Qardaş Türkiyənin dəyərli yazarlarından biri olan Gamze Aktürk xanımın yeni nəşr olunan kitabı haqqında “Ədəbiyyat və incəsənət” portalının əməkdaşı Habil Yaşar müəllifdən fikrini alıb.

-Salam Gamze Aktürk xanım. Necəsiniz? Bildiyim qədər bu yaxınlarda yeni kitabınız işıq üzü görmüşdür. Bu kitab haqqında məlumat verə bilərsinizmi?

-Salam, ilk öncə maraqlandığınız üçün təşəkkür edirəm. “Aile” nəşriyyatında çap olunan “Annemin Sır Dolu Çekmecesi” kitabı gözlədiyimdən də çox diqqət çəkdi. Gəlin, uşaqlar texnologiya, süni intellekt və robotlarla əhatə olunduqda niyə keçmişə yönəlmiş macəra yazdığımdan danışaq. Bu əsər əslində mədəni irs əsərinə çevrildi. Biz uşaqlarımıza həmişə uşaqlığımızdan danışırıq, amma onları dinləməkdənsə, onları bu macəraya çəkib əsərin qəhrəmanına çevirmək istədim. Sözlər uçur, yazı qalır. Uşaqlıqda oynadığımız oyunları, ailə paylaşımlarını, qonşuluq münasibətlərini, hətta pul kisəsi kimi unudulmuş bəzi əşyaları şirin bir fantastika ilə onlara çatdırmaq istədim.

Gələcəklə bağlı planlarınız haqqında da bilmək istərdik, əgər mümkünsə...

Gələcəkdə bu kitabın kinoya çəkilməsini çox istəyirəm. Uşaqlarımız onu nəinki oxusun, həm də izləsin və yaşayaraq öyrənsin. Və sizə kodlar, sirlər və macəralarla dolu, yeni ildə işıq üzü görməsi planlaşdırılan və hazırda üzərində iş gedən yeni kitabımla bağlı müjdə vermək istəyirəm.

Müsahibəmizə zaman ayırdığınız üçün təşəkkür edirəm Gamze xanım.

Habil bəy, mən də sizə dəyərli vaxtınızdan ayırdığınız üçün və marağınıza görə təşəkkür edirəm. Bütün sevənlərimə çoxlu sevgilər.

“Ədəbiyyat və incəsənət”

(21.11.2024)