İmran Verdiyev, Azərbaycan Respublikasının Əməkdar müəllimi. “Ədəbiyyat və incəsənət” portalının Oğuz təmsilçisi

Oğuz rayon Tarix-Diyarşünaslıq muzeyində “Novruz adətləri” adlı tədbir təşkil edilib. Əvvəlcə Dövlət Himni səsləndirilib, torpaqlarımızın ərazi bütövlüyü uğrunda canlarından keçən şəhidlərin əziz xatirəsi yad edilib. 

Çıxış edənlər xalqımızın qədim və əziz bayramı Novruz münasibətilə tədbir iştirakçılarını təbrik edərək, onlara xoş arzularını çatdırıb. Ali Baş Komandan, Prezident İlham Əliyevin rəhbərliyi ilə 44 günlük Vətən müharibəsində qazanılan qələbə nəticəsində erməni işğalından azad olunmuş torpaqlarımızda Novruz bayramının qeyd edilməsinin böyük mənəvi əhəmiyyəti qeyd edilmişdir.

Şən bayram sədaları altında tonqal ətrafında əyləncəli oyunlar keçirilib, bahara aid şeirlər, tapmacalar və Novruz alqışları söylənilib, mahnılar oxunub, rəqslər ifa edilib. Tədbir iştirakçıları tonqalın üzərindən tullanıb və yumurta döyüşdürüblər.

Muzeyin həyətində qədim milli adət-ənənələrimizi əks etdirən eksponatlardan ibarət sərgi təşkil olunub.

“Ədəbiyyat və incəsənət”

(18.03.2025)