Səbinə Yusif, “Ədəbiyyat və incəsənət”
Ta qədimdən Qazax həm ədəbiyyat, həm də elm mərkəzi sayılıb. Təsadüfi deyil ki, bu mahaldan nə qədər məşhur şair, yazıçı, alim, pedaqoq çıxıb.
İndi də qazaxlılar kiçikdən böyüyə qazaxlı adını doğrultmağa çalışırlar.
Növbəti söhbətim Qazax məktəbliləri barədədir.
Qazax rayonu Daş Salahlı kənd Araz Əmilov adına 1 saylı orta məktəbin 11-ci sinif şagirdi
Məmmədov Rəsul Mahmud oğlu ötən 2023-cü ilin mart ayında İctimai televiziyada yayımlanan məşhur intellektual "Əlaçı" Televiziya verilişinin qalibi oldu.
Həmçinin Qazax rayon Daş Salahlı kənd Araz Əmilov adına 1saylı orta məktəbin 11-ci sinif şagirdi Gülməmmədli Məlahət Kamil qızı bu uğuru təkrarladı, ötən 2023-cü ilin oktyabr ayında "Əlaçı" Televiziya verilişinin qalibi oldu.
"Qazax" Xeyriyyə İctimai Birliyi İdarə heyətinin sədri professor İlham Pirməmmədov ötən il hər iki şagirdlə telefon əlaqəsi saxlayaraq onları təbrik etdi, uğurlar arzuladı.
İlham Pirməmmədov bu gün Rəsulla yenidən telefon əlaqəsi saxladı. Qəbul imtahanın nəticələri ilə maraqlandı. Rəsul imtahan suallarına əla cavab verdiyini, uğurlu nəticə əldə edəcəyini İlham müəllimin diqqətinə çatdırdı.
Gənclər məqsədyönlüdürlər, qarşıda qoyduqları vəzifələrə doğru əzmlə irəliləyirlər.
Rəsula və Məlahətə imtahanlarda və gələcək həyatlarında uğurlar arzulayırıq.
“Ədəbiyyat və incəsənət”
(13.03.2024)
