İmran Verdiyev, Azərbaycan Respublikasının Əməkdar müəllimi. “Ədəbiyyat və incəsənət” portalının Oğuz təmsilçisi

Əsrin ən dəhşətli faciələrindən olan Xocalı soyqırımının 33-cü ildönümü ilə əlaqədar Oğuz rayon Tarix-Diyarşünaslıq muzeyi rayon ərazisində fəaliyyət göstərən Xocalı rayonun Garagav kənd orta məktəbində “Xocalı fəryadı” adlı ədəbi-bədii gecə keçirib.

İlk olaraq Xocalı faciəsi qurbanlarının əziz xatirəsi 1 dəqiqəlik sükutla yad edilib,“Xocalı harayı” adlı film nümayiş olunub.

Daha sonra muzeyin əməkdaşı Xocalı faciəsi haqqında ətraflı məlumat verib. Xocalı soyqırımının Azərbaycan xalqına qarşı törədilən ən ağır cinayətlərdən biri olduğunu, Xocalı təkcə hüzn deyil, eyni zamanda,bir millətin əyilməz ruhunun sarsılmaz iradəsinin simvolu olduğunu qeyd edib.

Tədbirin bədii hissəsində məktəblilərin Xocalı faciəsinə həsr olunmuş kompozisiyası təqdim edilib, video-sujetlər nümayiş olunub.

Sonda şagirdlərin Xocalı həqiqətlərini əks etdirən rəsmlərindən ibarət sərgiyə kollektiv baxış keçirilib.

“Ədəbiyyat və incəsənət”

(27.02.2025)