İmran Verdiyev, Azərbaycan Respublikasının Əməkdar müəllimi. “Ədəbiyyat və incəsənət” portalının Oğuz təmsilçisi

Görkəmli oftalmoloq, akademik Zərifə Əliyevanın anım günü ilə əlaqədar Oğuz Rayon Mərkəzi Xəstəxanasında tədbir keçirilib. Tədbirdə müəssisə rəhbərliyi və əmək kollektivinin üzvləri iştirak ediblər.

İştirakçılar Zərifə xanım Əliyevanın əziz xatirəsini bir dəqiqəlik sükutla yad ediblər. 

Tədbirdə Oğuz Rayon Mərkəzi Xəstəxanasının Polikilinika şöbəsinin müdiri Xəqani Hüseyni çıxış edərək akademik Zərifə Əliyevanın zəngin irsi, tibb sahəsindəki xidmətləri və yüksək mənəvi keyfiyyətlərindən danışıb. O, Zərifə xanım Əliyevanın həyat yolunun bu gün də gənc həkimlər üçün örnək olduğunu bildirib və onun irsinin daim yaşadılmalı olduğunu diqqətə çatdırıb.

Oğuz Rayon Mərkəzi Xəstəxanasının həkim-oftalmoloqu Səriyyə Şəfiyeva akademik Zərifə Əliyevanın elmi və mənəvi irsindən, onun tibb sahəsinə qazandırdığı yeniliklərdən danışıb.

Ardınca akademikin həyat və fəaliyyətini əks etdirən video-çarx nümayiş etdirilib. Videoda Zərifə Əliyevanın elmi nailiyyətləri, Azərbaycan tibb elminə verdiyi töhvələr və insani keyfiyyətləri əks etdirilib.

“Ədəbiyyat və incəsənət”

(16.04.2025)