının Dövlət Himni səsləndirilib, Ulu Öndər Heydər Əliyevin, akademik Zərifə xanım Əliyevanın və ölkəmizin suverenliyi və ərazi bütövlüyü uğrunda canlarını qurban vermiş şəhidlərin əziz xatirəsi ehtiramla yad olunub.
Sonra akademikin həyat və yaradıcılığı barədə geniş məlumat verilib, ona həsr edilmiş videoçarx izlənilib.
Çıxış edənlər Zərifə xanım Əliyevanın çoxcəhətli fəaliyyəti, tibb elminə verdiyi dəyərli töhfələrdən bəhs ediblər.
Bildirilib ki, 29-30 aprel 2025-ci il tarixlərində Oğuz rayonunda Akademik Zərifə Əliyevanın anadan olmasının 102 illiyinə həsr edilmiş ödənişsiz "Göz müayinəsi" aksiyası keçiriləcək.
“Ədəbiyyat və incəsənət”
(28.04.2025)
