Könül, “Ədəbiyyat və incəsənət”
Mirvarid Dilbazi Poeziya Məclisinin təşkilatçılığı ilə 44 günlük vətən müharibəsinin şəhidi Elfaq Nağıyevin ad günü münasibəti ilə anım tədbiri keçirildi.
Şəhidlərimizin əziz xatirəsi bir dəqiqəlik sükutla anıldı.
Azərbaycan Respublikasının dövlət himni səsləndirildi.
Tədbiri giriş sözü ilə açan Mirvarid Dilbazi Poeziya Məclisinin sədri Güllü Eldar Tomarlı şəhid Elfaq Nağıyevin qəhrəmanlıq yolundan danışdı.
Şəhid Elfaq Nağıyeva həsr olunmuş video- çarx nümayiş olundu.
Tədbiri aparmaq üçün söz məzarsz şəhid İsmayıl İsmayılovun bacısı, şair Lalə İsmayıla verildi. O, tarix yazan oğulların, vətən yolunda şirin candan keçən oğulların əziz xatirəsinin qədirbilən xalqımız tərəfindən heç vaxt unulmayacağını qeyd etdi. Sonra söz Səbael Rayon İcra Hakimiyyətinin əməkdaşı Abasağa Dərbəndliyə verildi. O, Cənab Prezident İlham Əliyevin rəhbərliyi ilə Şanlı Ordumuzun qalib gəldiyi 44 günlük vətən müharibəsinin qəhrəman oğullarından olan Elfaq Nağıyevin ömür yolunun gələcək nəsillərə bir örnək olduğunu bildirdi.
Şəhid Elfaq Nağıyevin təhsil aldığı 307 saylı məktəbin şagirdləri vətənpərvərlik mövzusunda şeirlər səsləndirdi.
Tədbirdə şəhid Rəşad Ələkbərovun anası Nailə xanım, şəhid Zaur İsmayılzadənin anası Sevil xanım, şəhid Əkbər Pənahovun anası Mayqa xanım, Emin İsmayılovun anası Məlahət xanım, şəhid Elfaq Nağıyevin dayısı qazi Sarvan Tağıyev, Əməkdar jurnalist Şəmsiyyə Kərimova çıxış etdilər
Bəstəkar, müğənni Yaqut Almaz, müğənni Vüsal Mingəçevirli, müğənni Ruslan Səfərli, hərbi jurnalist Ötərxan Eltac, şairlərdən Səringül Sadə, Mətanət Ulu Şirvanlı vətənpərvərlik mövzusunda musiqilər, şeirlər səsləndirdilər.
Şəhid Elfaq Nağıyevin atası Araz Nağıyev, anası Aytəkin Nağıyeva öz çıxışlarında oğulları ilə fəxr etdiklərini bildirdilər.
“Ədəbiyyat və incəsənət”
(26.12.2024)
