İmran Verdiyev, Azərbaycan Respublikasının Əməkdar müəllimi. “Ədəbiyyat və incəsənət” portalının Oğuz təmsilçisi
BMT Baş Assambleyası 1999- cu ildə 25 noyabrı Qadın Zorakılığına Qarşı Mübarizə Günü elan edib.
BMT cəmiyyətin bu problemə diqqətini cəlb etmək üçün hər il noyabrın 25-də hökumətlər, beynəlxalq təşkilatlara və QHT-lərə tədbirlər keçirməyi təklif edir.
Bütün dünyada olduğu kimi ölkəmizdə də Qadın zorakılığına qarşı beynəlxalq mübarizə günündə müxtəlif tədbirlər həyata keçirilir.
Oğuz Rayon Mərkəzi Kitabxanasında keçirilən 25 noyabr Qadın Zorakılığına Qarşı Mübarizə Günü ilə əlaqədar "Qadın gülərsə kainat gülər" başlıqlı konfrans da belə tədbirlərdən oldu.
Tədbirdə Şəki-Zaqatala Regional Gənclər və idman idarəsinin sektor müdürü Şaiq Rüstəmov, baş məsləhətçi Aytən Daşdəmirova, Şəki-Zaqatala Regional Təhsil idarəsi Oğuz rayonu üzrə Təhsil şöbəsinin metodisti Həqiqət Rəsulova, Heydər Əliyev Mərkəzinin əməkdaşları, Oğuz rayon Uşaq Musiqi Məktəbinin müəllimləri və fəal oxucular iştirak edib.
Tədbirdə çıxış edənlər məişət zorakılığı ilə davamlı mübarizənin aparılmasından, qadınların cəmiyyətdə rolunun artırılması, sosial statuslarının yüksəldilməsi və bu qlobal məsələnin daha çox qurbanı olan qadınların öz potensiallarını göstərmək üçün göstərə biləcəyimiz dəstəkdən danışaraq, iştirakçıları maraqlandıran sualları cavablandırıblar.
“Ədəbiyyat və incəsənət”
(25.11.2024)
