Azərbaycanlı fotomüxbir, AzərTAC-ın fotomüxbiri İlqar Cəfərov Albaniyanın Tirana şəhərində keçirilən “MOMENTS 2023” Beynəlxalq Fotomüsabiqəsinin üç mükafatına layiq görülüb.
Beynəlxalq Fotoqrafiya Sənəti Federasiyasının (FIAP) himayəsi altında keçirilən bu fotomüsabiqəyə dünyanın 56 ölkəsindən 180 fotoqrafın üç mindən çox fotoşəkili göndərilib.
FIAP-ın qızıl medalına müəllifin Bakıda çəkilmiş "Qırmızı paltarlı" fotosu layiq görülüb. Amerika Fotoqraflar Cəmiyyətinin (PSA) qızıl medalına 2016-cı ildə Braziliyada keçirilən Yay Olimpiya Oyunlarında çəkilmiş "Ağırlıqqaldıranın emosiyası" şəkli layiq görülüb. PSA-nın fəxri lentinə isə 2014-cü ildə Soçidə keçirilən Qış Olimpiya Oyunlarında çəkilən "Məşqçi" fotoşəkili layiq görülüb.
Qeyd edək ki, "Ağırlıqqaldıranın emosiyası" fotosu həmçinin Serbiyada keçirilən "PhotoEXPO 2023" Beynəlxalq Fotomüsabiqəsində də PSA-nın qızıl medalına layiq görülüb.
“Ədəbiyyat və incəsənət”
(19.04.2023)
