İmran Verdiyev, Azərbaycan Respublikasının Əməkdar müəllimi. “Ədəbiyyat və incəsənət” portalının Oğuz təmsilçisi
Ötən gün Oğuz şəhərində şəhid Anar Talıb oğlu Əliyevin adına inşa edilən bulağın açılışı olub.
Açılış mərasimində şəhidin yaxınları, şəhid ailələri, rayon icra hakimiyyətinin nümayəndələri, hüquq-mühafizə orqanları və ictimaiyyət nümayəndələri iştirak ediblər.
Tədbirdə şəhid A.Əliyevin şərəfli həyat yolundan vəonun Vətən müharibəsində göstərdiyiqəhrəmanlıqlarından söz açılıb, ruhuna dualar oxunub.
Anar Əliyev 16 may 1991-ci ildə Oğuz rayonunda anadan olub. 1998–2009-cu illərdə Oğuz şəhər şəhid E.Abdullayev adına 2 nömrəli tam orta məktəbdə oxuyub. Ailəli idi, 1 oğlan övladı yadigar qaldı.
Anar Əliyev 2009–2011-ci illərdə Azərbaycan Silahlı Qüvvələrində müddətli həqiqi hərbi xidmət keçmişdir.
Azərbaycan Silahlı Qüvvələrinin müddətli həqiqi hərbi xidmət hərbi qulluqçusu olan Anar Əliyev 2020-ci il sentyabrın 27-də Azərbaycan və Ermənistan arasında başlanan Vətən müharibəsi zamanı Füzuli döyüşlərində savaşıb. Anar Əliyev oktyabrın 26-da Füzuli döyüşlərində qəhrəmancasına vuruşaraq şəhid olub. Anar Əliyev oktyabrın 27-də Oğuz Şəhidlər Xiyabanında dəfn edilib.
Azərbaycanın ərazi bütövlüyünün bərpa edilməsi uğrunda döyüş əməliyyatlarına qatılan və hərbi hissəqarşısında qoyulmuş tapşırıqların icrası zamanı vəzifəborcunu şərəflə yerinə yetirdiyi üçün AzərbaycanPrezidenti İlham Əliyevin 15.12.2020-ci il tarixliSərəncamına əsasən Anar Əliyev ölümündən sonra "Vətən uğrunda" medalı ilə təltif edilmişdir.
Azərbaycanın Füzuli rayonunun işğaldan azadedilməsi uğrunda aparılan döyüş əməliyyatlarınaqatılaraq şəxsi igidlik və şücaət nümayiş etdirdiyinə görəAzərbaycan Prezidenti İlham Əliyevin 25.12.2020-ci il tarixli Sərəncamına əsasən Anar Əliyev ölümündən sonra "Füzulinin azad olunmasına görə" medalı ilə təltifedilmişdir.
Azərbaycanın ərazi bütövlüyünün bərpa edilməsiuğrunda döyüş əməliyyatlarına qatılan və hərbi hissəqarşısında qoyulmuş tapşırıqların icrası zamanı vəzifəborcunu şərəflə yerinə yetirdiyi üçün AzərbaycanPrezidenti İlham Əliyevin Sərəncamına əsasən Anar Əliyev ölümündən sonra "Döyüşdə fərqlənməyə görə" medalı ilə təltif edilmişdir.
“Ədəbiyyat və incəsənət”
(28.10.2024)
