29 yanvar - 4 fevral tarixində “ASAN Könüllüləri” Təşkilatı tərəfindən “Dinamik Gənclik Həftəsi IV" layihəsi reallaşdırılıb. Bu barədə “Ədəbiyyat və incəsənət” portalına “ASAN xidmət”dən məlumat verilib.
4 ildir təşkil olunan layihənin məqsədi Azərbaycan gənclərinin maarifləndirilməsi, inklüziv cəmiyyət dəyərlərinə əsaslanması, yeni dostluq əlaqələrinin qurulması, şəbəkələşmənin təmin olunmasıdır.
Layihə müddətində müxtəlif təlimlər, maarifləndirici seminarlar, motivasiyaedici görüşlər, ustad dərsləri, komanda oyunları, intellektual yarış, şahmat turniri və əyləncə proqramı təşkil olunub.
Könüllülər bu müddətdə “Coca-Cola” zavoduna, IDEA Heyvanlara Qayğı Mərkəzinə, “Suraxanı” gəmi muzeyinə və “Turan atçılıq mərkəzi”nə də ekskursiya ediblər.
Həftə ərzində müxtəlif təlimlərdə, idman oyunlarında, master-klasslarda, “Milli irs ekranlarda”, “Yaşıl həyat naminə” adlı intellektual oyunlarda iştirak ediblər.
Layihə çərçivəsində könüllülərimizin maraq dairəsinə, ixtisasına uyğun olan müxtəlif ekspertlərlər və dövlət rəsmiləri ilə görüşlər həyata keçirilib.
“Dinamik Gənclik Həftəsi IV” layihəsinə 600-dən çox ASAN könüllüsü qoşulub.
“Ədəbiyyat və incəsənət”
(06.02.2024)
