İmran Verdiyev, Azərbaycan Respublikasının Əməkdar müəllimi. “Ədəbiyyat və incəsənət” portalının Oğuz təmsilçisi
Oğuz şəhərində Rayon İcra Hakimiyyətinin dəstəyi və Oğuz Rayon Mədəniyyət Mərkəzinin təşkilatçılığı ilə açıq hava şəraitində "Bahar gəlib yurdumuza" adlı bayram şənliyi təşkil edilib.
Əvvəlcə Dövlət Himni səsləndirilib, torpaqlarımızın azadlığı uğrunda canlarından keçən şəhidlərin əziz xatirəsi yad olunub.
Şənlikdə Oğuz rayon İcra Hakimiyyətinin Başçısı Cavid Əbdül-Qədirov çıxış edərək rayon ictimaiyyətini Novruz bayramı münasibətilə təbrik edib.
Daha sonra, 2-ci Qarabağ müharibəsi Şəhidi Vüsal İsmayılovun oğlu İbrahim İsmayılov Oğuzda Novruz tonqalını yandırıb.
Sonra "Şur" musiqi ansambılının ifasında musiqilər səsləndirilib, bayram əhval ruhiyyəli, şən mahnılar ifa olunub. Musiqilər və mahnılar Oğuz rayon Mədəniyyət Mərkəzinin, Oğuz rayon Musiqi məktəbinin yaradıcı kollekktivlərinin üzvləri tərəfindən ifa olunub.
“Sevinc" rəqs qrupunun ifasında isə milli rəqslər ifa edilib.
Şənliyə qonaq qismində dəvət olunmuş, Günay Şəkilinin ifa etdiyi mahnılar iştirakçılar tərəfindən alqışlarla qarşılanib.
Bayram şənliyində kosa və keçəl meydana çıxaraq şənlik iştirakçılarına xoş ovqat bəxş ediblər.
Novruz bayramının adətləri (yumurta döyüşdürmək, Novruz alqışları və nəğmələri söyləmək və s.)iştirakçılar tərəfindən də icra olunub.
Novruz bayramı münasibətilə təşkil olunan şənlikdə, rayonun yaradıcı şəxslərinin əl işlərinin, qədim əşyalarımızın, toxunma xalça və tikmələrinsərgisi də təşkil edilib.
“Ədəbiyyat və incəsənət”
(19.03.2025)
