Sual- cavab rubrikasında “Ədəbiyyat və incəsənət” portalı oxucu L.Əşrəfovanın xahişi ilə builki “Cannes Lions” (Kann şirləri) beynəlxalq yaradıcılıq festivalı barədə bilgi verir. 

Cari ilin 20– 24 iyun tarixlərində Fransanın Kann şəhərində “Cannes Lions 2022” beynəlxalq yaradıcılıq festivalı növbəti dəfə baş tutub. Festivalda “Young Lions Azerbaijan 2022” müsabiqəsinin Azərbaycan üzrə qalibləri, təşkilatçılar, o cümlədən rəsmi nümayəndələr iştirak ediblər. 

Bu mötəbər festivalda “Meta”, “Twitter”, “Spotify”, “Warner Bros”, “Pinterest”, “Amazon” kimi qlobal brendlər təmsil olunurdular. Tədbir ərzində dünyanın müxtəlif ölkələrindən olan peşəkarların, yaradıcı sənaye nümayəndələrinin, o cümlədən Peris Hilton, Rayn Reynolds, Patrik Stüart kimi məşhur şəxslərin çıxışları, panel sessiyaları baş tutubdur.

Nəzərinizə çatdırırıq ki, müsabiqənin Azərbaycan üzrə yerli mərhələsində qalib olmuş 4 nəfər iştirakçı Mədəniyyət Nazirliyinin dəstəyi ilə bu festivalda iştirak etmişdir.

Əlbəttə ki, belə möhtəşəm bir atmosferdə olmaq azərbaycanlı gənclər üçün yardıcılıq baxımından çox əhəmiyyətli olacaq. Çünki “Cannes Lions” dünyanın reklam-dizayn sahəsində ən nüfuzlu festivalı hesab olunur.